Վարմա Ռավի

Վիքիպեդիայից՝ ազատ հանրագիտարանից
Jump to navigation Jump to search
Վարմա Ռավի
մալայալամ՝ രാജാ രവിവർമ്മ
Ravivarma1b.jpg
Ծնվել էապրիլի 29, 1848(1848-04-29)[1][2][3]
ԾննդավայրKilimanoor, Thiruvananthapuram district, Travancore, Բրիտանական Հնդկաստան[4]
Վախճանվել էհոկտեմբերի 2, 1906(1906-10-02)[1][2][3] (58 տարեկան)
Մահվան վայրAttingal, Thiruvananthapuram district, Travancore, Բրիտանական Հնդկաստան
ԱզգությունMalayali?
ՔաղաքացիությունFlag of Kingdom of Travancore.svg Travancore
Մասնագիտություննկարիչ, արվեստների գործիչ և ստեղծող
Ժանրդիմապատկեր
Ուշագրավ աշխատանքներShakuntala?
ստորագրություն
Raja Ravi Varma signature.png
Raja Ravi Varma Վիքիպահեստում

Ռաջա Ռավի Վարմա (մալայալամ՝ രാജാ രവിവർമ്മ, ապրիլի 29, 1848(1848-04-29)[1][2][3], Kilimanoor, Thiruvananthapuram district, Travancore, Բրիտանական Հնդկաստան[4] - հոկտեմբերի 2, 1906(1906-10-02)[1][2][3], Attingal, Thiruvananthapuram district, Travancore, Բրիտանական Հնդկաստան)[5], հնդիկ նկարիչ, բազմաթիվ աշխատությունների հեղինակ, այդ թվում հնդկական էպոսներ «Մահաբհարաթաի» և «Ռամայանաի» թեմաներով:

Կենսագրություն[խմբագրել | խմբագրել կոդը]

Ռավի Վարմա (լրիվ անունը՝ Ռավի Վարմա Քոյլ Թամփուռան) ծնվել է 1848 թվականի ապրիլի 29-ին Տրիվանդրամի (այժմ՝ Կերալա նահանգում) հարևանությամբ գտնվող Քիլիմանուր իշխանական պալատում, Տրավանգոր պետության Մահառաջաների ընտանիքում[6]: Դեռ վաղ մանկության տարիներին նա ցուցաբերել է բավականին մեծ ընդունակություններ նկարչության հանդեպ, որոնց բացահայտմանը ակտիվորեն աջակցել է հորեղբայրը: Արդեն 14 տարեկանից Ռավի Վարման իշխանական պալատում սովորում էր հնդկական ավանդական գեղանկարչություն, իսկ 1863 թվականին մեկ ամիս շարունակ եվրոպական գեղանկարչության դասեր է ստացել պալատ հրավիրված բրիտանացի դիմանկարիչ Թեոդոր Իյենսենից[7]:

Միջազգային ցուցահանդեսներ[խմբագրել | խմբագրել կոդը]

1873 թվականին Ռավի Վարման մասնակցել է Մադրասում անցկացված միջազգային արվեստի ցուցահանդեսին, որտեղ նրա «Լեդի Նաիրը առավոտյան պճնասեղանի առջև» նկարը ճանաչվել է լավագույնը: Նկարիչը համաշխարհային համբավ է ձեռք բերել նույն թվականին Վիեննայում կայացած ցուցահանդեսից հետո, որտեղ նույնպես արժանացել է գլխավոր մրցանակի:

Ռավի Վարման երբեք չի ունեցել ռաջայի պաշտոնական տիտղոս, սակայն Եվրոպայում նա հայտնի է դարձել որպես նկարիչ-իշխան Ռաջա Ռավի։

Ռաջա Ռավի Վարմա տպարան[խմբագրել | խմբագրել կոդը]

Մինչ նրա հայտնվելը հնդկական արվեստը կարելի էր բնութագրել որպես պատկերավոր, սիմվոլիկ, վերացական, երկրաչափական, բայց ոչ մի կերպ իրականություն արտացոլող: Հայտնի է, որ հինդու աստվածները երբեք չեն նույնացվել մարդու դեմքի հետ: Նրանց բազմաթիվ պարզունակ նկարները փոխանցում էին, հիմնականում, բնութագրական հատկությունների նկարագրությունը: Բայց այն բանից հետո, երբ 1894 թվականին Բոմբեյում կառուցվեց Ռավի Վարմա տպարանը, ամեն ինչ փոխվեց: Շուտով սրբապատկերներ յուրաքանչյուր միջին խավի ընտանիքում` Շիմլայից մինչև Տրիվանդրում և Կալկաթայից մինչև Բոմբայ, հայտնվեցին Լաքշմիի, Սարասվատիի, Ռամի, Սիտայի, Հանումանի և շատ ուրիշների նյութապես մատչելի և իրատեսական սրբապատկերները, որոնք մինչ այժմ լայնորեն օգտագործվում են[8]:

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Потабенко С.И. Изобразительное искусство Индии в новое и новейшее время (конец XVIII - середина XIX в.) М., 1981. С.49-52.
  • Raja Ravi Varma: Painter of Colonial India by Rupika Chawla, Pub: Mapin Publishing, Ahmedabad, March 2010, ISBN 9780944142417
  • Raja Ravi Varma - Oleographs Catalogue by Dr. D.Jegat Ishwari, Pub: ShriParasuraman, Chennai, 2010, ISBN 9788191002614
  • Raja Ravi Varma - The Most Celebrated Painter of India: 1848-1906, Parsram Mangharam, Bangalore, 2007
  • Raja Ravi Varma - The Painter Prince: 1848-1906, Parsram Mangharam, Bangalore, 2003

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]