Սահման (ֆիլմ)

Անվան այլ կիրառումների համար տե՛ս՝ սահման (այլ կիրառումներ)

Սահման
Երկիր	Հայաստան Նիդերլանդներ
Ժանր	վավերագրական ֆիլմ
Թվական	2009
Լեզու	հայերեն
Ռեժիսոր	Հարություն Խաչատրյան
Պրոդյուսեր	Հարություն Խաչատրյան, Գևորգ Գևորգյան, Դենիս Վասլին
Սցենարի հեղինակ	Հարություն Խաչատրյան, Միքայել Ստոմբոլցյան
Օպերատոր	Վրեժ Պետրոսյան Ռուդոլֆ Վաթինյան
Երաժշտություն	Ավետ Տերտերյան
Կինոընկերություն	«Ոսկե ծիրան» կինոյի զարգացման հիմնադրամ Հայաստանի ազգային կինոկենտրոն Volya Films «Հուբերթ Բալս» հիմնադրամ
Տևողություն	82
IMDb	ID 1515901

Սահման ֆիլմը լույս է տեսել՝ 2009 թվականին «Ոսկե ծիրան» կինոյի զարգացման հիմնադրամի, Հայաստանի ազգային կինոկենտրոնի, Հոլանդիայի Volya Films-ի և Ռոտերդամի «Հուբերթ Բալս» հիմնադրամի համատեղ արտադրությամբ։

Սյուժե

Դեպքերը ծավալվում են հետխորհրդային շրջանում՝ հայ-ադրբեջանական հակամարտությունից հետո։ Երբ վիթխարի կայսրությունը փլուզվեց, ժողովուրդների միջև զանազան հակամարտություններ ծագեցին։ Ֆիլմը պատմում է հակամարտության գոտու մերձակայքում գտնվող մի գյուղի մասին, որտեղ մի ամերիկահայ բարերար բարեգործական ճաշարան է բացել, իսկ մոտակա ագարակում աշխատում են տարբեր վայրերից եկած փախստականներ։ Գյուղացիները մի կիսավայրենացած ու կիսակենդանի գոմեշ են գտնում ճահճուտներում։ Գոմեշին բերում են ագարակ, որտեղ հսկող շները, դեսուդենից հավաքված կենդանիները, պատերազմից հոգնած ֆերմերներն ու փախստականները նրան սկսում են վերաբերվել որպես օտարականի և թշնամու։ Գյուղական կյանքն ամբողջ տարվա ընթացքում մենք տեսնում ենք գոմեշի աչքերով։ Անցնում է ամառը, գալիս է աշունը, ապա՝ ձմեռը։ Եղանակները փոխվում են, բայց գյուղում շարունակվում է նույն միապաղաղ կյանքը։ Հետևելով գոմեշին՝ ականատես ենք գյուղի և ագարակի շրջակա կյանքին։

Դերերում

• Լիպարիտ Լիպարիտյան
• Մանվել Մխիթարյան
• Դավիթ Գասպարյան
• Նվարդ Գասպարյան
• Փառանձեմ Չախալյան

Մրցանակներ

• 2009 - ՌԵՄԻ մրցանակ (Հյուսթոն, ԱՄՆ)
• 2009 - Լավագույն լիամետրաժ վավերագրական կինոնկար (Սիրակուզի, ԱՄՆ)

Արտաքին հղումներ

• «Սահման» ֆիլմը Kinokultura կայքում անգլերեն
• «Սահման» ֆիլմը Թերթ.ամ կայքում Արխիվացված 2011-04-28 Wayback Machine