Ռիչարդ Քեբրալ
 | |
|---|---|
 | |
| Ծնվել է | օգոստոսի 28, 1984 (39 տարեկան) |
| Ծննդավայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԱՄՆ |
| Մասնագիտություն | հեռուստատեսային դերասան |
Ռիչարդ Քեբրալ (անգլ.՝ Richard Cabral, օգոստոսի 28, 1984, Լոս Անջելես, Կալիֆոռնիա, ԱՄՆ), ամերիկյան դերասան, գրող և երաժիշտ։ «Ամերիկյան հանցագործություն» հեռուստասերիալում խաղացած դերի համար առաջադրվել է Էմմի մրցանակաբաշխությանը։
Վաղ տարիներ[խմբագրել | խմբագրել կոդը]
Ռիչարդը ծնվել և մեծացել է Լոս Անջելեսում, ԱՄՆ գաղթած մեքսիկացիների երկրորդ սերնդում։ Վաղ տարիքից ակտիվ գործունեություն է ծավալել հանցախմբում[1]։ Entertainment Tonight-ի հետ հարցազրույցի ժամանակ նա հայտարարել է, որ իր ընտանիքը 1970-ական թվականներից կապ է ունեցել հանցախմբերի հետ։ 13 տարեկանում բանտարկվել է դրամապանակի գողության համար[2]։ Մինչև 15 տարեկան հասակը կախվածություն է ունեցել կրեկ կոկաինից[3]։ Ավարտել է միջնակարգ դպրոցը, բայց դրանից հետո կրկին խնդիրներ է ունեցել օրենքի հետ։ Նա բանտարկության է դատապարտվել հրազենով հարձակման համար։ 25 տարեկանում ազատվել է բանտից։
Կարիերա[խմբագրել | խմբագրել կոդը]
Ընկերները, փորձելով փոխել նրա կյանքը, առաջարկում են նրան «Homeboy Industries» ծրագիրը[2]։ 2009 թվականին Ռիչարդը հայտնվել է «Սաութլենդ» հեռուստասերիալում։ 2010 թվականին նկարահանվել է Բրունո Մարսի «Grenade» տեսահոլովակում։ 2015 թվականին Ռիչարդը նկարահանվել է «Ամերիկյան հանցագործություն» հեռուստասերիալում[4]։ Հեկտոր Թոնզի դերում խաղալու համար առաջին անգամ առաջադրվել է Էմմի մրցականաբաշխության՝ մինի-սերիալում կամ ֆիլմում խաղացած տղամարդկային լավագույն երկրորդական դերի համար։
2016 թվականին Ռիչարդ Քեբրալը Ռոբերտ Իգանի հետ գրել է «Ստվերի պայքարը» մոնոներկայացումը․ հանցախմբի նախկին անդամի փորձի մասին, որը իր կյանքի մի մասն անցկացրել է բանտում։
Դիսկագրություն[խմբագրել | խմբագրել կոդը]
Ռիչարդը նաև Baby Jokes կեղծանվան տակ ձայնագրել է թրեկեր հիփ-հոփ ժանրում[5]։ Ներկայումս ունի 4 ալբոմ։
| Տարի | Ալբոմ | Ձայնագրող խումբ |
|---|---|---|
| 2010 | Gutter Tales (ft. Jasper Loco & Syphon 4) | Wrecking Spot Music Group |
| 2010 | East Side Classics (ft. Jasper Loco) | Urban Kings Music Group |
| 2011 | Life On The Streets | Urban Kings Music Group |
| 2012 | Wanted |
Ֆիլմագրություն[խմբագրել | խմբագրել կոդը]
| Տարի | Ֆիլմ / Հեռուստասերիալ | Դեր | Ծանոթագրություններ |
|---|---|---|---|
| 2009 – 2010 | Սաութլենդ | Leprechaun / Cholo #2 / Joker Ruiz | 5 սերիաներում 3 տարբեր կերպարներ |
| 2011 | Լավագույն կյանք | Marcelo Valdez | |
| 2012 | Հաջողություն | Store Clerk | Սերիա #1.3 |
| 2012 | Պարեկ | Demon | |
| 2013 | Ծախուն | Flaco | |
| 2013 | Չիկագոյի հրշեջները | Inmate Rios | Սերիա։ A Hell of a Ride |
| 2014 | Պարանորմալ երևույթներ։ Սատանայի նշանը | Arturo Lopez | |
| 2014 | Բոսխ | Jimmy Uribe | Սերիա։ Chapter One: 'Tis the Season |
| 2015 – այժմ | Ամերիկյան հանցագործություն | Hector Tonz (1 եթերաշրջան)
Sebastian De La Torre (2 եթերաշրջան) |
1 եթերաշրջան – կանոնավոր դեր
2 եթերաշրջան – պարբերական դեր |
| 2016 – այժմ | Մահացու զենք | դետեկտիվ Ալեքս Քրուզ | |
| 2018 – 2022 | Մայաները | Ջոնի «Կոկո» Քրուզ |
Մրցանակներ[խմբագրել | խմբագրել կոդը]
Մրցանակներ
- «Հեռուստասերիալի լավագույն դերասանական կազմ» անվանակարգում արժանացել է «Ուղեկից» մրցանակի (2015)
Անվանակարգեր
- «Մինի-սերիալում կամ ֆիլմում խաղացած տղամարդկային լավագույն երկրորդական դերի» համար առաջադրվել է «Էմմի» մրցանակի (2015)
Ծանոթագրություններ[խմբագրել | խմբագրել կոդը]
- ↑ «Former Mexican Gang Member Richard Cabral Reveals How He Left Streets to Star in ABC's 'American Crime'». Latin Post. 2015 թ․ սեպտեմբերի 17. Վերցված է 2016 թ․ մայիսի 12-ին.
- ↑ 2,0 2,1 «How Former Gang Member Richard Cabral Went From Prison To Prime Time». NPR.org. Վերցված է 2016 թ․ մայիսի 12-ին.
- ↑ «'American Crime' Star Richard Cabral Reveals His Past of Crack Addiction, Life in Gangs». Entertainment Tonight. Վերցված է 2016 թ․ մայիսի 12-ին.
- ↑ «Richard Cabral as Hector Tontz | American Crime». ABC. Վերցված է 2016 թ․ մայիսի 12-ին.
- ↑ «Baby Jokes». Discogs. Վերցված է 2016 թ․ մայիսի 12-ին.
| ||||||||||
