Սոխ անհարթացողուն
| Սոխ անհարթացողուն | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Ծնեբեկածաղկավորներ (Asparagales) |
| Ընտանիք | Շքանարգիզազգիներ (Amaryllidaceae) |
| Ենթաընտանիք | Սոխայիններ (Allioideae) |
| Տրիբա | Allieae |
| Ցեղ | Սոխ (Allium) |
| Տեսակ | Սոխ անհարթացողուն (A. eriocoleum) |
| Միջազգային անվանում | |
| Allium eriocoleum | |
Սոխ անհարթացողուն (լատին․՝ Allium scabriscapum), սոխազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Սոխուկավոր բույս է։ Ցողունի բարձրությունը հասնում է 20-40 սմ-ի։ Տերևները տափակ են։ Ծաղկաբույլը կիսագնդաձև է և սակավածաղիկ։ Ծաղկապատը գավաթանման է, իսկ մասերը դեղին և էլիպսաձև[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Դարեղեգիսի ֆլորիստիկական շրջանում (Այարի կիրճ, Ագարակաձոր և Բոլորաբերդ գյուղերի միջև)։ Հանդիպում է նաև Նախիջևանում, Հարավարևելյան Անատոլիայում, Հյուսիսային Իրաքում, Հյուսիսային և Հարավային Իրանում և Թուրքմենիայում[1]։
Էկոլոգիա[խմբագրել | խմբագրել կոդը]
Աճում է ծովի մակարդակից 1000-1500 մ բարձրությունների վրա, միջին լեռնային գոտում, խճաքարոտ-քարաթափվածքային կրային լանջերին։ Ծաղկում է մայիսին, պտղաբերում՝ հունիս-հուլիս ամիսներին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Գտնվում է ընդհանուր արեալի հյուսիսային սահմանում։ Հայտնի է միայն մեկ պոպուլյացիա, որի տարածման և բնակության շրջանների մակերեսը 10 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված էր, որպես անհետացած տեսակ։ CITES-ի և Բեռնի կոնվենցիաների հավելվածներում ընդգրկված չէ։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք։ Երևան: Հայաստանի բնապահպանության նախարարություն։ 2010։ ISBN 978-99941-2-420-6
|
|