Սամվել Բաղդասարյան (քանդակագործ)

Սամվել Բաղդասարյան
Ծնվել է	հունվարի 20, 1956(1956-01-20)
Ծննդավայր	Երևան, Հայկական ԽՍՀ, ԽՍՀՄ
Մահացել է	օգոստոսի 20, 2017(2017-08-20) (61 տարեկան)
Վախճանի վայրը	Երևան, Հայաստան
Քաղաքացիություն	ԽՍՀՄ և  Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1975) և Երևանի պետական գեղարվեստա-թատերական ինստիտուտ (1980)
Մասնագիտություն	քանդակագործ և նկարիչ
Աշխատավայր	Հենրիկ Իգիթյանի անվան Գեղագիտության ազգային կենտրոն

Սամվել Սարգսի Բաղդասարյան (հունվարի 20, 1956(1956-01-20), Երևան, Հայկական ԽՍՀ, ԽՍՀՄ - օգոստոսի 20, 2017(2017-08-20), Երևան, Հայաստան), հայ արվեստագետ, քանդակագործ։

Կենսագրություն

Սամվել Բաղդասարյանը ծնվել է 1956 թվականին, Երևանում։ 1975 թվականին ավարտել է Երևանի գեղարվեստի ուսումնարանը, 1980 թվականին՝ Երևանի գեղարվեստա-թատերական ինստիտուտը։
1983 թվականից Գեղագիտության ազգային կենտրոնի խեցեգործության արվեստանոցի դեկավարն է, 1997 թվականից՝ Կերպարվեստի և դեկորատիվ կիրառական արվեստի ստուդիա-քոլեջի տնօրեն, 1999 թվականից դասավանդում է Հայկական բաց համալսարանում (կերպարվեստի ֆակուլտետի հիմնադիրներից, 2004 թվականից՝ դեկան)։

Աշխատանքները գտնվում են Երևանի ժամանակակից արվեստի թանգարանում, Մոսկվայի Արևելքի թանգարանում, Սարդարապատի ազգային թանգարանում, Մոսկվայի ժամանակակից արվեստի թանգարանում, Չիկագոյի «Վիկի Հովհաննիսյան» ժամանակակից արվեստի պատկերասրահում, Երևանի «Ակադեմիա» պատկերասրահում և այլ անձնական հավաքածուներում։

Ստեղծագործությունները

Ստեղծագործել է հիմնականում խեցեգործության բնագավառում։ Ստեղծել է գեղանկարներ, ձևավորել հեռուստատեսային և օպերային ներկայացումներ։
Գործերից են՝

• «Սասնա ծռեր», 1984 թվական, քանդակախումբ, Հայոց Ցեղասպանության թանգարան-ինստիտուտ
• «Արա Գեղեցիկ և Շամիրամ», 1985 թվական, Մոսկվայի Արևելքի ժողովուրդների արվեստի թանգարան
• «Ասպետը», 1986 թվական, Սանկտ Պետերբուրգի «Արիադնա» պատկերասրահ
• «Հեթանոս խաղեր», 1986 թվական, ԺԱԹ

Ցուցահանդեսները

• «Հայաստան. հին մշակույթի երկրի վերահայտնագործումը», Բոխում, Գերմանիա (1995)
• Վենետիկի XLVI բիենալեում Առաջին հայկական տաղավարը ՝ Վենետիկ, Իտալիա (1995)
• «Մոսկվա-Երևան. Տապանի հարցը» համադրողներից մեկը՝ Ժամանակակից արվեստի թանգարան, Երևան, (1995)
• «Geo-Kunst expedition» ակցիա, «Documenta X», Կասել, Գերմանիա (1997)
• «Great Atrophy». «Հայարտ» մշակութային կենտրոն, Երևան (1999 )
• «Հատման գիծ», «Հայարտ» մշակութային կենտրոն, Երևան (2003)
• «Adieu Parajanov». Kunsthalle, Վիեննա, Ավստրիա (2003)
• «Սովետական ԱգիտԱրտ։ Վերականգնում» (Soviet AgitArt. Restoration) Arsenal ժամանակակից արվեստի կենտրոն, Բիալիստոկ, Լեհաստան (2011)