Ռաֆիկ Եդոյան
Ռաֆիկ Եդոյան | |
|---|---|
| Ծնվել է | հուլիսի 10, 1938[1] Հացառատ, Նոր Բայազետի շրջան, Հայկական ԽՍՀ, ԽՍՀՄ |
| Մահացել է | հունվարի 15, 2023 (84 տարեկան) Վանաձոր, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | գյուղատնտես |
| Հաստատություն(ներ) | ՎՊՀ |
| Ալմա մատեր | Հայաստանի ազգային ագրարային համալսարան (1963) |
| Կոչում | պրոֆեսոր |
| Գիտական աստիճան | գյուղատնտեսական գիտությունների դոկտոր (1983) |
Ռաֆիկ Հայկոյի Եդոյան (հուլիսի 10, 1938[1], Հացառատ, Նոր Բայազետի շրջան, Հայկական ԽՍՀ, ԽՍՀՄ - հունվարի 15, 2023, Վանաձոր, Հայաստան), հայ գյուղատնտես։ Գյուղատնտեսական գիտությունների դոկտոր (1983), պրոֆեսոր (1984), ՀՀ ԳԱԱ թղթակից անդամ (2000)[2]։
Կենսագրություն
[խմբագրել | խմբագրել կոդը]Ռաֆիկ Եդոյանը ծնվել է 1938 թվականին Նոր Բայազետի շրջանի Հացառատ գյուղում[3][4]։ 1955 թվականին ավարտել է գյուղի դպրոցը, 1963 թվականին՝ Հայկական գյուղատնտեսական ինստիտուտը[5][6]։ 1970 թվականից աշխատել է Վանաձորի պետական մանկավարժական ինստիտուտում[7], 1972-1979 թվականներին եղել է Վանաձորի պետական մանկավարժական ինստիտուտի բուսաբանության և աշխարհագրության ամբիոնի վարիչ, 1979-1987 թվականներին՝ Վանաձորի պետական մանկավարժական ինստիտուտի բուսաբանության ֆակուլտետի դեկան, 1987 թվականից՝ Վանաձորի պետական մանկավարժական ինստիտուտի ռեկտոր։ 1991 թվականին Եդոյանի նախաձեռնությամբ ստեղծվել է Արցախի պետական համալսարանը։
Հեղինակ է շուրջ 160 հոդվածի, 15 ուսումնական ձեռնարկի, մենագրության, բուհական դասագրքի և 2 հեղինակային իրավունքի[8]։ Զբաղվում է վայրի օգտակար բույսերի ուսումնասիրությամբ։ Գիտական հետաքրքրություններն են գենետիկան, սելեկցիան, բուսաբանությունը, էկոլոգիան։
Անդամակցություն
[խմբագրել | խմբագրել կոդը]- Էկոլոգիայի և անվտանգ կենսագործունեության միջազգային ակադեմիայի անդամ,
- Նյու Յորքի գիտությունների ակադեմիայի անդամ, 1988,
- ՀՀ ԳԱԱ թղթակից անդամ, 2000։
Պարգևներ
[խմբագրել | խմբագրել կոդը]- Ն. Ի. Վավիլովի անվան մեդալ (1974, գենետիկայի, սելեկցիայի բնագավառում կատարած աշխատանքների համար),
- Գավառ քաղաքի պատվավոր քաղաքացի,
- Վանաձորի պատվավոր քաղաքացի,
- ՀՀ կրթության և գիտության նախարարության ոսկե մեդալ,
- Երևանի պետական համալսարանի ոսկե մեդալ,
- Երևանի ագրարային համալսարանի ոսկե մեդալ,
- Արցախի համալսարանի ոսկե մեդալ։
Երկեր
[խմբագրել | խմբագրել կոդը]- Գենետիկա սելեկցիայի հիմունքներով առարկայի խնդրագիրք, Երևան, Լույս հրատ., 1989 թ.[9]:
- Բջջաբանություն. գենետիկա սելեկցիայի հիմունքներով, Երևան, Լույս հրատ., 1991:
- Գյուղատնտեսությունը և էկոլոգիան, Վանաձոր, 1999։
- Բույսերի սելեկցիայի և սերմնաբանության հիմունքներ, Երևան, 2006։
- Բնապահպանության դասավանդման մեթոդիկայի և լաբորատոր-գործնական պարապմունքների ձեռնարկ, Երևան, 2010։
- Գենետիկա սելեկցիայի հիմունքներով, Երևան, 2011։
- Հոսքաջրերի էկոլոգիական խնդիրները, բուհական ձեռնարկ, ՙՙՕրենք և իրականություն՚՚ Երևան, 2014։
- Իմունասելեկցիա սերմնաբուծություն, Բուհական դասագիրք, Երևան, 2017։
- Բույսերի իմունիտետ իմունիտետային սելեկցիա, ներբուհական դասագիրք, Երևան, 2017։
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=2242
- ↑ Armenia, National Academy of Sciences of. «National Academy of Sciences of Armenia». www.sci.am. Վերցված է 2017 թ․ փետրվարի 15-ին.
- ↑ «Գավառի Քաղաքապետարան». www.gavariqaghaqapetaran.am. Արխիվացված է օրիգինալից 2017 թ․ մարտի 20-ին. Վերցված է 2017 թ․ փետրվարի 15-ին.
- ↑ «Ռաֆիկ Հայկոյի Եդոյան». kyavartv.am. Վերցված է 2017 թ․ փետրվարի 15-ին.
- ↑ «Եդոյան Ռաֆիկ Հայկոյի ։». persons.anau.am (ամերիկյան անգլերեն). Վերցված է 2017 թ․ փետրվարի 15-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Եդոյան Ռաֆիկ Հայկոյի». www.vsu.am. Վերցված է 2017 թ․ փետրվարի 15-ին.(չաշխատող հղում)
- ↑ «Հայաստանի ազգային ագրարային համալսարանի գրադարան քարտարան, Եդոյան, Ռաֆիկ Հայկոյի». koha.anau.am. Վերցված է 2017 թ․ փետրվարի 15-ին.(չաշխատող հղում)
- ↑ Եդոյան, Ռաֆիկ (1989 թ․ հունվարի 1). «Գենետիկա սելեկցիայի հիմունքներով» առարկայի խնդրագիրք. Լույս. ISBN 9785545000333.
 | Վիքիդարանն ունի նյութեր, որոնք վերաբերում են «Ռաֆիկ Եդոյան» հոդվածին։ |
| ||||||||||
