Սամվել Շուքուրյան

Սամվել Շուքուրյան
Ծնվել է	օգոստոսի 18, 1950 (73 տարեկան); Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ և Հայաստան
Մասնագիտություն	գիտնական
Հաստատություն(ներ)	Երևանի մաթեմատիկական մեքենաների գիտահետազոտական ինստիտուտ, Երևանի պետական համալսարան, Virage Logic? և Սինոփսիս
Գործունեության ոլորտ	ֆիզիկա
Ալմա մատեր	ՀԱՊՀ (1972)
Կոչում	պրոֆեսոր
Գիտական աստիճան	ֆիզիկամաթեմատիկական գիտությունների դոկտոր (1990), պրոֆեսոր (1993) և ակադեմիա (1996)
Պարգևներ	և Հայաստանի պետական մրցանակ
Հայր	Կիմ Շուքուրյան

Սամվել Կիմի Շուքուրյան (օգոստոսի 18, 1950(1950-08-18), Երևան, Հայկական ԽՍՀ, ԽՍՀՄ), հաշվողական տեխնիկայի և տեղեկագիտության բնագավառի գիտնական։ Ֆիզիկամաթեմատիկական գիտությունների դոկտոր (1990), պրոֆեսոր (1993), Հայաստանի գիտությունների ազգային ակադեմիայի ակադեմիկոս (1996)։

Հայաստանի գիտության վաստակավոր գործիչ Կիմ Շուքուրյանի որդին է, Հայաստանի վաստակավոր բժիշկ Արթուր Շուքուրյանի եղբայրը։

Կենսագրություն[խմբագրել | խմբագրել կոդը]

1972 թվականին ավարտել է Երևանի պոլիտեխնիկական ինստիտուտը։ 1972-1993 թվականներին աշխատել է Երևանի մաթեմատիկական մեքենաների ինստիտուտում, 1977 թվականից, միաժամանակ, Երևանի պետական համալսարանում, 1993-2007 թվականներին` ալգորիթմական լեզուների ամբիոնի վարիչ, 2007 թվականից` տեղեկատվական տեխնոլոգիաների կրթական և հետազոտական կենտրոնի գիտական ղեկավար և տեղեկատվական համակարգերի ամբիոնի վարիչ, 1997 թվականից աշխատում է ամերիկյան բարձր տեխնոլոգիաների ընկերությունների պատվերներով, 2000-2011 թվականներին` Virage Logic Corporation-ի ներդրած թեսթավորման և վերանորոգման ծրագրի տնօրեն, 2011 թվականից` Synopsys, Inc-ի ներդրած թեսթավորման և վերանորոգման բաժնի ավագ կառավարիչ^[1]^[2]։

Գործունեություն[խմբագրել | խմբագրել կոդը]

Շուքուրյանը զարգացրել է ծրագրերում ոչ էական անցումների օպերատորների և չվերասերված օպերատորների տեսությունը, ստացել այդ հիմնախնդիրների ճշգրիտ լուծումը ծրագրերի լայն դասի համար, առաջադրել հաշվողական համակարգերի միկրոծրագրային հարմարեցման սկզբունքներ, կառուցել տեսություն, որի ալգորիթմների և մեթոդների հիմքում ընկած են ցածր մակարդակի զուգահեռացումը, ազատ ցիկլերի և պրոցեսորի ներքին պաշարների օգտագործումը։ Մշակել է նոր մոտեցումներ և արդյունավետ ալգորիթմներ էլեկտրոնային սարքերի և համակարգերի թեսթավորման և վերանորոգման վերաբերյալ։ Առաջարկել է բաշխված միջավայրերում պրոցեսների նախագծման, ձևափոխման և ստուգման ալգորիթմներ^[3]։

Պարգևներ[խմբագրել | խմբագրել կոդը]

ՀՀ պետական մրցանակ 2013^[4] («Թեստային լուծումներ նանոչափական բյուրեղի վրա տեղավորված համակարգերի համար. ալգորիթմներ, մեթոդներ և թեստային ներկառուցվածք» աշխատանքի համար)

Ծանոթագրություններ[խմբագրել | խմբագրել կոդը]

↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
↑ ՀՀ ԳԱԱ իսկական անդամներ (Ակադեմկոսներ) Սամվել Կիմի Շուքուրյան
↑ Martin-Vide, Carlos; Dediu, Adrian Horia; Fernau, Henning (2010 թ․ մայիսի 10). Language and Automata Theory and Applications: 4th International Conference, LATA 2010, Trier, Germany, May 24-28, 2010, Proceedings (անգլերեն). Springer Science & Business Media. ISBN 9783642130885.
↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2013 ԹՎԱԿԱՆԻ ՊԵՏԱԿԱՆ ՄՐՑԱՆԱԿՆԵՐ ՇՆՈՐՀԵԼՈՒ ՄԱՍԻՆ

[1] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[2] ՀՀ ԳԱԱ իսկական անդամներ (Ակադեմկոսներ) Սամվել Կիմի Շուքուրյան

[3] Martin-Vide, Carlos; Dediu, Adrian Horia; Fernau, Henning (2010 թ․ մայիսի 10). Language and Automata Theory and Applications: 4th International Conference, LATA 2010, Trier, Germany, May 24-28, 2010, Proceedings (անգլերեն). Springer Science & Business Media. ISBN 9783642130885.

[4] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2013 ԹՎԱԿԱՆԻ ՊԵՏԱԿԱՆ ՄՐՑԱՆԱԿՆԵՐ ՇՆՈՐՀԵԼՈՒ ՄԱՍԻՆ

[1]

[2]

[3]

[4]