Ստեֆանի Մայեր

Վիքիպեդիայից՝ ազատ հանրագիտարանից
Picto infobox auteur.png
Ստեֆանի Մայեր
Stephenie Meyer
Stephenie Meyer by Gage Skidmore.jpg
Ծննդյան անուն Ստեֆանի Մորգան Մայեր
Ծնվել է դեկտեմբերի 24, 1973({{padleft:1973|4|0}}-{{padleft:12|2|0}}-{{padleft:24|2|0}}) (43 տարեկան)
Ծննդավայր Հարթֆորդ (Կոնեկտիկուտ), Կոնեկտիկուտ, ԱՄՆ
Մասնագիտություն դերասան, սցենարիստ, կինոպրոդյուսեր, գրող, վիպասան, գիտաֆանստաստիկ գրող, մանկագիր և գործարար
Լեզու անգլերեն[1]
Քաղաքացիություն ԱՄՆ-ի դրոշը ԱՄՆ
Կրթություն Բրիհեմ Յանգի համալսարան
Ստեղծագործական շրջան 2005 - այժմ
Ժանրեր ֆենթեզի, սիրավեպ, սյուրռեալիզմ-ավանտյուրիզմ
Ուշագրավ աշխատանքներ Մթնշաղ և The Host
Stephenie meyer signature.svg
Կայք stepheniemeyer.com
Stephenie Meyer Վիքիպահեստում

Ստեֆանի Մորգան Մայեր (անգլ.՝ Stephenie Morgan Meyer, դեկտեմբերի 24, 1973({{padleft:1973|4|0}}-{{padleft:12|2|0}}-{{padleft:24|2|0}}), Հարթֆորդ, Հարտֆորդ շրջան, Ամերիկայի Միացյալ Նահանգներ), ամերիկացի գրող, ով հայտնի է դարձել «Մթնշաղ» վիպաշարի շնորհիվ։ Վաճառվել է գրքերի ավելի քան 85 միլիոն պատճեն, թարգմանվել է 37 լեզուներով[2]։

Կենսագրություն[խմբագրել | խմբագրել կոդը]

Ծնվել է 1973 թվականի դեկտեմբերի 24-ին Հարթֆորդում՝ Կոնեկտիկուտի շրջանում։ Մանկությունը անցկացրել է Ֆինիկսում իր երկու քույրերի և երեք եղբայրների հետ։ Ապագա ամուսնուն՝ Քրիստիանին, հանդիպել է դեռևս դեռահասության շրջանում և ամուսնացել է 1994 թվականին[3]։

1995 թվականին ավարտել է Բրիգման Յանգի անվան համալսարանը՝ ստանալով անգլերենի մասնագետի բակալավրի կոչում։ Սովորելու տարիներին եռանդուն կերպով կարդացել է տարբեր գրքեր։

Ասում են՝ 2003 թվականի հունիսի 2-ին նա երազում երկու սիրահարների է տեսել, ովքեր նստած էին մի կոճղի վրա։ Պատանի վամպիրը, չնայած անկեղծ զգացմունքներին, ցանկանում է խմել իր սիրելիի արյունը[3][4]։ 29 տարեկան տնային տնտեսուհին և երեք որդիների մայրը սկսում է գրառել իր գաղափարները, իսկ 3 ամսից ավարտում է 500 էջանոց վեպը։ Մի քանի անհաջող փորձերից հետո պայմանագիր է կնքում «Լիթլ, Բրաուն և Կոկ» ընկերության հետ երեք գիրք հրատարակելու համար։ Դրա շնորհիվ նա 750 հազար դոլարի շահույթ է ստանում։

Վեպը, որը ավելի շատ ուշադրություն է գրավում դեռահասների շրջանում, ԱՄՆ-ում հրատարակվել է 2005 թվականին և մեծ հաջողություն է ունեցել, գրավել է հինգերորդ հորիզոնականը ազգային բեսթսլերների ցանկում։ Հաջորդ տարիների ընթացքում հրատարակում է «Նորալաուսին» (2006), «Խավարում» (2007), «Լուսաբաց» (2008) վեպերը։

Բոլոր գրքերում անփոփոխ է մնում Բելլա Սվոնի դերը։ Բացի այդ գրողը որոշում է նկարագրել մի շարք իրադարձություններ կապված Բելլայի սիրելիի՝ վամպիր Էդվարդ Կալլենի հհետ։

