Սիտե կղզի

Սիտե կղզի Île de la Cité
Կոորդինատներ
48°51′17″ հս․. լ. 2°20′51″ ավ. ե.
Տեղագրություն	Եվրոպա
Երկիր	Ֆրանսիա
Մակերես	0,225 կմ2
Բնակչություն (2007)	1168 մարդ
Բնակչության խտությունը	5191,111 մարդ/կմ2
Սիտե կղզու արևելյան մասը
	Վիքիպահեստում

Սիտե կղզի (ֆր.՝ Île de la Cité), Փարիզի կենտրոնում Սեն գետի երկու բնական կղզիներից մեկն է և քաղաքի հնագույն հատվածը։ Դյու Պալե բուլվարը կղզին բաժանում է համարյա հավասար երկու մասի։ Արևելյան մասը պատկանում է չորրորդ շրջանին, իսկ արևմտյանը` առաջինին։

Սիտե կղզին Սենի երկու ափերին և հարևան Սեն–Լուի կղզուն միանում է 10 կամուրջներով։

• Նոր կամուրջ (միակը, որ հատում է կղզին),
• Դրամափոխների կամուրջ (ելք դեպի աջ ափ),
• Նոտր–Դամ կամուրջ (դեպի աջ ափ),
• Արկոլի կամուրջ (դեպի աջ ափ)
• Սեն–Լուի կամուրջ (դեպի Սեն–Լուի կղզի),
• Արքեպիսկոպոսարանի կամուրջ (ելք դեպի ձախ ափ),
• Երկակի Դենյեի կամուրջ (դեպի ձախ ափ),
• Փոքր կամուրջ (դեպի ձախ ափ),
• Սեն–Միշել կամուրջ (դեպի ձախ ափ).

Պատմություն

Սիտեն բնակեցված է եղել արդեն հին ժամանակներում. նախ՝ գալլական փարիզիներ ցեղի Լուտեցիա բնակավայրն է եղել , որը Գալիայի` Հռոմեական կայսրությանը միանալուց հետո՝ մ.թ.ա. 52 թվականից, դարձել է հռոմեական բնակավայր։ Չնայած կարևոր առևտրային կետ է եղել, բայց մեծ ազդեցություն չի ունեցել Հռոմեական կայսրությունում։ Երբ 6-րդ դարի սկզբին Քլոդվիգ I-ը Ֆրանկյան թագավորության մայրաքաղաքը տեղափոխել է Փարիզ, Իլ դե լա Սիտեն նորից կարևոր դեր է ստանձնել։ 540-550 թվականներին Մերովինգյան տոհմից Խիլդեբերտ I թագավոր օրոք կառուցվել Փարիզի առաջին քրիստոնեական եկեղեցին՝ Սուրբ Ստեփանոսի բազիլիկը, որի տեղում մի քանի դար անց կառուցվել Փարիզի Աստվածամոր տաճարը։