Սուլոչանա Գաջիլ

Վիքիպեդիայից՝ ազատ հանրագիտարանից
Jump to navigation Jump to search
Սուլոչանա Գաջիլ
Ծնվել էհունիսի 7, 1944(1944-06-07)[1] (77 տարեկան)
Պունա, Բոմբեյի նախագահություն, Բրիտանական Հնդկաստան
ՔաղաքացիությունFlag of India.svg Հնդկաստան, Flag of Imperial India.svg Բրիտանական Հնդկաստան և Flag of India.svg Dominion of India
Մասնագիտությունմաթեմատիկոս, օդերևութաբան, Օկեանոգրաֆիա և Կլիմայագիտություն
Գործունեության ոլորտՕկեանոգրաֆիա և Օդերևութաբանություն
Ալմա մատերՀարվարդի համալսարան և Savitribai Phule Pune University?
Ամուսին(ներ)Madhav Gadgil?

Սուլոչանա Գաջիլ (անգլ.՝ Sulochana Gadgil, հունիսի 7, 1944(1944-06-07)[1], Պունա, Բոմբեյի նախագահություն, Բրիտանական Հնդկաստան), հնդիկ օդերևութաբան[2], որն աշխատում է Հնդկաստանի Բանգալոր քաղաքի մթնոլորտային և օվկիանոսային գիտությունների կենտրոնում (CAOS)։ Ուսումնասիրել է մուսսոնի առաջացման ձևն ու պատճառը, ինչպես նաև հողագործության ռազմավարությունները` անձրևի փոփոխականությունը հաղթահարելու համար, մոդելավորել բնապահպանական և էվոլյուցիոն երևույթներ։ Նրա հետազոտությունը հանգեցրել է մուսոնային ամպակույտերի ենթասեզոնային տատանումների հիմնական առանձնահատկության հայտնաբերմանը[3]։ Նա ցույց է տվել, որ մուսոնը հսկայական ցամաքային-ծովային քամի չէ, ընդհակառակը, մոլորակային մասշտաբային համակարգի սեզոնային միգրացիայի դրսևորում է, ինչը նկատվում է նաև ոչ մուսոնային շրջանների վրա։ Ֆերմերների հետ համագործակցելով առաջ է քաշել գյուղատնտեսական ռազմավարություն, որը հարմարեցված է Հնդկաստանի տարբեր շրջանների անձրևային փոփոխականություններին[4]։

Վաղ կյանք ու կրթություն[խմբագրել | խմբագրել կոդը]

Ծնվել է 1944 թվականին Հնդկաստանի Պունա քաղաքում։ Ունի հայտնի տոհմաբանական ծագում․ նրա նախապապը նախարար է եղել Տոնկ կայսրությունում, որտեղ հայտնի է եղել սաստիկ երաշտների ժամանակ ժողովրդին օգնելու հերոսական ջանքերով։ Նրա պապն ու հայրը իրենց ժամանակի հարգված բժիշկներն էին։ Միևնույն ժամանակ պապիկը պայքարել է ազատության համար ու իր տանը հյուրընկալել գաղութային կառավարման դեմ պայքարի մի քանի ակտիվ մասնակիցների։ Մայրը գրող էր․ գրում էր մարատհի լեզվով[5]։

Վաղ կրթությունն ստացել է Պունայում, մարատհի միջավայրում։ Ավագ դպրոցի կրթությունն ստացել է անգլերենով Անդհրա-Պրադեշի գիշերօթիկ դպրոցներից մեկում։ Վերադարձել է Պունա ու Ֆերգյուսոն քոլեջում ստացել բակալավրի կոչում՝ ընտրելով բնական գիտությունները և մասնագիտանալով քիմիայի, ֆիզիկայի ու մաթեմատիկայի ոլորտներում։ Այս ժամանակահատվածում նշանվել է համակուրսեցի Մադհավ Գաջիլի հետ, ու միասին որոշել են շարունակել գիտական կարիերան։ Նրանք երկուսն էլ ընդունվել են Հարվարդ՝ կրթաթոշակով[5]։

Վերադարձ Հնդկաստան[խմբագրել | խմբագրել կոդը]

1971 թվականին ամուսնու հետ վերադարձել է Հնդկաստան։ Երկու տարի աշխատել է Հնդկական արևադարձային օդերևութաբանության ինստիտուտում այնպիսի գիտնականների հետ, ինչպիսիք են՝ Ռ․ Անանտակրիշնանը և Դ․ Ռ․ Սիքան։ Որպես անդամ ընդունվել է տեսական հետազոտությունների կենտրոն (CTS): Ամուսինը նույնպես ընդունվել է այդ կենտրոն որպես մաթեմատիկական բնապահպան։ Այս կենտրոնից առաջացել է նոր հաստատություն՝ Մթնոլորտային և օվկիանոսային գիտությունների կենտրոնը (CAOS)[6]։

Անձնական կյանք[խմբագրել | խմբագրել կոդը]

Ամուսնացած է բնապահպան Մադհավ Գաջիլի հետ և ունի մեկ դուստր և մեկ որդի։

Տես նաև[խմբագրել | խմբագրել կոդը]


Ծանոթագրություններ[խմբագրել | խմբագրել կոդը]

  1. 1,0 1,1 https://www.ias.ac.in/describe/fellow/Gadgil,_Prof._Sulochana
  2. «Indian Fellow: Sulochana Gadgil»։ Indian National Science Academy։ Արխիվացված է օրիգինալից 16 March 2014-ին։ Վերցված է 25 November 2012 
  3. «Sikka, D., and S. Gadgil, 1980: On the maximum cloud zone and the ITCZ over Indian longitudes during the Southwest Monsoon." Monthly Weather Review, vol.108, 1840-1853.»։ Monthly Weather Review 108: 1840։ 1980։ ISSN 1520-0493։ doi:10.1175/1520-0493(1980)108<1840:OTMCZA>2.0.CO;2 
  4. «Sulochana Gadgil: Research Interests»։ IISc։ Արխիվացված է օրիգինալից 4 March 2016-ին։ Վերցված է 25 November 2012 
  5. 5,0 5,1 «Interview with Sulochana Gadgil»։ WMO։ Վերցված է 9 September 2013 
  6. Gadgil Sulochana։ «My tryst with the Monsoon»։ Indian Academy of Sciences։ Վերցված է 25 November 2012