Մահբոդ Սերաջի
Մահբոդ Սերաջի | |
---|---|
![]() | |
Ծնվել է | հոկտեմբերի 18, 1956 (67 տարեկան) |
Ծննդավայր | Բանդարե Անզալի, Գիլան, Իրան |
Քաղաքացիություն | ![]() |
Կրթություն | Այովայի համալսարան |
Ազդվել է | Էմիլ Զոլա |
Մասնագիտություն | վիպասան |
Կայք | rooftopsoftehran.com |
Մահբոդ Սերաջի (հոկտեմբերի 18, 1956, Բանդարե Անզալի, Գիլան, Իրան), Իրանական ծագումով ամերիկյան գրող, վիպասան։ Նրա Rooftops of Tehran վեպը հրատարակվել է NAL-ի կողմից 2009 թվականի մայիսին: Մահբոդի կարճ պատմվածքներն ու հոդվածները կարելի է գտնել Truthout.org , Iranian.com, Bookreporter; Velvet Illusions կայքերում։
Կյանք և գործունեություն
Մահբոդ Սերաջին ծնվել է 1956 թվականի հոկտեմբերի 18-ին Բանդարե Անզալիում: Նա Ամերիկա է տեղափոխվել 1976 թվականին՝ մայիսին քոլեջ հաճախելու համար: Նրա ժամանումից շատ չանցած՝ Իրանի շահը գահընկեց արվեց 1979 թվականին, որը սկիզբ դրեց մի շարք իրադարձությունների, որոնք հանգեցրին Իրանում ամերիկյան դեսպանատան պատանդների ճգնաժամին և Իրաքի ներխուժմանը Իրան:
Մահբոդը ուսանել է Այովայի համալսարանում, որտեղ ստացել է բակալավրի, մագիստրոսի և դոկտորի աստիճաններ:
Սերաջին սկսել է իր պրոֆեսիոնալ կարիերան Motorola-ում, որտեղ աշխատել է 1990-1995 թվականներին: Արթուր Անդերսենի մոտ երկամյա աշխատանքից հետո Մահբոդը նշանակվել է Moore - Forum Alliance-ի ավագ փոխնախագահ: 2000 թվականին նա տեղափոխվել է Սան Ֆրանցիսկո, որտեղ ծառայել է որպես PeopleSoft համալսարանի փոխնախագահ և ուսուցման գլխավոր տնօրեն: 2005 թվականին Oracle-ի կողմից PeopleSoft-ի ձեռքբերումից հետո Մահբոդը դարձավ Chiron կորպորացիայի կազմակերպչական զարգացման փոխնախագահ: Մահբոդը ներկայումս հանդիսանում է միջազգային պահանջարկ ունեցող կառավարման խորհրդատու:
Սերաջիի դեբյուտային «Rooftops of Tehran» վեպն ուսումնասիրում է քաղաքական բռնաճնշումների մարդկային արժեքը: Սա փիլիսոփայական վեպ է, որի գործողությունները տեղի են ունենում Իրանում նախաիսլամական հեղափոխության ժամանակ և խոսում է մարդկային վիճակի համընդհանուրության մասին՝ անկախ մշակույթից, կրոնից և ազգությունից: Գրքի վերջում տված հարցազրույցում Սերաջին ասում է, որ գիրքը գրելիս ցանկացել է ընթերցողներին ծանոթացնել Իրանին և ներկայացնել պարսկական դարավոր մշակույթի մի փոքր հատված: Երկիրը լրատվամիջոցներում հաճախ ներկայացվում էր որպես «թշնամի», ուստի գրողը նախընտրել է պատմել բարեկամության և հումորի, սիրո և հույսի, համընդհանուր փորձառությունների մասին, որոնք գնահատվում են մարդկանց կողմից բոլոր ժամանակներում և վայրերում:
Սերաջը մասնակցել է Վիլանովայի համալսարանի «Մեկ գիրք» ծրագրին և Բրոուարդ քոլեջի 2010 թվականի գարնանային գրական փառատոնի, ինչպես նաև Էրլհամ քոլեջի առաջին տարվա ուսումնառության ծրագրին[1]։
Rooftops of Tehran վեպը ընդգրկվել է 2009 թվականի գրքերի ակումբների լավագույն 25 ֆավորիտների ցանկում[2]։
San Francisco Chronicle-ը 2009 թվականին ընտրել է Rooftops of Tehran վեպը որպես Bay Area-ի լավագույն 50 գրքերից մեկը[3]:
Ամերիկյան գրավաճառների ասոցիացիայի և Indie Next Notable-ի կողմից 2009 թվականի հունիսին վեպը ճանաչվել է տարվա լավագույն դեբյուտային վեպ[4]։ Թարգմանվել է 22 լեզուներով։
Արտաքին հղումներ
|
- Rooftops of Tehran Website
- Indie Next Notable
- Outstanding Debut Category by ABA
- ne Book Villanova
- Broward College wRites of Spring 2010
- Top 25 Book Club List for 2009
- 50 Notable Bay Area Books of 2009
Ծանոթագրություններ
- ↑ «Convocation: Rooftops of Tehran | Earlham College». www.earlham.edu. Արխիվացված է օրիգինալից 2011-06-17-ին.
- ↑ Top 25 Bookclub favorites of 2009
- ↑ San Francisco Notable books of 2009
- ↑ «The June 2009 Indie Next List Preview». 7 May 2009.