Ռոբերտ Կոնդախսազով

Ռոբերտ Կոնդախսազով
Ծնվել է	հուլիսի 26, 1937(1937-07-26)
Ծննդավայր	Թբիլիսի, Վրացական ԽՍՀ, ԽՍՀՄ
Վախճանվել է	հունիսի 23, 2010(2010-06-23) (72 տարեկան)
Մահվան վայր	Մոսկվա, Ռուսաստան
Քաղաքացիություն	Վրաստան
Կրթություն	Թբիլիսիի գեղարվեստի ակադեմիա (1963)
Մասնագիտություն	նկարիչ
Անդամակցություն	ԽՍՀՄ նկարիչների միություն

Ռոբերտ Աբգարի Կոնդախսազով (հուլիսի 26, 1937(1937-07-26), Թբիլիսի, Վրացական ԽՍՀ, ԽՍՀՄ - հունիսի 23, 2010(2010-06-23), Մոսկվա, Ռուսաստան), վրացահայ նկարիչ։ Վրացական ԽՍՀ վաստակավոր նկարիչ։ ԽՍՀՄ նկարիչների միության անդամ (1968)։

Կենսագրություն

Ռոբերտ Կոնդախսազովը ծնվել է 1937 թվականին Թբիլիսիում, բժիշկների ընտանիքում։ Դպրոցն ավարտելուց հետո ընդունվել է Թբիլիսիի գեղարվեստի ակադեմիայի գեղանկարչության բաժինը, որն ավարտել է 1963 թվականին (Վ. Շուխաևի և Ս. Կոբուլաձեի դասարան)։ Ավարտելուց հետո աշխատել է դիզայնի, ինտերիերի ձևավորման, գրքային գրաֆիկայի բնագավառում։ 1990-ական թվականներին Կոնդախսազովի մոտ նկատելի են դառնում ոճային փոփոխությունները՝ գեղանկարները դառնում են սև-սպիտակ, հիմնական ուշադրությունը կենտրոնանում է առաջնային ֆորմաների վրա։

Ցուցադրվել սկսել է 1964 թվականից։ Առաջին ցուցահանդեսը կազմակերպվել է 1989 թվականին, Թբիլիսիում, այնուհետև՝ 2000, 2003 թվականներին։

2005 թվականից բնակվում է Մոսկվայում։ 2006 թվականին Ռուսաստանի պետական հումանիտար համալսարանի թանգարանային կենտրոնում տեղի է ունեցել Կոնդախսազովի «Այլ արվեստ» անհատական ցուցահանդեսը։ 1989 թվականին անհատական ցուցահանդես է ունեցել Թբիլիսիի նկարիչների տանը։

Ստեղծագործությունները գտնվում են Վրաստանի պետական պատկերասրահում, Թբիլիսիի, Երևանի, Մոսկվայի, Ֆրանսիայի, ԱՄՆ-ի, Նիդերլանդների, Բելգիայի, Հունաստանի, Իսրայելի և Ավստրիայի մասնավոր հավաքածուներում։

Ստեղծագործություններ

• «Ջարդ», 1986
• «Հին քաղաք», 1991
• «Նատյուրմորտ», 1995
• «Կակտուս», 1999
• «Լողասենյակ», 1998
• «Պատշգամբ», 1993
• «Լվացարան», 1999

Գրականություն

• Ноев Ковчег. Информационно-аналитическая газета армянской диаспоры стран СНГ. N 4 (62) Май 2003 года

Արտաքին հղումներ

• Ֆեյսբուքյան պաշտոնական էջը
• «Мастер в Храме Живописи» — статья о Роберте Кондахсазове, Журнал «Русский Клуб», июль, 2010 (№ 7)
• Статья о Кондахсазове «Изысканность и аскеза творца», Владимир САРИШВИЛИ(չաշխատող հղում)
• Незаконченные тетради, Роберт Кондахсазов, «Дружба Народов» (2011, № 9)
• Роберт Кондазсазов, Незаконченные тетради. Журнал «Русский клуб»
• Ցուցահանդես Ռոբերտ Կոնդախսազովի հիշատակին