Վանիկ Մկրտչյան

Վանիկ Մկրտչյան
Ծնվել է	մարտի 13, 1950(1950-03-13)
Ծննդավայր	Արթիկ, Հայկական ԽՍՀ, ԽՍՀՄ
Մահացել է	հոկտեմբերի 17, 2020(2020-10-17) (70 տարեկան)
Կրթություն	Ռոմանոս Մելիքյանի անվան պետական երաժշտական քոլեջ և Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	Դերասան
Երեխա(ներ)	Տիգրան Մկրտչյան և Վարդան Մկրտչյան
Պարգևներ և մրցանակներ	և Հայաստանի մշակույթի նախարարության ոսկե մեդալ

Վանիկ Վարազդատի Մկրտչյան (մարտի 13, 1950(1950-03-13), Արթիկ, Հայկական ԽՍՀ, ԽՍՀՄ - հոկտեմբերի 17, 2020(2020-10-17)), հայ դերասան, Հայաստանի վաստակավոր արտիստ (2011)։

Կենսագրություն

1969-1972 թվականներին սովորել է Երևանի Ռոմանոս Մելիքյանի անվան երաժշտական ուսումնարանում, 1973-1978 թվականներին՝ Երևանի գեղարվեստա-թատերական ինստիտուտում՝ ստանալով երաժշտական թատրոնի դերասանի որակավորում։ 1978 թվականից Երևանի Պարոնյանի անվան երաժշտական կոմեդիայի պետական թատրոնի դերասան, միաժամանակ՝ 2008 թվականից աշխատում է Երևանի պետական Համազգային թատրոնում, համագործակցում է «Էդգար Էլբակյան» թատրոնի հետ։

Նկարահանվել է «Հայֆիլմ» կինոստուդիայի ֆիլմերում՝ Արա Երնջակյանի «Ժամկետը 7 օր», Վիգեն Չալդրանյանի «Մարտիրոսի ուխտագնացությունը», Բաղդասարյանի «Մարիամ» և այլն։ Մասնակցություն է ունեցել նաև տարբեր հեռուստասերիալներում։ Հյուրախաղերով հանդես է եկել Ռուսաստանում, ԱՄՆ-ում, Կանադայում, Ֆրանսիայում, Շվեյցարիայում, Հոլանդիայում, Իրանում, Լիբանանում, Բելգիայում։

Դերեր

• Փիչըմ՝ «Երեքգրոշանոց օպերա»
• Ժուան՝ «Ժուան Գանգորա»
• Ստրումելլո՝ «Չեմ վճարի»
• Նիկո՝ «Ատամնաբույժն արևելյան»
• Մոզի՝ «Ախ, ներվեր-ներվեր»
• Բլի՝ «Հանգուցյալը շրջում է քաղաքում»
• Օնիկ՝ «Սեր աստղերի տակ»
• Բանաստեղծ՝ «Մեծապատիվ մուրացկաններ»
• Հանիբալ՝ «Տարօրինակ միսիս Սևիջը»
• Քամիյ՝ «Կասկածը կնոջ սրտում»
• Պապիկ՝ «Շողոքորթն»
• Պաղտասար՝ «Պաղտասար աղբար»
• Կուպելլո՝ «Ծննդյան տոները սենյոր Կուպելլոյի տանը»
• Գառնիկ` «Վերջին կանգառ»
• Բանաստեղծ` «Դու էիր պակաս»
• Կլառնետահար` «Էսպես մինչև երբ»

Պարգևներ, մրցանակներ

• 2010 թվականին Պաղտասար աղբարի դերակատարման համար ճանաչվել է «Տարվա լավագույն դերասան»` ստանալով ՀԹԳՄ «Արտավազդ» մրցանակ
• ՀՀ մշակույթի նախարարության ոսկե մեդալ (2010)
• ՀԹԳՄ ոսկե մեդալ (2010)
• Երևանի քաղաքապետի պատվոգիր (2010)
• Հայաստանի վաստակավոր արտիստ (2011)