Ռոջեր Մարտին

Վիքիպեդիայից՝ ազատ հանրագիտարանից
Ռոջեր Մարտին
անգլ.՝ Roger Martin
Ծնվել էօգոստոսի 4, 1956(1956-08-04) (67 տարեկան)
Wallenstein
Քաղաքացիություն Կանադա
Մասնագիտությունգրող, գործարար և համալսարանի դասախոս
Հաստատություն(ներ)Տորոնտոյի համալսարան
Գործունեության ոլորտԿառավարում, strategic management?[1] և գիտական գրականություն[1]
Ալմա մատերՀարվարդի համալսարան, Հարվարդի բիզնես դպրոց և Elmira District Secondary School?
Գիտական աստիճանպրոֆեսոր
Տիրապետում է լեզուներինանգլերեն[2][1][3]
Պարգևներ
Կանադայի շքանշանի անդամ և Կանադայի շքանշան

Ռոջեր Մարտին (անգլ.՝ Roger Martin, օգոստոսի 4, 1956(1956-08-04), Wallenstein), Տորոնտոյի համալսարանի Ռոտմանի կառավարման դպրոցի դեկան 1998-2013 թվականներին, բիզնեսի վերաբերյալ մի քանի գրքերի հեղինակ։ Ռոջեր Մարտինը ընդլայնեց մի շարք բիզնես հասկացություններ, որոնք օգտագործվում են այսօր, ներառյալ ինտեգրացիոն մտածողությունը[en]: Մի քանի առաջատար գործարար հրատարակություններ նրան ճանաչել են որպես մեր ժամանակների ամենամեծ բիզնես մտածողներից մեկը։ Կանադայի օրդենի անդամ[4][5]։

Կարիերա[խմբագրել | խմբագրել կոդը]

Ռոջեր Մարտինն իր կարիերան սկսեց Մասաչուսեթս նահանգի Քեմբրիջում տեղակայված գլոբալ խորհրդատվական ընկերության Վերահսկողական խմբում։ Նա այնտեղ աշխատել է 13 տարի, դարձել է տնօրեն, հիմնադրել է Կանադայի գրասենյակը և իր Monitor University[en] ուսումնական խումբը։ 2 տարի եղել է ընկերության համանախագահ[6]։

1998-ի սեպտեմբերին Ռոջեր Մարտինը նշանակվեց Ռոտմանի կառավարման դպրոցի դեկան։ 2011-ի մայիսին նա սկսեց իր երրորդ ժամկետը դեկանի պաշտոնում, բայց հետո հայտարարեց իր կարիերան ավարտելու մասին մեկ տարի շուտ, փոփոխություններն ուժի մեջ էին մտել 2013-ի հունիսից։

Ռոտմանի կառավարման դպրոցի դեկանի պաշտոնը թողնելուց հետո նա ղեկավար պաշտոն ստանձնեց Մարտինի բարգավաճման ինստիտուտում, որտեղ սկսեց ուսումնասիրել ժողովրդավարական կապիտալիզմի ապագան[7]։

Ռոջեր Մարտինը ներկայումս աշխատում է Thomson Reuters Corporation-ում, Skoll Foundation-ում և Tennis Canada[en]-ում[8]։ Նա նախկինում եղել է BlackBerry-ի (նախկինում Research In Motion) տնօրենը 2007 թվականից մինչ 2013 թվականի նոյեմբերի 25-ը[9]։

Գրական աշխատանքներ և բիզնես վարելու փորձ[խմբագրել | խմբագրել կոդը]

Մարտինը Businessweek-ի նորարարության և դիզայնի ալիքի[10], Washington Post-ի On Leadership բլոգի[11] և Financial Times-ի Judgment Call-ի[11] մշտական սյունակագիր է։ 15 հոդված է գրել Harvard Business Review-ի համար[12]։

