Jump to content

Ռեբեկա Շեֆեր

Վիքիպեդիայից՝ ազատ հանրագիտարանից
Ռեբեկա Շեֆեր
Ծննդյան թիվ՝նոյեմբերի 6, 1967(1967-11-06)
Ծննդավայր՝Յուջին, Օրեգոն, ԱՄՆ
Վախճանի թիվ՝հուլիսի 18, 1989(1989-07-18) (21 տարեկան)
Վախճանի վայր՝Հոլիվուդ, Լոս Անջելես, Կալիֆոռնիա, ԱՄՆ
Քաղաքացիություն՝ ԱՄՆ
Մասնագիտություն՝դերասանուհի, հեռուստատեսային դերասանուհի, մոդել և կինոդերասանուհի
IMDb։ID 0769726
rebeccaschaeffer.com

Ռեբեկա Լյուսիլ Շեֆեր (անգլ.՝ Rebecca Lucile Schaeffer, նոյեմբերի 6, 1967(1967-11-06), Յուջին, Օրեգոն, ԱՄՆ - հուլիսի 18, 1989(1989-07-18), Հոլիվուդ, Լոս Անջելես, Կալիֆոռնիա, ԱՄՆ), ամերիկացի դերասանուհի։

Ռեբեկա Շեֆերը դարձել է երեք տարվա հետապնդման, այնուհետև սպանության զոհ իր անհավասարակշռված երկրպագուի` Ռոբերտ Ջոն Բարդոյի կողմից[1]։ Այս ողբերգական պատմությունը հանգեցրել է Կալիֆոռնիայում հետապնդումների կանխարգելման մասին օրենքի ընդունմանը[2][3]։

Դերասանուհու մահը դարձել է «Ե! Իրական հոլիվուդյան պատմություն» փաստագրական սերիալի առաջին թողարկման թեման։ Դերասանուհու փեսացուն՝ ռեժիսոր Բրեդ Սիլբերլինգը 2002 թվականին նկարահանել է «Լուսնի լույսի մղոն» ֆիլմը, որի ստեղծման խթանը հարսնացուի ողբերգական մահն էր[2]։

Կենսագրություն և կարիերա

[խմբագրել | խմբագրել կոդը]

Ռեբեկա Լյուսիլ Շեֆելը ծնվել է 1967 թվականի նոյեմբերի 6-ին ԱՄՆ-ի Օրեգոն նահանգի Պորտլենդ քաղաքում։ Այնտեղ նա ավարտել է Լինքոլն ավագ դպրոցը։ Նա հոգեբանի և գրողի ընտանիքի միակ երեխան էր։

1980-ական թվականներին Ռեբեկան սկսել է նկարահանվել ֆիլմերում և գովազդային հոլովակներում։ «Seventeen» ամսագրի շապիկում հայտնվելուց հետո Շեֆերը սկսել է նկարահանվել «Իմ քույր Սեմ» հեռուստասերիալում, կատարելով Փատի Ռասելի դերը և հայտնի է դառնում[4][5]։

Ռեբեկան նաև «Thursday’s Child» ընկերության ներկայացուցիչն էր[6]։

Սպանություն

[խմբագրել | խմբագրել կոդը]

21-ամյա Ռեբեկա Շեֆերը սպանվել է անհավասարակշռված երկրպագու Ռոբերտ Ջոն Բարդոյի կողմից, որը մինչև այդ նրան երեք տարի հետապնդել է[7]։

Բարդոն սկսել է հետապնդել Շեֆերին իր մեկ այլ սիրելի՝ Սամանթա Սմիթի ողբերգական ավտովթարում մահից հետո[8]։ Նա դերասանուհուն նամակներ էր գրում, մի քանի անգամ փորձել է հանդիպել նրա հետ, մեկ անգամ նույնիսկ դանակով է եկել, սակայն թիկնապահները նրան թույլ չեն տվել մոտ գալ դերասանուհուն։ Դրանից հետո Բարդոն վերադառնում է հարազատ Թուսոն և որոշ ժամանակ մոռանում է դերասանուհու մասին, հետաքրքրվելով երգչուհիներ Մադոննայով, Դեբի Գիբսոնով և Թիֆանիով[9]։

