Վիլանովի պալատի թանգարան
Վիլանովի պալատի թանգարան | |
---|---|
Տեսակ | պատկերասրահ |
Երկիր | Լեհաստան |
Տեղագրություն | Վիլյանուվ |
Վայր | Վիլանով պալատ |
Հիմնադրվել է | 1805 |
Կայք | wilanow-palac.pl(անգլ.)(լեհ.) |
Թագավոր Յան III-ի պալատի թանգարան Վիլանովում (լեհ.՝ Muzeum Pałacu Króla Jana III w Wilanowie) կամ Պալատ թանգարան Վիլանովում (մինչև 2013 թվականը, Muzeum Pałac w Wilanów)[1], թանգարան Վարշավայի Վիլանով քաղաքային արվարձանում, որը ստեղծվել է 1805 թվականին[2]: 1995 թվականին` համաձայն Վարշավայի Ազգային թանգարանից Վիլանովի մասնաճյուղը առանձնացնելու և նրան իրավաբանական անձ շնորհելու մասին Լեհաստանի Մշակույթի և ազգային ժառանգության նախարարության հրամանագրի։ Թանգարանի նստավայրը բարոկկո ոճով կառուցված պալատն է Վիլանովում, որն ի սկզբանե եղել է Լեհաստանի թագավոր Յան III Սոբեսկիի նստավայրը[3]։
Հավաքածուն բաղկացած է արժեքավոր իրերից, որոնք պատկանել են Յան III Սոբեսկիին և Վիլանովի պալատի հետագա սեփականատերերին:
Պատմություն
1805 թվականին սեփականատեր Ստանիսլավ Կոստկա Պոտոցկին Վիլանովի պալատի մի մասում բացել է թանգարան՝ Լեհաստանի առաջին հանրային թանգարաններից մեկը[2]։ Հավաքածուներից ամենանշանավոր օրինակ է Պոտոցկիի ձիու վրա դիմանկարը, որի հեղինակն է ֆրանսիացի հայտնի նեոդասական նկարիչ Ժակ-Լուի Դեյվիդը, 1781 թվականին[4]։
Նկարագրություն
Յան III թագավորի պալատի թանգարանը Վիլանովում հոգ է տանում և ցուցադրում արվեստի հավաքածուներ, որոնց հիմնական և ամենաարժեքավոր մասը Վիլանովի պատմական հավաքածուն է, որը ստեղծվել է Ստանիսլավ Կոստկա Պոտոցկիի կողմից և հասանելի է դարձել լեհ հանրությանը 1805 թվականին: Յան III թագավորի պալատի թանգարանը հոգ է տանում Վիլանովում գտնվող 89 հեկտարանոց պատմական պալատի և պարկի համալիրի մասին, որի կենտրոնը Վիլանովի պալատն է:
Բացի պալատից, թանգարանը ներառում է ավելի քան 30 փոքր ու մեծ ճարտարապետական կառույցներ, որոնք գրանցված են մշակութային արժեք ներկայացնող հուշարձանների գրանցամատյանում (օրինակ՝ խոհանոցի կցակառույց, պահակատուն, ախոռ, ծաղկաջերմոց, այգեպանի տուն, կամուրջ, պոմպակայան)[5]: Թանգարանը կառավարում է նաև Վիլանով զբոսայգին[6] և Մորիսին արգելոցը[7], ինչպես նաև դրանք իրար հետ կապող Վիլանովի լիճը:
-
Պոմպակայանի նեոգոթական շենքը Վիլանովի այգում
-
Վիլանովի լիճը և Հռոմեակամ կամուրջը, որով կապվում են Վիլանով զբոսայգին և Մորիսին արգելոցը
-
Ձիանոցի շենքը, որը 1968 թվականից վերածվել է Պաստառի թանգարանի
2006 թվականից թանգարանը հանդիսանում է Եվրոպական թագավորական նստավայրերի ասոցիացիայի անդամ[8]: 2013 թվականին Վիլանովի պալատական թանգարանը փոխել է իր անունը՝ դառնալով Յան III թագավորի պալատի թանգարան Վիլանովում[9]։
Տնօրեններ
- Վոյցեխ Ֆիյալկովսկի` որպես Ազգային թանգարանի մասնաճյուղի տնօրեն (1962-1991)
- Թերեզա Պոչեչ-Պերկովսկա (1991-2002)
- Պավել Յասկանիս (2002 թվականից)
Պատկերասրահ
Գեղանկարչություն
-
«Մադոննան Մանկան հետ Վերածննդի ճարտարապետության ֆոնի վրա», Ջոս վան Կլևե (մոտ 1535)
-
«Ջահ վառող տղան» Յան Լիվենս (մոտ 1625)
-
«Մադոննան և Մանկիկը» (Էրազմուս Քվելինուս II-ի հետ) Պիտեր Ռուբենս,մոտ 1630 թ
-
«Ապոլոնը և երկու մուսաները», Պոմպեո Բատոնի (1741 թվականից հետո)
-
Թանգարանի ցուցասրահ
Պալատի տիրակալների դիմանկաներ
-
«Վլադիսլավ Դոմինիկ Զասլավսկի-Օստրոգսկիի դիմանկարը», Բարտլոմիեյ Շտրոբել (1654)
-
«Թագուհի Մարիա Կազիմիերայի դիմանկարը երեխաների հետ», Եժի Սեմիգինովսկի-Էլեուտեր (1684)
-
«Իզաբելա Լյուբոմիրսկայի դիմանկարը» (Էլժբիետա Չարտորիսկա (1733-1816), «Կապույտ մարկիզուհի»), Մարչելո Բակիարելի (18-րդ դարի երկրորդ կես)