Ռոջեր Մարտինի վերջին աշխատանքների մեծ մասը կենտրոնացել է ինտեգրացիոն մտածողության, բիզնեսի ճարտարապետության[en], կորպորատիվ պատասխանատվության և, առաջին հերթին, կորպորացիաների դերի մասին ժամանակակից հասարակության մեջ։ Մարտինը գրել է 4 գիրք՝ «Պատասխանատվության վիրուսը» (2003 թ.), «„Եվ“ ոճի մտածողություն» (2009 թ.), «Բիզնեսի ճարտարապետություն» (2009 թ.), «Խաղ՝ կանոնների համաձայն» (2011 թ.) և Միքնա Մոլդովեանի (անգլ. Mihnea Moldoveanu) հետ համահեղինակ է մի քանի գրքերի «MBA-ի ապագան» (2008 թ.), «Թանկարժեք մտածողություն» (2009 թ.), Ջեյմս Միլվեյի (անգլ. James Milway) հետ՝ «Կանադա. ինչպիսին է այն և ինչպիսին կարող է լինել» (2012 թ.)[13], Procter & Gamble նախկին գլխավոր գործադիր տնօրենի՝ Ալան Ջորջ Լաֆլիի[en] հետ «Հաղթելու խաղը» (2013), Սալի Օսբերգի հետ՝ «Լավագույնից այն կողմ. ինչպես է աշխատում սոցիալական ձեռներեցությունը» (2015, հրատարակված ռուսերեն)։

Բիզնես մտքեր[խմբագրել | խմբագրել կոդը]

Ռոջեր Մարտինը երկու մեծ մտավոր ներդրում է ունեցել բիզնես խմբակցությունում՝ աշխատելով ինտեգրացիոն մտածողության[en] և դիզայնի մտածողության մեջ, երկու տեսությունները, որոնք նա կարողացավ ստեղծել և զարգացնել։

Ինտեգրատիվ մտածողությունը երկու հակադիր մոդելների հավասարակշռելու ունակությունն է, քան մեկ մոդելը մյուսի փոխարեն ընտրել։ Այս մոտեցումը թույլ է տալիս ստեղծել ստեղծագործական լուծում, որը պարունակում է առանձին մոդելների տարրեր, բայց գերազանցում է դրանցից յուրաքանչյուրին։ Ռոջեր Մարտինը պնդում է, որ բիզնեսի ղեկավարները, ովքեր տիրապետում են ինտեգրատիվ մտածելակերպին, ունակ են նորարարություններ անելու և լուծելու իրենց ընկերության առջև ծառացած խնդիրները։

Դիզայն մտածողությունը հավասարակշռում է վերլուծական մտածողությունը[en] և ինտուիտիվ մտածողությունը, որպեսզի կազմակերպությունը հնարավորություն ունենա օգտագործել առկա գիտելիքները և ստեղծել նոր գիտելիքներ։ Դիզայնի միտք ունեցող կազմակերպությունը ի վիճակի է արդյունավետորեն առաջ տանել գիտելիքները հանելուկից` էվրիստիկայի միջոցով դեպի ալգորիթմ։ Դիզայն մտածողություն ունեցող կազմակերպությունը կարող է հասնել կայուն և վերարտադրվող մրցակցային առավելության։

Մտածողության երկու տեսակներն էլ ավելի են տարածվում բիզնես միջավայրում, ներառյալ Procter & Gamble, Four Seasons, Research In Motion ընկերությունները, որոնց բիզնեսի ռազմավարությունները ներառում են դիզայնի մտածողություն և ինտեգրատիվ մտածողություն։

2004 թվականին Ռոջեր Մարտինը համագործակցեց Կանադայի Պահպանողական կուսակցության թեկնածու Թոնի Քլեմենթի հետ` կյանքի եկամտահարկի[en] գաղափարի շուրջ` Կանադայում հարկային համակարգը բարեփոխելու համար[14]։

