Ստեֆեն Քարի

Վիքիպեդիայից՝ ազատ հանրագիտարանից
Jump to navigation Jump to search
Picto infobox baschet.png
Ստեֆեն Քարի
Stephen Curry
Stephen Curry (16640524995).jpg
Քարի 2015 թվականին
Ակումբ Ամերիկայի Միացյալ ՆահանգներԳոլդեն սթեյթ Ուորիորս
Դիրքը Խաղարկող
Համար № 30
Ի ծնե տրված անունը Ուորդել Ստեֆեն Քարի II
Wardell Stephen Curry II
Ծննդյան ամսաթիվ մարտի 14, 1988 (30 տարեկան)
Ծննդավայր Ամերիկայի Միացյալ Նահանգներ Ակրոն, Օհայո, ԱՄՆ
Ազգություն Ամերիկայի Միացյալ Նահանգներ Ամերիկացի
Հասակ 1,91 մ
Քաշ 84 կգ
Դպրոց Շառլոթի քրիստոնեական դպրոց
(Շառլոթ, Հյուսիսային Կարոլինա)
համալսարան Դեյվիդսոնի քոլեջ (2006–2009)
Դրաֆթի տարի 2009 / ռաունդ` 1 / ընտր.` 7-րդ
Դրաֆթ ակումբ Գոլդեն սթեյթ Ուորիորս
Կարիերայի պատմություն
Ամերիկայի Միացյալ ՆահանգներԳոլդեն սթեյթ Ուորիորս (2009-այժմ)
Մրցանակներ

  • NBA չեմպիոն (2015, 2017)
  • 2× NBA ամենաարժեքավոր խացացող (2015, 2016)
  • 4× NBA աստղ (2014-2017)
  • NBA All-Rookie առաջին թիմ (2010)
  • NBA երեխմիավորանոց նետումների մրցույթի հաղթող (2015)
  • NBA հմտությունների մարտահրավերի հաղթող (2011)
  • NBA սպորտսմենային պահվածքի մրցանակ (2011)
  • Մրցաշրջանային ռեկորդ՝ իրացրած 3-միավորանոցների կատեգորիայում (2013)
  • Consensus All-American առաջին թիմ (2009)
  • Consensus All-American երկրորդ թիմ (2008)
  • 2× SoCon տարվա խաղացող (2008, 2009)

Ուորդել Ստեֆեն Քարի II (անգլ.՝ Wardell Stephen Curry II, մարտի 14, 1988({{padleft:1988|4|0}}-{{padleft:3|2|0}}-{{padleft:14|2|0}}), Ակրոն, Օհայո, Ամերիկայի Միացյալ Նահանգներ), ամերիկացի պրոֆեսիոնալ բասկետբոլիստ, խաղարկող։ Հանդես է գալիս Բասկետբոլի ազգային ասոցիացիայի (NBA) «Գոլդեն սթեյթ Ուորիորս» ակումբում։

Համալսարանային առաջնության շրջանակներում ներկայացրել է Դեյվիդսոնի քոլեջը (2006–2009)։ 2008-09 մրցաշրջանում եղել է ամենաբարձր միջին միավորներ ունեցող համալսարանային բասկետբոլիստը (28,6 մ/խ ցուցանիշով)։

