Դիակապտություն

Վիքիպեդիայից՝ ազատ հանրագիտարանից
Jump to navigation Jump to search
Բենքսիի աշխատանքը, որը պատկերում է դիակապտությունը

Դիակապտություն (դիակողոպտություն, դիակողոպուտ, դիագոդություն, հինահարություն), ( ֆր.՝ maraudeur «կողոպտիչ», marauder «կողոպտել») զինվորական հանցագործություն, որի էությունը, համաձայն օրենսդրության, կայանում է կռվի դաշտում (այդ թվում ռմբակոծության ենթարկված կամ հրետակոծված շրջաններում) սպանված կամ վիրավոր զինծառայողների, կամ քաղաքացիական անձանց մոտ գտնվող իրերի գաղտնի կամ բացահայտ հափշտակությունը:

Դիակապտություն է համարվում նաև տարհանման ժամանակ վիրավոր անձանցից իրերի հափշտակությունը[1]: Միջազգային իրավունքի տեսանկյունից դիակապտությունն ավելի ընդգրկուն է, այն իր մեջ ներառում է նաև հակառակորդի բնակավայրի բնակիչների նկատմամբ իրականացված հափշտակությունը: Դիակապտությունը հաճախ ուղեկցվում է բռնի գործողություններով:

Միջազգային իրավունքի համաձայն՝ դիակապտությունը դիտարկվում է որպես միջազգային բնույթի զինվորական հանցագործություն[2]:

ԽՍՀՄ քրեական օրենսգրքով դիակապտություն հոդվածով նախատեսվել է խիստ պատժամիջոց՝ մինչև անգամ տեղում գնդակահարություն: Սակայն ՌԴ քրեական օրենսգրքում դիակապտության համար քրեական պատիժը տեղ չի գտել, այս գործողությունները որակվում են գողություն, կողոպուտ կամ ավազակային հարձակում՝ ելնելով հանգամանքներից[3]:

Զանգվածային լրատվամիջոցներով սխալմամբ դիակապտություն է անվանվում ոչ միայն ռազմական գործողությունների ժամանակ բնակիչների կողմից թողնված գույքի կողոպուտը, այլ նաև խաղաղ ժամանակ թողնված գույքի կողոպուտը՝ կապված տարերային աղետների հետ[4]:

Պատիժը Հայաստանում[խմբագրել | խմբագրել կոդը]

ՀՀ քրեական օրենգիրքի 383-րդ հոդվածի համաձայն քրեորեն պատժելի է համարում միայն մարտադաշտում սպանվածների կամ վիրավորների մոտ գտնվող իրերը հափշտակելը, որը պատժվում է ազատազրկմամբ՝ երկուսից ութ տարի ժամկետով[5]:

Ծանոթագրություններ[խմբագրել | խմբագրել կոդը]

  1. Мародёрство // Военный энциклопедический словарь / А. П. Горкин. — Москва: Большая Российская Энциклопедия, Рипол Классик, 2001. — Т. 2. — С. 34. — ISBN 5-7905-0996-7
  2. «Военные преступления международного характера»։ Глоссарий.ru։ Վերցված է 2010-11-25 
  3. «Огонек: Профессия — мародер»։ Արխիվացված է օրիգինալից 2010-11-22-ին։ Վերցված է 2010-03-06 
  4. «Угроза потопа: в Калифорнии после бегства людей началось мародерство» 
  5. Ի՞նչ է «դիակապտությունը» և ինչու՞ է այն քրեորեն պատժելի