Սուրբ Նիկողայոսի բազիլիկ

Վիքիպեդիայից՝ ազատ հանրագիտարանից
Jump to navigation Jump to search
Սուրբ Նիկողայոսի բազիլիկ
իտալ.՝ Basilica di San Nicola
Bari Basilica San Nicola.jpg
Հիմնական տվյալներ
Տեսակ մայր տաճար
Երկիր Իտալիա Իտալիա
Տեղագրություն Բարի
Դավանանք կաթոլիկություն
Վանականություն Դոմինիկյան միաբանություն
Թեմ Roman Catholic Archdiocese of Bari-Bitonto
Ժառանգության կարգավիճակ Italian national heritage
Ճարտարապետական նկարագրություն
Ճարտարապետական ոճ Ռոմանական ճարտարապետություն
Հիմնադրված 11-րդ դար
Կոորդինատներ: 41°7′48.93960009999″ հս․ լ. 16°52′13.011600099995″ ավ. ե. / 41.1302610000277724° հս․. լ. 16.87028100002777720° ավ. ե. / 41.1302610000277724; 16.87028100002777720
basilicasannicola.it

Սուրբ Նիկողայոսի բազիլիկ (իտալ.՝ Basilica di San Nicola), կաթոլիկ եկեղեցի Իտալիայի Բարի քաղաքում։ Կառուցվել է Սուրբ Նիկողայոս Զմյուռնացու մասունքների պահպանման համար, որոնք այստեղ են բերվել 1087 թվականին, Միրա քաղաքից։

Պատմություն[խմբագրել | խմբագրել կոդը]

1087 թվականի մայիսի 22-ին, երբ Սուրբ Նիկողայոսի մասունքները բերվեցին Բարի քաղաք, տեղի կոմս Ռոջեր I Բորսան և Ուրսոն արքեպիսկոպոսը Հռոմում էին և մասնակցում էին Վիկտոր III պապի թագադրմանը։ Մասունքները տրվեցին բենեդիկտյան վանքի աբբա Իլյային, որպեսզի վերջինս պահպաներ դրանք։ Երբ արքեպիսկոպոսը վերադարձավ և փորձեց տիրել մասունքներին, սկսեցին ժողովրդական խռովություններ։ Իլյան կարողացավ համոզել Ուրսոնին հրաժարվել իր մտադրությունից, իսկ նրան հանձնարարվեց տաճար կառուցել՝ մասունքների պահպանման համար[1]։

Տաճարի կառուցման վայրն ընտրվեց քաղաքի կենտրոնում, որտեղ անցկացվում էին պաշտոնական իրադարձություններ ու արարողություններ։ Հողատարածքը եկեղեցուն նվիրեց կոմս Ռոջեր I Բորսան։ 1089 թվականի հոկտեմբերի 1-ին տեղի ունեցավ բազիլիկի օծումը, որն իրականացրեց Ուրբանոս II պապը։ Սուրբ Նիկողայոսի մասունքները տեղադրվեցին կրիպտեում[1]։ Կառուցումից հետո եկեղեցին դարձավ խոշոր պատմական իրադարձությունների վայր։

  • 1095 թվականին եկեղեցում Խաչակրաց առաջին արշավանքի կոչով հանդես եկավ Պետրոս Ամյենցին
  • 1098 թվականին բազիլիկում տեղի ունեցավ եկեղեցական ժողով, Ուրբանոս II պապի գլխավորությամբ, որպեսզի Արևմտյան և Արևելյան եկեղեցիները միավորվեին, սակայն հարցը հաջողությամբ չպսակվեց

Շինարարական աշխատանքները շարունակվեցին մինչև 1105 թվականը։ 1156 թվականին, երբ քաղաքը նվաճեց Վիլհելմ I Չարը, բազիլիկը տուժեց։ 1160 թվականին վերակառուցվեց։

Բազիլիկը եղել է Ֆրիդրիխ II Հոհենշտաուֆենի պալատական կապելլան, իսկ Անժուական տոհմի ժամանակ ուներ անձնական մատուռը։ Բավականին մանրամասն նկարագրվում է բազիլիկի կարգավիճակը 17-րդ դարի վերում, Տոլստոյի ճամփորդական գրառումներում։

1799 թվականի ապրիլի 9-ին ֆրանսիական զորքերը կողոպտեցին եկեղեցին[1]։

Խոշոր վերականգնողական աշխատանքներ իրականացվեցին 1928—1956 թվականներին։ Դրանց ժամանակ խորանի տակ հայտնաբերվեց Նիկողայոս Զմյուռնացու մասունքներով լի սարկոֆագ։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Джерардо Чоффари Базилика святителя Николая в Бари и её историко-художественные сокровища // Сокровища базилики Свт. Николая в Бари = Il tesoro della Basilica di San Nicola di Bari. — Рим: Edindustria, 2005. — С. 25—53. — (каталог выставки, Москва, ГИМ, 22 июня — 28 августа 2005).

Արտաքին հղումներ[խմբագրել | խմբագրել կոդը]