Վացլավ Չտվրտեկ
Վացլավ Չտվրտեկ չեխ․՝ Václav Čtvrtek | |
|---|---|
| Ծննդյան անուն | չեխ․՝ Václav Cafourek |
| Ծնվել է | ապրիլի 4, 1911[1] |
| Ծննդավայր | Պրահա, Բոհեմիայի թագավորություն[1] |
| Վախճանվել է | նոյեմբերի 6, 1976[1] (65 տարեկանում) |
| Վախճանի վայր | Պրահա, Չեխոսլովակիայի Սոցիալիստական Հանրապետություն[1] |
| Գրական անուն | Huge Prattler, Jan Neděla և Karel Poledne |
| Մասնագիտություն | բանաստեղծ, գրող և գիտաֆանստաստիկ գրող |
| Լեզու | ֆրանսերեն և չեխերեն |
| Քաղաքացիություն |
 Չեխոսլովակիա |
| Կրթություն | Պրահայի Կարլի համալսարան |
| Պարգևներ | Ժպիտի շքանշան |
Վացլավ Չտվրտեկ (չեխ․՝ Václav Čtvrtek), իսկական անուն-ազգանունը՝ Վացլավ Կաֆոուրեկ, չեխ․՝ Václav Cafourek, ապրիլի 4, 1911[1], Պրահա, Բոհեմիայի թագավորություն[1] - նոյեմբերի 6, 1976[1], Պրահա, Չեխոսլովակիայի Սոցիալիստական Հանրապետություն[1]), չեխ արձակագիր, բանաստեղծ, դրամատուրգ, մանկագիր։
Կենսագրություն[խմբագրել | խմբագրել կոդը]
Ծնվել է Պրահայում: Առաջին համաշխարհային պատերազմի ժամանակ ընտանիքի հետ տեղափոխվել է Յիչին՝ պապու մոտ: Հետագայում իր շատ ստեղծագործություններում ներկայացնում է այս քաղաքը որպես գործողության վայր: Պատերազմից և հոր վերադարձից հետո ընտանիքը վերադառնում է Պրահա: Այդ ժամանակ հայրը գրեթե ամեն գիշեր երեխաներին պատմում էր չեխ կոշկակարի մասին, որն անցել է համաշխարհային պատերազմի միջով: Այդ պատմությունները ոգեշնչեցին ապագա գրողին, որպեսզի հետագայում գրի իր որոշ ստեղծագործություններ:
1931 թվականին Պրահայում ավարտում է միջնակարգ դպրոցը, որից հետո հոր հորդորով ուսումը շարունակում է Կարլովի համալսարանի իրավագիտության ֆակուլտետում: Երեք կիսամյակ սովորելուց հետո թողնում է ուսումը և ընդունվում է աշխատանքի որպես գրագիր: Նրա պաշտոնը բարձրանում է մինչ ֆինանսական տնօրենի պարտականությունները:
Երեխաների համար առաջին ստեղծագործությունները հրապարակել է Երկրորդ համաշխարհային պատերազմից հետո: Աշխատակցել է մի շարք մանկական պարբերականների:
1949 թվականին որպես սցենարիստ աշխատանքի է անցնում Չեխոսլովակիայի ռադիոյում, որտեղ հետագայում աշխատում է որպես մանկապատանեկան հաղորդումների գլխավոր խմբագիր:
1950-ական թվականների վերջերին մուլտֆիլմերի համար սցենարներ է գրում, որոնք նկարահանվում էին չեխոսլովակյան հեռուստատեսությամբ:
Գրական գործունեության ամենակտիվ շրջանը նրա համար եղել է 1960-ական թվականները, երբ նա հեքիաթներ էր գրում: 1975 թվականին արժանացել է Յիչինի պատվավոր քաղաքացի կոչումին:
Վացլավ Չտվրտեկը հայերեն[խմբագրել | խմբագրել կոդը]
- Մենք՝ երեք ընկեր, մեկ էլ շունը մեր (վիպակ), Ե., Հայպետհրատ, 1964, 182 էջ: Ռուսերենից թարգմ.՝ Շ. Գրիգորյան:
Ծանաթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 German National Library, Berlin State Library, Bavarian State Library et al. Record #124346251 // Gemeinsame Normdatei — 2012—2016.
| ||||||
