Ռաֆայել Գզողյան

Վիքիպեդիայից՝ ազատ հանրագիտարանից
Jump to navigation Jump to search
Ռաֆայել Գզողյան
Ռաֆայել Գզողյան.jpg
հունվարի 15, 1943(1943-01-15) - հուլիսի 10, 2019(2019-07-10) (76 տարեկանում)
ԾննդավայրՇամլուղ, Լոռու մարզ, Հայաստան, ԽՍՀՄ
Մահվան վայրԵրևան, Հայաստան
Կոչումգեներալ-մայոր
Մարտեր/
պատերազմներ
Արցախյան ազատամարտ
ՊարգևներԱրցախի Հանրապետության «Մարտական խաչ» 2-րդ աստիճանի շքանշան և Արցախի Հանրապետության «Մարտական խաչ» 1–ին աստիճանի շքանշան

Ռաֆայել Հովհաննեսի Գզողյան հայտնի էր որպես՝ Ֆելիքս Գզողյան (հունվարի 15, 1943(1943-01-15), Շամլուղ, Լոռու մարզ, Հայաստան, ԽՍՀՄ - հուլիսի 10, 2019(2019-07-10), Երևան, Հայաստան), ռազմական գործիչ, Շուշիի ազատագրման գործողության շտաբի պետ[1]։ Հայաստանի զինված ուժերի գեներալ-մայոր (2002)։

1963 թվականին ավարտել է Տաշքենդի տանկային բարձրագույն ուսումնարանը։ 1963-1992 թվականին ծառայել է ԽՍՀՄ ԶՈՒ Անդրկովկասյան ռազմական օկրուգում, տարբեր զորամասերում՝ որպես տանկային դասակի, վաշտի, գումարտակի, զորամասի հրամանատար, ուսումնական կենտրոնի պետ։ 1988 թվականին զորացրվել է խորհրդային բանակից և փոխգնդապետի կոչումով տեղափոխվել Հայաստան։ Մտել է «Երկրապահ» կամավորական ջոկատ և մեկնել սահմանամերձ գոտի՝ որպես Իջևանի երկրապահների շտաբի պետ։ 1990 թվականին նշանակվել է Երևանում կազմավորված Հատուկ գնդի հրամանատարի տեղակալ՝ շտաբի պետ[1]։ 1992 թվականի սեպտեմբերին նշանակվել է ԼՂՀ ինքնապաշտպանական ուժերի շտաբի պետ։ 1992 թվականից ծառայել է ՀՀ զինված ուժերում՝ ԻՊՏ զորամիավորումների հրամանատար, գլխավոր շտաբի պետի տեղակալ 2000 թվականից[2]։

1991-1994 թվականներին մասնակցել է ՀՀ հյուսիսարևելյան և ԼՂՀ Շահումյանի (Բուզլուխ, էյքեջ, Մանաշիդ), Գետաշենի ենթաշրջանի, Մարտակերտի, Մարտունիի շրջանների ինքնապաշտպանական և ազատագրական մարտերին[2]։

Պարգևատրվել է ԼՂՀ «Մարտական խաչ 1-ին և 2-րդ աստիճանի շքանշաններով[2]։

Մահացել է 2019 թվականի հուլիսի 10-ին Երևանում[3]։

Ծանոթագրություններ[խմբագրել | խմբագրել կոդը]

  1. 1,0 1,1 «Մահացել է գեներալ-մայոր Ֆելիքս Գզողյանը»։ yerkirmedia.am։ Վերցված է 11 Հուլիս 2019 
  2. 2,0 2,1 2,2 «Ռաֆայել Գզողյան»։ Ղարաբաղյան ազատագրական պատերազմ հանրագիտարան, էջ 160։ Երևան: Հայաստանի հանրագիտարան հրատարակչություն։ 2004 
  3. «Մահացել է այրվող կետերի փրկարար-դեսպան Ֆելիքս Գզողյանը»։ armeniasputnik.am։ Վերցված է 10 Հուլիս 2019