Սառա Բայկինա

Վիքիպեդիայից՝ ազատ հանրագիտարանից
Jump to navigation Jump to search
Սառա Բայկինա
Ծնվել էդեկտեմբերի 14, 1895(1895-12-14)
ԾննդավայրԱստրախան, Ռուսական կայսրություն
Մահացել է1972[1]
Մահվան վայրԱստրախան, ՌԽՖՍՀ, ԽՍՀՄ
ՔաղաքացիությունFlag of Russia.svg Ռուսական կայսրություն, Flag of the Russian Soviet Federative Socialist Republic (1918–1937).svg Խորհրդային Ռուսաստան և Flag of the Soviet Union.svg ԽՍՀՄ
Մասնագիտությունդերասանուհի
ԱշխատավայրQ13209075?, Թաթարստանի Գալիասկար Քամալի անվան ակադեմիական թատրոն, Ղրիմի թաթարական երաժշտա-դրամատիկական ակադեմիական թատրոն և Q25532248?
Պարգևներ և
մրցանակներ
ՌԽՖՍՀ վաստակավոր արտիստ

Սառա Բայկինա (թաթ.՝ Сара Нәбиулла кызы Байкина, դեկտեմբերի 14, 1895(1895-12-14), Աստրախան, Ռուսական կայսրություն - 1972[1], Աստրախան, ՌԽՖՍՀ, ԽՍՀՄ), ռուս և խորհրդային դերասանուհի, Ղրիմի ՀԽՍՀ վաստակավոր արտիստ, ՌԽՖՍՀ վաստակավոր արտիստ (5.11.1940)[2]:

Թաթար հայտնի դերասան, ռեժիսոր, մանկավարժ Ջալալ Բայկինի (1886-1954) կինը։

Կենսագրություն[խմբագրել | խմբագրել կոդը]

Սառա (Սարրա) Բայկինան ծնվել է 1895 թվականի դեկտեմբերի 14-ին Աստրախան քաղաքում։ Թատերական բեմական գործունեությունն սկսել է Աստրախանի թաթարական թատերական թատերախմբում 1912 թվականին։

1913-1914 թվականներին աշխատել է «Սայյար» թատերախմբում[3], 1916 թվականին` «Շիրկատ» թատերախմբում։ Հոկտեմբերյան հեղափոխությունից հետո` 1919 թվականին, սովորել է Աստրախանի թաթարական թատերական ստուդիայում։

1922 թվականին հանդես է եկել թաթարական առաջին ցուցադրական թատրոնում Կազանում, 1928-1929 թվականներին աշխատել է Թաթարստանի Գ. Քամալի անվան ակադեմիական թատրոնում, 1930-ականներին խաղացել է Բաքվի թաթարական թատրոնում, ապա` Սիմֆերոպոլի ղրիմա-թաթարական թատրոնում։

Սառան թատրոնի հետ տարհանվել է Ուզբեկստան։ 1944-1956 թվականներին աշխատել է Ուզբեկստանի Անդիջանի թատրոնում, այնուհետև վերադարձել Աստրախանի թատրոն[4]։

Թատերական դերեր[խմբագրել | խմբագրել կոդը]

Սառա Բայկինան Գալիյաբանուի դերի առաջին կատարողն է Մ. Ֆայզիի համանուն պիեսում։ Նա նաև քնարական դերեր է խաղացել Կ. Տինչուրինի (Մայսարա` «Կապույտ շալ»), Ֆ. Ամիրխանի (Սառա` «Երիտասարդություն»), Գ. Իսհակի (Ասմա` «Ուսուցչուհին»), Ն. Վեզիրովի (Սագադաթ` «Ֆահրեթդինի վիշտը»), Շ. Քամալի (Կամիլիա` «Հաջի էֆենդին ամուսնանում է»), Ա. Ն. Օստրովսկու (Պոլինա` «Արդյունավետ պաշտոն», Բարբարա` «Ամպրոպ»), Ֆ. Շիլլերի (Լուիզա` «Սեր և խարդավանք»), Շեքսպիրի (Օֆելյա` «Համլետ») պիեսներում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]