Վագրակերպ հաց
Ենթատեսակ | հաց |
---|---|
Առաջացման երկիր | Նիդերլանդներ |
Ստեղծման տարեթիվ | 1909 |
Հիմնական | ալյուր, սեղանի աղ, խմորասնկեր, շաքար, կարագ, կաթ, ցորենի ալյուր և flour treatment agent? |
Վագրակերպ հաց («հոլանդական խռթխռթիկը» ԱՄՆ-ում, «tijgerbrood» կամ «tijgerbol» Նիդերլանդներում, և «ընձուղտի հաց»՝ Մեծ Բրիտանիայում), յուրահատուկ խայտաբղետ հացակեղև ունեցող հացի կոմերցիոն անվանումը։
Պատմություն[խմբագրել | խմբագրել կոդը]
Վագրակերպ հացը, որը նաև հայտնի է որպես «հոլանդական խռթխռթիկ» կամ «tijgerbrood»: Անվանումը ծագում է բատոնի յուրահատուկ տեսքով վերնամասից, որին հնարավոր է հասնել՝ խմորին մինչ թխելը բրնձի մածուկ քսելով։ Այդ մածուկը չի պարունակում սնձան (սպիտակուցային նյութ), այդ պատճառով էլ խմորի բարձրացմանը զուգահեռ չի ձգվում։ Թխման ընթացքում, երբ բատոնը փռվում է, չորացած մածուկն սկսում է ճեղքերի բաժանվել։ Վագրակերպ հացն առաջացել է Նիդերլանդներում և տարածվել է Հյուսիսային Եվրոպայի այլ երկրներում։ Որոշ աղբյուրների համաձայն՝ առաջին անգամ ԱՄՆ-ում այս հացը հայտնվել է մոտավորապես 1909 թվականին[1]։
Պատրաստման առանձնահատկություններ[խմբագրել | խմբագրել կոդը]
Ինքը հացը, որպես կանոն, պատրաստում են քունջութի յուղով, իսկ մածուկը պատրաստում են բրնձի ալյուրից և քսում են խմորի վերնամասին՝ մինչ թխվելը։ Մածուկը, որը հացին յուրահատուկ բուրմունք է հաղորդում, չորանում է, և թխման ընթացքում ձևավորվում է «վագրային կեղև»։ Մյուս անհրաժեշտ բաղադրիչը քւնջութի յուղն է, որը հացին յուրահատուկ համ ու բույր է հաղորդում։ Թխված, բրնձային հացակեղևն արտաքուստ խռթխռթան է, իսկ ներքուստ՝ փափուկ։ Որպես կանոն՝ վագրակերպ հացը պատրաստվում է բոքոնի կամ սպիտակ բուլկի հացի տեսքով, բայց բաղադրատոմսը ենթադրում է պատրաստում՝ ցանկացած ձևով։ Ինչպես նաև կարելի է օգտագործել խոշոր աղացած ալյուր[2]։
Հետաքրքիր փաստեր[խմբագրել | խմբագրել կոդը]
2011 թվականի մայիսին երքամյա բրիտանուհի Լիլի Ռոբինսոնը (Lily Robinson) մթերային խանութների ցանցի գլխավոր մենեջերին նամակ գրեց։ Նամակի էությունը կայանում էր նրանում, որ նա հացը չի նմանեցնում վագրի մորթուն։ Ի պատասխան՝ նա նամակ ստացավ՝ 1 քարտ-կուպոնով՝ £ 3-ի համար նախատեսված, իսկ հացը մինչ օրս բրիտանական խանութներում սկսել են անվանել «ընձուղտի հաց»[3]։
Ծանոթագրություններ[խմբագրել | խմբագրել կոդը]
- ↑ Karen Leibowitz (2015 թ․ սեպտեմբերի 28). «Active Ingredient: Going Dutch Crunch». The Bay Citizen. Արխիվացված է օրիգինալից 2015 թ․ սեպտեմբերի 28-ին.
- ↑ «Snap, crackle, crunch bread». Modern-baking.com. 2009 թ․ հունիսի 1. Արխիվացված է օրիգինալից 2011 թ․ հուլիսի 14-ին.
- ↑ DAVID AMERLAND WHEN A TIGER BREAD LOAF IS A GIRAFFE (En). — 2012.