Սամվել Շուքուրյան

Վիքիպեդիայից՝ ազատ հանրագիտարանից
Jump to navigation Jump to search
Սամվել Շուքուրյան
Ծնվել է օգոստոսի 18, 1950(1950-08-18) (68 տարեկան)
Երևան, Հայկական ԽՍՀ, ԽՍՀՄ
Քաղաքացիություն Հայկական ԽՍՀ
Flag of Armenia.svg Հայաստան
Ազգություն հայ
Մասնագիտություն գիտնական
Հաստատություն(ներ) Երևանի մաթեմատիկական մեքենաների գիտահետազոտական ինստիտուտ, Երևանի պետական համալսարան, Virage Logic և Սինոփսիս
Ալմա մատեր Հայաստանի ազգային պոլիտեխնիկական համալսարան
Գիտական աստիճան ֆիզիկամաթեմատիկական գիտությունների դոկտոր (1990), պրոֆեսոր (1993) և ակադեմիա (1996)
Պարգևներ Հայաստանի Հանրապետության պետական մրցանակ
Հայր Կիմ Շուքուրյան

Սամվել Կիմի Շուքուրյան (օգոստոսի 18, 1950(1950-08-18), Երևան, Հայկական ԽՍՀ, ԽՍՀՄ), հաշվողական տեխնիկայի և տեղեկագիտության բնագավառի գիտնական։ Ֆիզիկամաթեմատիկական գիտությունների դոկտոր (1990), պրոֆեսոր (1993), ՀՀ ԳԱԱ ակադեմիկոս (1996

ՀՀ գիտության վաստակավոր գործիչ Կիմ Շուքուրյանի որդին է, ՀՀ վաստակավոր բժիշկ Արթուր Շուքուրյանի եղբայրը։

Կենսագրություն[խմբագրել | խմբագրել կոդը]

1972 թվականին ավարտել է Երևանի պոլիտեխնիկական ինստիտուտը: 1972-1993 թթ.աշխատել է Երևանի մաթեմատիկական մեքենաների ինստիտուտում, 1977 թվականից, միաժամանակ, Երևանի պետական համալսարանում, 1993-2007 թթ.` ալգորիթմական լեզուների ամբիոնի վարիչ, 2007 թվականից` տեղեկատվական տեխնոլոգիաների կրթական և հետազոտական կենտրոնի գիտական ղեկավար և տեղեկատվական համակարգերի ամբիոնի վարիչ,1997 թվականից աշխատում է ամերիկյան բարձր տեխնոլոգիաների ընկերությունների պատվերներով, 2000-2011 թթ.` Virage Logic Corporation-ի ներդրած թեսթավորման և վերանորոգման ծրագրի տնօրեն, 2011 թվականից` Synopsys, Inc-ի ներդրած թեսթավորման և վերանորոգման բաժնի ավագ կառավարիչ[1][2]:

Գործունեություն[խմբագրել | խմբագրել կոդը]

Շուքուրյանը զարգացրել է ծրագրերում ոչ էական անցումների օպերատորների և չվերասերված օպերատորների տեսությունը, ստացել այդ հիմնախնդիրների ճշգրիտ լուծումը ծրագրերի լայն դասի համար, առաջադրել հաշվողական համակարգերի միկրոծրագրային հարմարեցման սկզբունքներ, կառուցել տեսություն, որի ալգորիթմների և մեթոդների հիմքում ընկած են ցածր մակարդակի զուգահեռացումը, ազատ ցիկլերի և պրոցեսորի ներքին պաշարների օգտագործումը։ Մշակել է նոր մոտեցումներ և արդյունավետ ալգորիթմներ էլեկտրոնային սարքերի և համակարգերի թեսթավորման և վերանորոգման վերաբերյալ։ Առաջարկել է բաշխված միջավայրերում պրոցեսների նախագծման, ձևափոխման և ստուգման ալգորիթմներ[3]։

Պարգևներ[խմբագրել | խմբագրել կոդը]

  • ՀՀ պետական մրցանակ 2013[4] («Թեստային լուծումներ նանոչափական բյուրեղի վրա տեղավորված համակարգերի համար. ալգորիթմներ, մեթոդներ և թեստային ներկառուցվածք» աշխատանքի համար)

Ծանոթագրություններ[խմբագրել | խմբագրել կոդը]