2008 թվականի մայիսին հրատարակում է արդեն ավագ սերնդի համար՝ «Հյուրը» վեպը, ըստ որի՝ Երկրի վրա մարտնչում են «գիտակցության մակաբույծներ»-ը՝ հոգիներ, որոնք չունեն սեփական մարմինը։ Մայերը ծրագրել է այդ վեպի երկու շարունակությունները գրել՝ «Հոգի» և «Փնտրող»

Ստեֆանի Մայերը «Austenland» (2012) ֆիլմի պրոդյուսերն է[5]

Մատենագրություն[խմբագրել | խմբագրել կոդը]

Год Հայերեն անվանում Օրիգինալ անվանում ISBN
2005 Մթնշաղ Twilight ISBN 0-316-16017-2
2006 Նորալուսին New Moon ISBN 0-316-16019-9
2007 Խավարում Eclipse ISBN 978-0-316-16020-9
2008 Լուսաբաց Breaking Dawn ISBN 0-316-06792-X
2008 Հյուրը The Host ISBN 0-316-16017-2
2009 Երկրի դժոխք Prom Nights from Hell ISBN 978-5-17-063199-5
2010 Բրի Տաների կարճաժամկետ երկրորդ կյանքը The Short Second Life of Bree Tanner ISBN 978-5-17-068736-7
2011[6] Պաշտոնական ուղեկցող Twilight Saga Official Guide
(ծրագրել է) Հոգին The Soul .
(ծրագրել է) Փնտրողը The Seeker

Քննադատություն[խմբագրել | խմբագրել կոդը]

Ստեֆանի Մայերի ստեղծագործությունը մեծ արձագանք ունեցավ դեռահասների շրջանում․ գիրքը վաճառվեց միլիոնավոր օրիկնակներով։ Մի քանի հեղինակներ քննադատում են Մայերին՝ ասելով, որ նրա գրելու ընդունակությունները փոքր են ու քիչ, և տեքստը հաճախ իմաստ չի ունենում։ Ամենանշանավոր քննադատությունը արել է ամերիկացի գրող Սթիվեն Քինգը, ով նրա աշխատանքը նմանեցնում է անգլիացի Ջոան Ռոուլինգի հետ։

Aquote1.png Եվ Ռոուլինգը, և Մայերը մոտենում են դեռահասների սրտերին։ Իրական տարբերությունը նրանց միջև այն է, որ Ռոուլինգը մեծ գրող է, իսկ Մայերը անկարող է գրել որևէ բան կամ ավելի ճիշտ ավելի ցածր է կանգնած։ Նա այդքան էլ չի փայլում դրանում։ Aquote2.png


Հետաքրքիր փաստեր[խմբագրել | խմբագրել կոդը]

  • Մայերը երեք երեխաների մայր է[7]։
  • 1991-1993 թվականներին Լիզա Ջեյն Սմիթը գրեց «Վամպիրի օրագրերը» վիպաշարը, որը սյուժեով և գաղափարներով շատ նման էր Մթնշաղին[8]։ Ասում են, որ Ստեֆանին իր գիրքը գրել էր «Վամիպրի օրագրերը» գրքի ազդեցությամբ, սակայն հենց ինքը փաստում է, որ երբեք վամպիրների մասին գրքեր չի կարդացել և սարսափ ֆիլմեր չի դիտել։

Ծանոթագրություններ[խմբագրել | խմբագրել կոդը]

  1. http://data.bnf.fr/ark:/12148/cb15023326h
  2. «'Twilight' author, Stephenie Meyer is America’s JK Rowling» (անգլերեն)։ Independent։ Արխիվացված օրիգինալից-ից 2012-03-19-ին։ Վերցված է 2010-03-04 
  3. 3,0 3,1 Whitworth D. Harry who? Meet the new J.K. Rowling (eng) // The Times. — 2008.
  4. Grossman L. It's Twilight in America: The Vampire Saga (en) // Time : Журнал. — 2009.
  5. Stephenie Meyer
  6. «The Twilight Saga: The Official Illustrated Guide» (անգլերեն)։ Արխիվացված օրիգինալից-ից 2012-03-19-ին։ Վերցված է 2011-03-12 
  7. Mills T. News Review interview: Stephenie Meyer (en) // The Times. — 2008.
  8. «Ստեֆանի Մայերի Մթնշաղային շարքը» (ռուսերեն) 

Արտաքին հղումներ[խմբագրել | խմբագրել կոդը]