Դոկտոր Լալայան
- Վիքիպեդիայում կան հոդվածներ Լալայան ազգանունով այլ մարդկանց մասին։
| Դոկտոր Լալայան | |
|---|---|
| Ծնվել է | ենթդ․ 1855 |
| Ծննդավայր | Գանձակ, Թիֆլիսի նահանգ, Կովկասի փոխարքայություն, Ռուսական կայսրություն |
| Մահացել է | 1905 |
| Մահվան վայր | Թիֆլիս, Ռուսական կայսրություն |
| Մասնագիտություն | ֆիդայի |
Դոկտոր Լալայան (ենթդ․ 1855, Գանձակ, Թիֆլիսի նահանգ, Կովկասի փոխարքայություն, Ռուսական կայսրություն - 1905, Թիֆլիս, Ռուսական կայսրություն), հայ վրիժառու, ֆիդայի։
Լալայանը մեծացել է ուսուցչի ընտանիքում։ Երիտասարդ տարիքից անդամագրվել էր հայկական ազգային-ազատագրական շարժմանը։ Եղել է Կորյուն վարդապետի համախոհն ու մարտական ընկերը։
1904 թվականին Հովհաննես Ֆարաշյանի, Սիմոն Ֆարաշյանի, Ալեքսանդր Մաշուրյանի, ոմն բարսումցի Գրիգորի հետ Հաջիքենդ գյուղում իրագործել է ազգությամբ ռուս Ելիզավետպոլի փոխնահանգապետ Անդրեև Ֆիլիմոնովիչի սպանությունը։ Վերջինս 1903 թվականին հրահանգել էր գնդակահարել և հալածանքների ենթարկել Գանձակ քաղաքի Սուրբ Հովհաննես հայկական եկեղեցու հարակից հրապարակում խաղաղ ցույցի դուրս եկած հայերին։
Գանձակի գերերալ-նահանգապետ Տակայաշվիլու սպանությունը կազմակերպելու նպատակով Սարգիս Կուկունյանի կարգադրությամբ մեկնել է Թիֆլիս, սակայն ձերբակալվել և տեղափոխվել Թիֆլիսի Մետեխի բանտ։ Լալայանին հաջողվում է փախուստի դիմել բանտից, սակայն Կուր գետի մոտ ոստիկանների կողմից սպանվում է։ Այդ ժամանակ նա 50 տարեկան էր։
Գրականություն[խմբագրել | խմբագրել կոդը]
- Сергей Еремянц-Гандзакеци, "Гандзак 1880-1916", документальная книга, Ереван 2010. Авторское издание. (ռուս.)