Ընտրվել է 2009 թվականի NBA դրաֆթի 7-րդ ընտրությամբ՝ «Գոլդեն սթեյթ Ուորիորսի» կողմից։[1] 2012–13 մրցաշրջանում ռեկորդ է սահամանել՝ մեկ մրցաշրջանում իրացրած առավելագույն 3-միավորանոց նետումների կատեգորիայում (272)։ Խաղընկեր Քլեյ Թոմսոնի հետ ռեկորդ է սահմանել նաև մրցաշրջանի ընթացքում կատարած կոմբինացիոն 3-միավորանոց նետումների ասպարեզում (484)։ Թոմսոն-Քարի խաղազույգն այժմ կրում է «Սփլեշ բրադըրս» ("Splash Brothers") մականունը։ 2014-15 մրցաշրջանում գերազանցել է իր իսկ սահմանած 272 երեքմիավորանոց նետումների ռեկորդը՝ այն հասցնելով 286-ի։ Խաղաշրջանի ավարտից հետո արժանացել է ամենաարդյունավետ խաղացողի (MVP) կոչմանը։ 2015 և 2017 թվականների NBA-ի գերեզրափակիչներում պարտության մատնելով Լեբրոն Ջեյմսի «Կլիվլենդ Կավալիերսին», նվաճել NBA-ի գավաթը։

NBA-ի նախկին բասկետբոլիստ Դել Քարիի և նախկին վոլեյբոլիստուհի Սոնյա Քարիի որդին է։

Կենսագրություն[խմբագրել | խմբագրել կոդը]

Ծնվել է բասկետբոլիստ Դել Քարիի և վոլեյբոլիստուհի Սոնյա Քարիի ընտանիքում՝ Ակրոն քաղաքում (Օհայո նահանգ), սակայն տեղափոխվել է Շառլոթ (Հյուսիսային Կարոլինա), որտեղ հայրն սկսում է խաղալ «Շառլոթ Հորնեթսի» կազմում։ Ունի կրտսեր եղբայր՝ Սեթ անվամբ, ով ներկայումս հանդես է գալիս NBA-ի զարգացման լիգայի «Էրի Բեյհոքս» ակումբում։ Մանկության տարիներին Քարին կրթվել է Մոնտեսորիի կրթական ծրագրով։

2001-2002 թվականներին Քարին ապրել է Տորոնտոյում, քանի որ հայրն այդ ընթացքում ելույթներ է ունենում «Տորոնտո Ռեպտորսում»։ 7-րդ և 8-րդ դասարաններում հանդես է եկել տեղի դպրոցներից մեկի բասկետբոլային հավաքականում՝ ունենալով անպարտելի մրցաշրջան։

Որպես ավագ դպրոց, հաճախել է Շառլոթի քրիստոնեական դպրոցը (Charlotte Christian School), որի բասկետբոլային հավաքականում հանդես գալու տարիներին բազմաթիվ առիթներով ընդգրկվել է «all-state», «all-conference» խորհրդանշական հավաքականներում, ինչպես նաև երեք անգամ ճանաչվել կոնֆերենցիայի չեմպիոն։ Դպրոցն ավարտելուց հետո ընդունել է Դեյվիդսոնի քոլեջի կրթաթոշակային ծրագիրը՝ երեք ուսումնական տարի համալսարանային առաջնության շրջանակներում ներկայացնելով «Ուայլդքեթս» ակումբը։ Համալսարանային տարիներին Քարին սահմանում է ռեկորդ (համալսարանի և Հարավային կոնֆերենցիայի պատմության մեջ)՝ սահամանած միջին միավորների կատեգորիայում, երկու անգամն ճանաչվում Հարավային կոնֆերենցիայի տարվա բասկետբոլիստ։ Համալսարանի երկրոդ տարում Քարին սահմանում է նաև NCAA-ի ռեկորդ՝ մեկ մրցաշրջանում իրացրած երեքմիավորանոց նետումների կատեգորիայում։

Բաց թողնելով վերջին համալսարանային տարին, Քարին մասնակցության հայտ է ներկայացնում 2009 թվականի NBA-ի դրաֆթում։ Առաջին ռաունդի 7-րդ համարով Քարին ընտրվում է «Գոլդեն սթեյթ Ուորիորսի» կողմից։

Ծանոթագրություններ[խմբագրել | խմբագրել կոդը]

  1. «ԴՐԱՖԹ 2009»։ NBA.com։ Վերցված է Սեպտեմբերի 17, 2010 

Արտաքին հղումներ[խմբագրել | խմբագրել կոդը]