Ջոուի Տրիբիանի

Joey Tribbiani
Սեռ	Արական
Մազեր	Սև
Աչքեր	Սև
Աշխատանք	Դերասան ; Սանտա Կլաուս ; (մինչև հեռուստաշոուն); Սուրբծննդյան էլֆ ; (1-ին եթերաշրջան) ; Տվյալներ ներմուծող ; (2-ին եթերաշրջան) ; Թանգարանի ուղեկցող ; (4-ին եթերաշրջան) ; Մատուցող Կենտրոնական սրճարանում; (6-ին եթերաշրջան) ; Մատուցող «Ալեսանդրոս» սրճարանում; Տոնածառ վաճառող
Ծնողներ	Ջոզեֆ Տրիբիանի ավագ; (հայր); Գլորիա Տրիբիանի; (մայր)
Բարեկամներ	Ջինա Տրիբիանի (քույր); Դինա Տրիբիանի (քույր); Մերի Անջելա Տրիբիանի (քույր); Մարի Թերեզ Տրիբիանի (քույր); Վերոնիկա Տրիբիանի (քույր); Քուկի Տրիբիանի (քույր); Թինա Տրիբիանի (քույր) ; Մայքլ Տրիբիանի (քրոջ որդի); Անանուն զարմուհի
Կրոն	Կաթոլիկ
Ստեղծող	Դեյվիդ Քրեյն; Մարտա Քոֆման

Ջոզեֆ Ֆրենսիս (Ջոուի) Տրիբիանի կրտսեր (անգլ.՝ Joseph Francis "Joey" Tribbiani, Jr.), գեղարվեստական կերպար, ամերիկյան «Ընկերները» (1994–2004) սիթքոմի վեց գլխավոր հերոսներից մեկը, ինչպես նաև «Ջոուի» սպին-օֆֆի գլխավոր հերոսը։ Ջոուի դերում հանդես է գալիս Մեթ Լեբլանկը^[1]։ Ստեղծվել է հեռուստաշոուի համահեղինակներ Դեյվիդ Քրեյնի և Մարտա Քոֆմանի կողմից և հանդես եկել ցուցադրված բոլոր 236 էպիզոդներում։

Ջոուին ենթադրաբար ծնվել է 1968 թվականին^[2]՝ փականագործ Ջոզեֆ Տրիբիանի ավագի և Գլորիա Տրիբիանիի՝ ութ երեխաներից բաղկացած ընտանիքում։ Ջուին ունի յոթ քույր՝ Մարի Թերեզան, Մարի Անջելան, Դինան, Ջինան, Թինան, Վերոնիկան և Քուկին։ Ջոուին ծնվել է Նյու Յորքի Քուինս թաղամասում և մանուկ հասակում չափից դուրս շատ հայտնվել անախորժությունների մեջ։

Ջոուի կերպարը ներկայացվում է որպես իտալական արմատներով նյույորքցի դերասան ով ապրում է մոտ ընկեր Չենդլեր Բինգի հետ։ Չնայած սանձարձակությանը ու պարզամտությանը, Ջոուին չափազանց հավատարիմ ընկեր է։ Ջոուին նաև սպորտի մեծ սիրահար է և սատարում է «Լոս Անջելես Դոդջերս» և «Նյու Յորք Յանկիս» բեյսբոլի, «Լոս Անջելես Կլիպերս» և «Նյու Յորք Նիքս» բասկետբոլի, «Նյու Յորք Ջայնթս» և «Նյու Յորք Ջեթս» ամերիկյան ֆուտբոլի, և «Դետրոյթ Ռեդ Ուինգս» և «Նյու Յորք Ռենջերս» տափօղակով հոկեյի ակումբներին։