1989 թվականին, դիտելով Ռեբեկայի մասնակցությամբ «Դասական պայքարի տեսարաններ Բևեռլի Հիլզում» ֆիլմը, որում դերասանուհին անկողնային տեսարանում է նկարահանվել, Բարդոն զայրանում է։ Նա որոշում է, որ դերասանուհին պետք է պատժվի, ասելով՝ «մեկ այլ հոլիվուդյան պոռնիկ» (անգլ.՝ another Hollywood whore)[10]։

250 դոլարի դիմաց Բարդոն՝ Թուսոնի դետեկտիվ գործակալությունից դերասանուհու հասցեն է ստանում[11][12], իսկ նրա եղբայրը օգնում է զենք ձեռք բերել, քանի որ Բարդոն, ըստ ամերիկյան օրենքի, անչափահաս էր (նա 19 տարեկան էր)[13]։

Ստանալով զենք և անհրաժեշտ տեղեկություն, Բարդոն ուղեվորվում է Լոս Անջելես։ Նա հարցնում է Շեֆերի մասին և համոզվում է նրանում, որ գործակալության տված հասցեն ճիշտ է։ Նա գնում է դերասանուհու մոտ, վերջինս բացում է դուռը[14]։ Բարդոն Շեֆերին նամակներ և ստորագրություններ է ցույց տալիս, նրանք կարճ զրուցում են։ Մեկ ժամ անց Բարդոն վերադառնում է Շեֆերի բնակարան։ Նա փաթեթից հանում է զենքը և մեկ անգամ կրակում է դերասանուհու կրծքավանդակին[15]։ Ռեբեկան բղավում և ընկնում է դռան մոտ, իսկ Բարդոն փախուստի է դիմում։ Ռեբեկայի հարևանը շտապ օգնություն է կանչում, որը դերասանուհուն տեղափոխում է «Cedars-Sinai Medical Center»։ Կես ժամ անց 21-ամյա Ռեբեկա Շեֆերը մահանում է։ Հաջորդ օրը Բարդոն ձերբակալվում է Թուսոնում, նա անմիջապես խոստովանում է իր կատարած սպանությունը[16]։

Դերասանուհուն հետապնդման և սպանության համար Ռոբերտ Ջոն Բարդոն 1991 թվականի հոկտեմբերից դատապարտվում է ցմահ բանտարկության՝ առանց պայմանական վաղաժամկետ ազատման իրավունքի[1]։

