Դոկտոր Լալայան

Դոկտոր Լալայան
Ծնվել է	1855?
Ծննդավայր	Գանձակ
Մահացել է	1905
Մահվան վայր	Թիֆլիս
Ազգություն	Հայ
Մասնագիտություն	ֆիդայի
Գործունեություն	Վրիժառու Ֆիդայի

Դոկտոր Լալայան (1855?, Գանձակ - 1905, Թիֆլիս), հայ վրիժառու, ֆիդայի:

Լալայանը մեծացել է ուսուցչի ընտանիքում: Երիտասարդ տարիքից անդամագրվել էր հայկական ազգային-ազատագրական շարժմանը: Եղել է Կորյուն վարդապետի համախոհն ու մարտական ընկերը:

1904 թվականին Հովհաննես Ֆարաշյանի, Սիմոն Ֆարաշյանի, Ալեքսանդր Մաշուրյանի, ոմն բարսումցի Գրիգորի հետ Հաջիքենդ գյուղում իրագործել է ազգությամբ ռուս Ելիզավետպոլի փոխնահանգապետ Անդրեև Ֆիլիմոնովիչի սպանությունը: Վերջինս 1903 թվականին հրահանգել էր գնդակահարել և հալածանքների ենթարկել Գանձակ քաղաքի Սուրբ Հովհաննես հայկական եկեղեցու հարակից հրապարակում խաղաղ ցույցի դուրս եկած հայերին:

Գանձակի գերերալ-նահանգապետ Տակայաշվիլու սպանությունը կազմակերպելու նպատակով Սարգիս Կուկունյանի կարգադրությամբ մեկնել է Թիֆլիս, սակայն ձերբակալվել և տեղափոխվել Թիֆլիսի Մետեխի բանտ: Լալայանին հաջողվում է փախուստի դիմել բանտից, սակայն Կուր գետի մոտ ոստիկանների կողմից սպանվում է: Այդ ժամանակ նա 50 տարեկան էր:

Գրականություն

• Сергей Еремянц-Гандзакеци, "Гандзак 1880-1916", документальная книга, Ереван 2010. Авторское издание. (ռուս.)