Սոցիալիստական Բանվորական Ինտերնացիոնալ (գերմ.՝ Sozialistische Arbeiter-Internationale), սոցիալ-դեմոկրատական կուսակցությունների միջազգային միավորում, ստեղծվել է 1923 թվականին և կազմալուծվել Երկրորդ համաշխարհային պատերազմի ընթացքում՝ 1940 թվականին։ Հիմնադրվել է Բեռնի ինտերնացիոնալի և «Ինէոերնացիոնաչ 2¹/2»-ի միավորիչ կոնգրեսում։
Խումբը ստեղծվել է լոնդոնյան Վիեննայի ինտերնացիոնալի և նախկին Երկրորդ ինտերնացիոնալի միաձուլման միջոցով և հանդիսացել է Սոցիալիստական ինտերնացիոնալի իրավանախորդը։
Սոցիալիստական բանվորական ինտերնացիոնալի աջ լիդերներն իրենց պրակտիկ գործունեության մեջ զգալի չափով հանդես են եկել հակակոմունիզմի և հակասովետիզմի գաղափարախոսությամբ։
Երկրորդ համաշխարհային պատերազմի սկսվելուց և Նացիստական Գերմանիայի զորքերի կողմից Եվրոպայի մի շարք երկրների, այդ թվում՝ Բելգիայի (որտեղ Բրյուսելում 1935 թվից գտնվում էր սոցիալիստական բանվորական ինտերնացիոնալի ղեկավար կենտրոնը) գրավումից հետո դադարեցրեց գործունեությունը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 34)։
