Սևադա Բակունց

Սևադա Բակունց
Ծնվել է	օգոստոսի 20, 1925(1925-08-20)
Ծննդավայր	Գորիս, Հայաստան
Մահացել է	մայիսի 31, 1983(1983-05-31) (57 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան (1950)
Գիտական աստիճան	բժշկական գիտությունների դոկտոր (1967)
Մասնագիտություն	բժիշկ և ֆիզիոլոգ
Աշխատավայր	Լևոն Օրբելու անվան ֆիզիոլոգիայի ինստիտուտ
Ծնողներ	հայր՝ Ակսել Բակունց
Պարգևներ և մրցանակներ	Հայկական ԽՍՀ գիտության վաստակավոր գործիչ

Սևադա Ալեքսանդրի Բակունց (օգոստոսի 20, 1925(1925-08-20), Գորիս, Հայաստան - մայիսի 31, 1983(1983-05-31), Երևան, Հայկական ԽՍՀ, ԽՍՀՄ), հայ բժիշկ-ֆիզիոլոգ։ Բժշկական գիտությունների դոկտոր (1967), ՀԽՍՀ ԳԱ թղթակից անդամ (1968)։ Գիտության վաստակավոր գործիչ (1945): ՀՀ ԳԱԱ Լևոն Օրբելու անվան ֆիզիոլոգիայի ինստիտուտի գիտքարտուղար (1960-1961), փոխտնօրեն (1962), տնօրեն (1963-1974, 1978-1983), ՀԽՍՀ ԳԱ գլխավոր գիտքարտուղար (1974-1978):

Ակսել Բակունցի որդին:

Կենսագրություն

Սևադա Բակունցը ծնվել է 1925 թվականի օգոստոսի 20-ին, Գորիս քաղաքում: 1950 թվականին ավարտել է Երևանի բժշկական ինստիտուտը: 1957 թվականից եղել է ՀԽՍՀ ԳԱ Ֆիզիոլոգիայի ինստիտուտի գիտական քարտուղար, 1963-1974 թվականներին՝ փոխտնօրեն, 1978-1983 թվականներին՝ տնօրեն:

Աշխատանքները վերաբերում են հարթ մկանների, վեգետատիվ նյարդային համակարգի ֆիզիոլոգիային: Մշակել է երիկամների, միզածորանների և օրգանիզմի հարթ մկանների ռիթմիկ ակտիվության որոշման յուրօրինակ եղանակներ: ՀԽՍՀ ԳԱ նախագահության ակադեմիկոս-քարտուղար (1971-1978 թվականներին): Գիտական հետազոտությունները վերաբերում են միզատար ուղիների հարթ մկանների գործունեության մեխանիզմների ուսումնասիրությանը:

Անդամակցություն

• ԽՍՀՄ ԳԱ Ի. Պավլովի անվան ֆիզիոլոգների համամիութենական ընկերության կենտրոնական խորհրդի վարչության անդամ:

Երկեր

• Вопросы физиологии мочеточников, Л.,1970.
• Первое Всесоюзное совещание по вопросам физиологии вегетативной нервной системы и мозжечка, 1961, (Бакунц С. А.).

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 246)։