Վասակակերտ
| Գյուղ | ||
|---|---|---|
| Վասակակերտ/Նազարաբադ | ||
| Nəzərabad | ||
| Երկիր |  Ադրբեջան | |
| Ինքնավար Հանրապետություն | Նախիջևանի Ինքնավար Հանրապետություն | |
| Շրջան | Բաբեկի շրջան | |
| ԲԾՄ | 991 մետր | |
| Պաշտոնական լեզու | Ադրբեջաներեն | |
| Բնակչություն | 1․036 մարդ (2010) | |
| Ազգային կազմ | Ադրբեջանցիներ | |
| Կրոնական կազմ | Շիա իսլամ | |
| Ժամային գոտի | UTC+4 | |
| ||
Վասակակերտ կամ Նազարապատ[1] (այժմ կոչվում է՝ ադրբ.՝ Nəzərabad - Նազարաբադ), գյուղ ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Բաբեկի շրջանում։ Տեղակայված է Նախիջևան գետի աջ ափին, Ճահուկ վտակը Նախիջևան գետին միախառնման տեղում, Նախիջևանից 10 կմ հեռավորության վրա[2]։
Պատմություն[խմբագրել | խմբագրել կոդը]
Գավառի պատմական Վասակակերտ գյուղը ներկայիս Նախիջևանի շրջանի Նազարաբաթ գյուղն է։ Պատմական այս գուղը տեղադրված է եղել այժմյան գյուղի տեղում ընդարձակ հարթությունում։ Այն անվանվել է նաև Դամրզնդան (Երկաթասալ)[2]։
Ստեփանոս Օրբելյանի հարկացուցակի համաձայն՝ այս գյուղը 13-րդ դարում Տաթևի վանքին վճարել է 10 միավոր հարկ[2]։
Բնակչություն[խմբագրել | խմբագրել կոդը]
Վասակակերտը եղել է մեծ հայկական գյուղ, որն ունեցել է հայկական եկեղեցի և 120-130 տուն հայ բնակչություն։ Հայրենի գյուղից հայ բնակչությունը տեղահան է արվել 1930-1940-ական թվականներին[2]։
Հուշարձաններ[խմբագրել | խմբագրել կոդը]
Գերեզմանատուն[խմբագրել | խմբագրել կոդը]
Գյուղի հարավային կողմում կա 17-20-րդ դարերի գերեզմանատուն։ Այնտեղ կա 73 տապանաքար, որոնք քառանկյունի և խոյաձև տեսակի են։ Արձանագիր տապանաքարերի թիվը կազմում է 31։ 1980-ականների դրությամբ տապանաքարերի մի մասը տեղահան են արվել կամ շուռ են տված[2]։
Վասակակերտում կա մի հնավայր-դամբարանադաշտ[2]։
Եկեղեցի[խմբագրել | խմբագրել կոդը]
1886 թվականի տվյալներով Վասակակերտի Սուրբ Աստվածածին եկեղեցին եղել է գործող հուշարձան և ավերակների է վերածվել 1940-ական թվականներից հետո։ Այս եկեղեցու 1909-1910 թվականների նորոգման մասին փաստաթղթերը հասել են մեր օրերը և այժմ պահպանվում են ՀՀ կենտրոնական պատմական արխիվում։ Գյուղի արևմտյան մասում գտնվող բրոնզեդարյան դամբարանադաշտի մեծ մասը այժմ ավերված է[2]։
Ծանոթագրություններ[խմբագրել | խմբագրել կոդը]
- ↑ Նախիջևանի ԻՍՍՀ բնակավայրերը
- ↑ 2,0 2,1 2,2 2,3 2,4 2,5 2,6 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 183 — 368 էջ. — 2700 հատ, ISBN 5-8079-0911-9։
| ||||||||||||||||||