Ֆիլմագրություն

[խմբագրել | խմբագրել կոդը]
Տարեթիվ Հայերեն անվանում Բնօրինակ անվանում Դեր Նշումներ Ծան․
1985 Մեկ կյանք ապրելու համար One Life to Live Էննի Անհայտ սերիաներ
1986 Զարմանալի պատմություններ Amazing Stories Օրիորդ Քրաունինգշիլդ Սերիա՝ «Miscalculation» [17]
1986-1988 Իմ քույր Սեմ My Sister Sam Փատի Ռասել 44 սերիա
1987 Ռադիոյի օրեր Radio Days Կոմունիստի դուստր
1988 Ժամանակից դուրս Out of Time Փեմ Ուոլես Հեռուստատեսային ֆիլմ [18]
1989 Դասական պայքարի տեսարաններ Բևեռլի Հիլզում Scenes from the Class Struggle in Beverly Hills Զանդրա [18]
1990 Ահաբեկչություն տախտակամածում Voyage of Terror: The Achille Lauro Affair Շերիլ Հեռուստատեսային ֆիլմ, թողարկվել է հետմահու [18]
Անմեղության վերջը The End of Innocence Ստեֆանի (18-25 տարեկան) Թողարկվել է հետմահու [19]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Ramsland, Katherine. «Stalkers: The Psychological Terrorist». Crime Library. Արխիվացված է օրիգինալից 2009 թ․ հունիսի 1-ին. Վերցված է 2009 թ․ սեպտեմբերի 1-ին.
  2. ↑ 2,0 2,1 Dwyer, Kevin; Fiorillo, Jure True Stories of Law & Order: The Real Crimes Behind the Best Episodes of the Hit TV Show. — Berkley Books[en], 2006. — С. 92. — ISBN 0-425-21190-8
  3. ↑ Klosek, Jacqueline Data Privacy in the Information Age. — Greenwood Publishing Group, 2000. — С. 140—141. — ISBN 0-124-90561-7
  4. ↑ Pfefferman, Naomi (2002 թ․ սեպտեմբերի 5). «Illuminating 'Moonlight Mile'». jewishjournal.com. Արխիվացված է օրիգինալից 2009 թ․ հուլիսի 30-ին. Վերցված է 2008 թ․ նոյեմբերի 9-ին.
  5. ↑ Axthelm, Pete (1989 թ․ հուլիսի 31). «An Innocent Life, a Heartbreaking Death». People. Արխիվացված է օրիգինալից 2016 թ․ սեպտեմբերի 15-ին. Վերցված է 2008 թ․ նոյեմբերի 9-ին.
  6. ↑ «Thursday's Child». thursdayschild.org. Արխիվացված է օրիգինալից 2008 թ․ հոկտեմբերի 15-ին. Վերցված է 2008 թ․ նոյեմբերի 9-ին.
  7. ↑ Meloy, J. Reid The Psychology of Stalking: Clinical and Forensic Perspectives. — Academic Press, 2001. — С. 27. — ISBN 0-124-90561-7
  8. ↑ Snow, Robert L. Stopping a Stalker: A Cop's Guide to Making the System Work for You. — Da Capo Press[en], 1998. — С. 71—72. — ISBN 0-306-45785-7
  9. ↑ Snow, Robert L. Stopping a Stalker: A Cop's Guide to Making the System Work for You. — Da Capo Press[en], 1998. — С. 73. — ISBN 0-306-45785-7
  10. ↑ Snow, Robert L. Stopping a Stalker: A Cop's Guide to Making the System Work for You. — Da Capo Press[en], 1998. — С. 73, 74. — ISBN 0-306-45785-7
  11. ↑ «Stalker!». E! Online. Արխիվացված է օրիգինալից 2006 թ․ ապրիլի 27-ին. Վերցված է 2007 թ․ հուլիսի 28-ին. Cache from the Internet Archive.
  12. ↑ «Testimony of Robert Douglas, CEO of Privacy Today, before the [[United States Senate Judiciary Committee]]». Privacy Today. 2005 թ․ ապրիլի 13. Արխիվացված է օրիգինալից 2007 թ․ սեպտեմբերի 28-ին. Վերցված է 2007 թ․ հուլիսի 28-ին. {{cite web}}: URL–wikilink conflict (օգնություն)
  13. ↑ Moffatt, Gregory K. Blind-sided: Homicide where it is Least Expected. — Greenwood Publishing Group, 2000. — С. 95. — ISBN 0-275-96929-0
  14. ↑ Snow, Robert L. Stopping a Stalker: A Cop's Guide to Making the System Work for You. — Da Capo Press[en], 1998. — С. 74. — ISBN 0-306-45785-7
  15. ↑ «Death on Main Street». theage.com.au. 2003 թ․ մարտի 8. Արխիվացված է օրիգինալից 2012 թ․ հոկտեմբերի 22-ին. Վերցված է 2010 թ․ դեկտեմբերի 17-ին.
  16. ↑ «The Stalking Death that Changed the Law: Rebecca Schaeffer Never Lived to Realize Her Success». frankseelreviews.com. Արխիվացված է օրիգինալից 2007 թ․ օգոստոսի 8-ին. Վերցված է 2007 թ․ հուլիսի 28-ին.
  17. ↑ Phillips, Mark; Garcia, Frank (2014 թ․ մայիսի 12). Science Fiction Television Series: Episode Guides, Histories, and Casts and Credits for 62 Prime-Time Shows, 1959 through 1989. McFarland. էջ 51. ISBN 9781476610306. Վերցված է 2018 թ․ հուլիսի 16-ին.
  18. ↑ 18,0 18,1 18,2 McGovern, Joe (2017 թ․ հունիսի 12). «When Devotion Turns Deadly». Who – via PressReader.
  19. ↑ «The End of Innocence»(անգլ.) ֆիլմը Allmovie կայքում:

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ռեբեկա Շեֆեր» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
Ստացված է «https://hy.wikipedia.org/w/index.php?title=Ռեբեկա_Շեֆեր&oldid=9586727» էջից