Ռոջեր Մարտինի վերջին աշխատանքներից մեկը կենտրոնանում է կորպորատիվ պատասխանատվության և տնտեսական դերում ընկերության դերի վրա։ Մարտինը պնդում է վերանայել, թե ինչպես է չափվում ընկերությունների հաջողությունը՝ պաշտպանելով ֆոնդային շուկայից ուշադրության կենտրոնացումը։ Նա հանդես եկավ մի քանի առաջարկություններով, ներառյալ փոփոխությունները ձեռնարկատերերի փոխհատուցման[en] մոդելներում և նոր ռազմավարական ուղղվածությունում՝ ի շահ հաճախորդների և հասարակության[15]։ Իր վերջին գրքերից մեկում՝ «Խաղ՝ կանոնների համաձայն», Մարտինը նշում է, որ «Խնդիրն այն չէ, որ Ուոլ Սթրիթը խախտում է իր օգտին գործող կանոնները, այլ որ կանոններն անօգուտ են» և առաջարկում է, որ լավագույն լուծումը վերացնելն է կարճաժամկետ վճարումները՝ հիմնվելով բաժնետոմսի գնի վրա[6]։

Անձնական կյանք[խմբագրել | խմբագրել կոդը]

2016 թվականին Մարտինը դարձել է Կանադայի օրդենի անդամ[16]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 Չեխիայի ազգային գրադարանի կատալոգ
  2. ↑ Identifiants et Référentiels (ֆր.) — ABES, 2011.
  3. ↑ CONOR.Sl
  4. ↑ «Businessweek - Bloomberg». Images.businessweek.com. Արխիվացված է օրիգինալից 2014 թ․ դեկտեմբերի 22-ին. Վերցված է 2016 թ․ դեկտեմբերի 3-ին.
  5. ↑ «Businessweek - Bloomberg». Images.businessweek.com. Արխիվացված է օրիգինալից 2014 թ․ դեկտեմբերի 25-ին. Վերցված է 2016 թ․ դեկտեմբերի 3-ին.
  6. ↑ 6,0 6,1 Why Roger Martin believes the corporate world needs to be overhauled—starting with excessive CEO compensation Արխիվացված 2013-12-02 Wayback Machine, Toronto Life
  7. ↑ «Rotman School Dean To Step Down - Rotman School of Management». Rotman.utoronto.ca. Վերցված է 2016 թ․ դեկտեմբերի 3-ին.
  8. ↑ BlackBerry Shakes Up Management, Wall Street Journal
  9. ↑ Summers, Nick (2013 թ․ նոյեմբերի 15). «BlackBerry loses its COO, CMO and board member Roger Martin, replaces CFO Brian Bidulka too». The Next Web. Վերցված է 2016 թ․ դեկտեմբերի 5-ին.
  10. ↑ «Archived copy». Արխիվացված է օրիգինալից 2011 թ․ հունիսի 28-ին. Վերցված է 2011 թ․ հունիսի 29-ին.{{cite web}}: CS1 սպաս․ արխիվը պատճենվել է որպես վերնագիր (link)
  11. ↑ 11,0 11,1 «Judgment Call». Ft.com. Վերցված է 2016 թ․ դեկտեմբերի 3-ին.
  12. ↑ «Roger Martin - Meet Roger». Rogerlmartin.com. Վերցված է 2016 թ․ դեկտեմբերի 3-ին.
  13. ↑ «Canada: What It Is, What It Can Be (Rotman-UTP Publishing): Roger Martin, James Milway: 9781442644656: Amazon.com: Books». Amazon.com. Վերցված է 2016 թ․ դեկտեմբերի 3-ին.
  14. ↑ Blackwell, Tom (2004 թ․ փետրվարի 10). «Clement plan: No tax for young: Conservative candidate would base system on lifetime income - with first $250,000 free». National Post. No. National Edition. National Post (Canada).
  15. ↑ «The Age of Customer Capitalism». Harvard Business Review. Վերցված է 2016 թ․ դեկտեմբերի 3-ին.
  16. ↑ «Olympians, jurists, researchers among 113 new appointments to Order of Canada». CBC News. Canadian Broadcasting Corporation. Վերցված է 2016 թ․ հուլիսի 2-ին.

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Ռոջեր_Մարտին&oldid=9773105» էջից