-
«Կոմս Ստանիսլաս Պոտոցկիի դիմանկարը», Ժակ-Լուի Դավիդ (1781)
-
«Կրիստինա Պոտոցկայի դիմանկարը, որը ծաղիկներ է ջրում մոր գերեզմանին», Անգելիկա Քաուֆման (1783–1784)
Կիրառական արվեստ
-
Սկուտեղ Յան III Սոբեսկիի հաղթանակի պատկերով (1683)
-
Կողավոր անոթ շրջանակի մեջ (մոտ 1700)
-
Ծխախոտի կամ թեյի տուփ (1711)
Կորած մշակութային նմուշներ
Ըստ 17-րդ դարի պալատական գույքագրումի` Պալատում ժամանակակից և հնագույն մեծագույն վարպետների բազմաթիվ աշխատանքներ են եղել, թանկարժեք կահավորանք, ինչպես արծաթյա շիրմա, արծաթե բուրգ՝ 11 զամբյուղներով, եռահարկ արծաթյա շատրվան կամ մետաքսե ամպհովանի (բալդաչին), որը նվիրել էր Պարսկաստանի շահը[10]։ Հետագայում, դրանք ցրվել են հաջորդող սեփականատերերի կողմից, յուրացրել են Ֆրիդրիխ Օգոստոսը Սաքսոնացին և տեղափոխվել են Դրեզդեն[11] կամ թալանվել գերմանացիների կողմից Երկրորդ համաշխարհային պատերազմի ժամանակ: Դրանցից Յան III Սոբեսկիի պահարանը, որը պատրաստված էր կրիայի պատյանից և որը նրան նվիրել էր Հռոմի պապ Ինոկենտիոս XI-ը Վիեննայի հաղթական ճակատամարտից հետո, թալանվել է Երկրորդ համաշխարհային պատերազմի ժամանակ Ալֆրեդ Շելենբերգի կողմից Վարշավայի Վիլանովի պալատից։ Այն այդպես էլ չի վերադարձվել[12]։
-
Թագուհի Մարիսենկայի զարդատուփը` զարդարված պիետրա դուրա (pietra dura) ընդելուզմամբ, (1680-ական թվականներ)
-
Ճենապակյա թիթեղներով զարդատուփ ոտիկների վրա (Սևրի մանուֆակտուրա, 1774 թվականից հետո)
-
Երկրորդ համաշխարհային պատերազմի ժամանակ գերմանացիների կողմից Վիլանովի պալատից թալանված Ջոն III Սոբեսկու կրիայի պատյանից պահարան
-
«Թագուհու ննջասենյակը», որտեղ երևում են որոշ կորած իրերը, գեղանկար (1873), Ալեքսանդր Գրիգլևսկի (1833–1879)
Ծանոթագրություններ
- ↑ «Zarządzenie Ministra Kultury i Dziedzictwa Narodowego z dnia 10 września 2013 r. w sprawie zmiany nazwy Muzeum Pałacu w Wilanowie i nadania statutu» (PDF). bip.mkidn.gov.pl. 11 września 2013.
- ↑ 2,0 2,1 «Palace». wilanow-palac.art.pl. Վերցված է 2008 թ․ փետրվարի 21-ին.
- ↑ «Muzeum Pałacu Króla Jana III w Wilanowie». Muzeum Pałacu Króla Jana III w Wilanowie (լեհերեն). Վերցված է 2024-05-06-ին.
{{cite web}}
: no-break space character in|website=
at position 25 (օգնություն) - ↑ «Equestrian portrait of Stanislaw Kostka Potocki». wilanow-palac.art.pl. Վերցված է 2011 թ․ նոյեմբերի 3-ին.
- ↑ «Muzeum Pałacu Króla Jana III w Wilanowie». Muzeum Pałacu Króla Jana III w Wilanowie (լեհերեն). Վերցված է 2024-05-06-ին.
{{cite web}}
: no-break space character in|website=
at position 25 (օգնություն) - ↑ «Archeologia w Wilanowie». seiren.pl. Վերցված է 2024-05-06-ին.
- ↑ «Rezerwat przyrody Morysin – miejsce spotkania przyrody i historii». Muzeum Pałacu Króla Jana III w Wilanowie (լեհերեն). Վերցված է 2024-05-06-ին.
{{cite web}}
: no-break space character in|website=
at position 25 (օգնություն) - ↑ «Full members». europeanroyalresidences.eu.
- ↑ «Zarządzenie Ministra Kultury i Dziedzictwa Narodowego z dnia 10 września 2013 r. w sprawie zmiany nazwy Muzeum Pałacu w Wilanowie i nadania statutu» (PDF). bip.mkidn.gov.pl. 11 września 2013.
- ↑ Fijałkowski 1983, էջեր. 96–97
- ↑ Kieniewicz 1984, էջ. 149,212
- ↑ Monika Kuhnke (2000). «Cenny dar dla zwycięzcy spod Wiednia» (PDF).
Արտաքին հղումներ
- Թանգարանի կայք
- Վիլանովում ՝ PKF-ի տարեգրությունում ՝ Ազգային կինոարխիվի թվային պահոցի տվյալների բազայում