Վարշամ Բորանյան
| Վարշամ Հարությունի Բորանյան | |||||||||||||
|---|---|---|---|---|---|---|---|---|---|---|---|---|---|
| Անձնական տեղեկություն | |||||||||||||
| Սեռ՝ | արական | ||||||||||||
| Մասնագիտացում՝ | Հունահռոմեական ըմբիշ | ||||||||||||
| Երկիր՝ |  Հայաստան | ||||||||||||
| Ծննդյան ամսաթիվ՝ | մարտի 4, 1988 (36 տարեկան) | ||||||||||||
| Ծննդավայր՝ | Ախուրյան, Հայաստան | ||||||||||||
| 174 սանտիմետր | |||||||||||||
Պարգևներ
| |||||||||||||
Վարշամ Հարությունի Բորանյան (մարտի 4, 1988, Ախուրյան, Հայկական ԽՍՀ, ԽՍՀՄ), հունահռոմեական ոճի հայ ըմբիշ, Եվրոպայի 2016 թվականի չեմպիոն, Հայաստանի բազմակի չեմպիոն։
Կենսագրություն[խմբագրել | խմբագրել կոդը]
Վարշամ Բորանյանը ծնվել է Շիրակի մարզի Ախուրյան գյուղում։ Ըմբշամարտով սկսել է զբաղվել հարազատ գյուղի համալիր մարզադպրոցում։ Սկսած 2000 թվականից անփոփոխ մարզվում է անձնական մարզիչ Արամ Գասպարյանի ղեկավարությամբ[1]։
Միջազգային ասպարեզում մեծահասակների մրցաշարերում առաջին մեդալը նա շահել է 2010 թվականին Իրանում կայացած Yadegar Imam Cup մրցաշարում, որտեղ 74 կգ քաշային կարգում արժանացել է բրոնզե մեդալի։
2014 թվականին 71 կգ քաշային կարգում հաղթել է Գերմանիայի Գրան-պրի մրցաշարում՝ եզրափակչում առավելության հասնելով Թուրքիայի ներկայացուցիչ Յունուս Էմրե Բաշարին։
Երկու անգամ մասնակցել է աշխարհի առաջնություններին։ 2014 թվականին զբաղեցրել է 5-րդ հորիզոնականը, իսկ 2015-ին՝ 16-րդ։
Իր մարզական կենսագրության մեծագույն նվաճմանը Վարշամը հասավ 2016 թվականի մարտի 13-ին՝ Լատվիայի մայրաքաղաք Ռիգայում կայացած Եվրոպայի առաջնությունում։ 71 կգ քաշային կարգի որակավորման փուլում նա 8:0 հաշվով առավելության հասավ ռումինացի Թոմի Գլաուդիու Հինովեանուի նկատմամբ, 1/8 եզրափակչում հաղթեց պորտուգալացի Ուգո Պասոս դա Սիլվային։ Քառորդ եզրափակչում նա հաղթահարեց բուլղարացի Սվիլեն Կոստադինովի արգելքը, իսկ կիսաեզրափակչում 2:1 հաշվով հաղթեց Բալինտ Կորպաշիին (Հունգարիա)։ Եզրափակիչ գոտեմարտում նրա մրցակիցը սերբ Ալեքսանդար Մաքսիմովիչն էր։ Վարշամը վստահ հաղթանակ տարավ 3:0 հաշվով և առաջին անգամ դարձավ Եվրոպայի չեմպիոն։