Վարիս Դիրիե

Վիքիպեդիայից՝ ազատ հանրագիտարանից
Jump to navigation Jump to search
Վարիս Դիրիե
Waris Dirie - Bratislava 2010.png
Ծննդյան թիվ՝ 1965[1][2][3]
Ծննդավայր՝ Գալկայո, Մուդուգ, Սոմալի
Ազգություն՝ Somali people
Քաղաքացիություն՝ Flag of Somalia.svg Սոմալի
Flag of Austria.svg Ավստրիա
Մասնագիտություն՝ մոդել, վիպասան, գրող, ինքնակենսագիր, ֆեմինիստ, կինոդերասանուհի և Բարի կամքի դեսպան
Պարգևներ՝ Պատվավոր Լեգեոնի շքանշան
IMDb։ ID 0909909

Վարիս Դիրիե (գերմ.՝ Waris Dirie, արաբ․՝ واريس ديري‎‎, 1965[1][2][3], Գալկայո, Մուդուգ, Սոմալի), սոմալիական ծագմամբ գրող, ֆոտոմոդել և հասարակական գործիչ, 2005 թվականից՝ Ավստրիայի քաղաքացի։

Վաղ տարիներ[խմբագրել | խմբագրել կոդը]

Վարիս Դիրիեն ծնվել է Սոմալիի գաալկացյո քոչվոր ցեղի տոհմերից մեկում 1965 թվականին[4]։ 3 տարեկանում նա ենթարկվել է կանացի թլպատման արարողության, իսկ 13 տարեկանում նա փախել է ընտանիքից, որպեսզի խուսափի իրենից տարիքով բավականին մեծ տղամարդու հետ ամուսնությունից։ Նա տեղափոխվել է Լոնդոն, Անգլիա, որտեղ ապրել և աշխատել է իր հարուստ ազգականների մոտ։ Հետագայում Վարիսն աշխատել է տեղի McDonald's-ում[5]։

Գործունեություն[խմբագրել | խմբագրել կոդը]

Վարիսին պատահաբար հայտնաբերել է լուսանկարիչ Թերենս Դոնովանը։ Վարիսի գործունեությունը սրընթաց զարգացել է։ Նրան իրենց գովազդներում նկարահանել են Chanel, Levi’s, L'Oréal և Revlon ընկերությունները։

1987 թվականին Վարիսը խաղացել է Ջեյմս Բոնդի մասին պատմող «Կայծեր աչքերից» ֆիլմում։

1997 թվականին մոդելային գործենության բարձունքում Վարիսը «Marie Claire» ամսագրին տված հարցազրույցում առաջին անգամ պատմել է կանացի թլպատման մասին, ինչի միջով անցել էր մանուկ հասակում։ Այդ նույն տարում Վարիսը դարձել է ՄԱԿ-ի բարի կամքի դեսպան ընդդեմ կանացի թլպատման։

1998 թվականին Վարիսը գրել է իր առաջին գիրքը՝ «Անապատի ծաղիկը», ինքնակենսագրություն, որը դարձել է բեսթսելլեր[5]։

2009 թվականին թողարկվել է ֆիլմ, որի հիմքում նրա «Անապատի ծաղիկը» գիրքն էր։

Հումանիտար աշխատանք[խմբագրել | խմբագրել կոդը]

1997 թվականին Վարիսը թողել է մոդելի աշխատանքը, որպեսզի կենտրոնանա կանացի թլպատման դեմ աշխատանքների վրա։ Այդ նույն տարում նա ընտրվել է ՄԱԿ-ի բարի կամքի դեսպան կանացի թլպատման արգելքի համար[6][7]։ 2002 թվականին նա Վիեննայում ձևավորել է Վարիս Դիրիեի ֆոնդը. կազմակերպություն, որը կոչված էր ուշադրություն գրավել կանացի թլպատման հետ կապված վտանգների հանդեպ։

Գրքեր և ֆիլմեր[խմբագրել | խմբագրել կոդը]

Գրքեր[խմբագրել | խմբագրել կոդը]

  • «Անապատի ծաղիկը»
  • «Լուսաբացն անապատում»
  • «Անապատի երեխաները»
  • «Նամակ իմ մորը»
  • «Քոչվորների դուստրը»
  • «Սաֆա»

Ֆիլմեր[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. 2,0 2,1 Servizio Bibliotecario Nazionale — 1985.
  3. 3,0 3,1 Encyclopædia Britannica
  4. Babor — Waris Dirie profile
  5. 5,0 5,1 Somalia’s Desert Flower Time Magazine July 7th, 2002
  6. Messengers of Peace and Goodwill Ambassadors at the United Nations
  7. UNFPA Goodwill ambassador, Waris Dirie, wins award UNFPA — United Nations Population Fund April 17th, 2001

Արտաքին հղումներ[խմբագրել | խմբագրել կոդը]