Ջեյն Օսթին (ֆիլմ)

Վիքիպեդիայից՝ ազատ հանրագիտարանից
Ջեյն Օսթին
անգլ.՝ Becoming Jane
Երկիր Միացյալ Թագավորություն
 ԱՄՆ
Ժանրկենսագրական ֆիլմ, ռոմանտիկ ֆիլմ և դրամա
ԹեմաՋեյն Օսթին
Թվականմարտի 2, 2007[1] և հոկտեմբերի 3, 2007[2]
Լեզուանգլերեն
ՌեժիսորՋուլիան Ջարոլդ
ՊրոդյուսերԳրեհեմ Բրոդբենթ և Դուգլաս Ռեյ
Սցենարի հեղինակՔևին Հուդ
ԴերակատարներԷն Հեթուեյ, Ջեյմս Մաքէվոյ, Ջուլի Ուոլթերս, Ջեյմս Քրոմվել, Մեգի Սմիթ, Ջո Անդերսոն, Լոուրենս Ֆոքս, Anna Maxwell Martin?, Հելեն ՄակՔրորի, Իեն Ռիչարդսոն, Լեո Բիլ, Լյուսի Քոհու և Sophie Vavasseur?
ՕպերատորԷյգիլ Բրիլդ
ԵրաժշտությունԷդրիան Ջոնսթոն
ՄոնտաժԷմմա Է․ Հիքոքս
ԿինոընկերությունHanWay Films
Տևողություն120 րոպե
Պաշտոնական կայքէջ
 Becoming Jane Վիքիպահեստում

«Ջեյն Օսթին» (անգլ.՝ «Becoming Jane» - «Դառնալով Ջեյն»), գեղարվեստական ֆիլմ, ռեժիսոր Ջուլիան Ջարոլդի դրաման անգլիացի գրող Ջեյն Օսթինի և իռլանդացի իրավաբան Թոմաս Լեֆրոյի հարաբերությունների մասին։ Ֆիլմը մի քանի ընկերությունների համատեղ արտադրություն է, ներառյալ BBC Films և Irish Film Board[3][4]։

Սյուժե[խմբագրել | խմբագրել կոդը]

Աղքատ գյուղական քահանայի դուստր Ջեյն Օսթինին, որը երազում է գրող դառնալ, առաջարկություն է անում Ուիզլին՝ իրենց ունևոր հարևանուհի լեդի Գրեշեմի եղբորորդին։ Սակայն Ջեյնը փոխադարձ զգամունքներ չի տածում նրա հանդեպ։

Ջեյնի ծնողները ցանկանում են, որ նա ամուսնանա հաշվարկով․ Անգլիայում 1795 թվականին այլ ընտրություն չի եղել։ Բայց երբ նա ծանոթանում է երիտասարդ Թոմ Լեֆրոյի հետ, նրա միտքն ու գեղեցկությունը հետաքրքրություն են առաջացնում աղջկա մեջ, և նրա կյանքը սկսում է փոխվել։ Նրանց միջև ծնվում են նուրբ զգացմունքները։ Նրանք որոշում են ամուսնանալ, բայց ճակատագիրը նրանց համար այլ ուղի է պատրաստել։ Լեֆրոյի ազգականը, որի խնամակալության տակ է նա գտնվում, չի տալիս իր համաձայնությունը ամուսնության համար։ Հուսահատ Լեֆրոյը Ջեյնին առաջարկում է փախչել իր հետ։ Եվ Ջեյնը որոշում է դիմել այդ հուսահատ քայլին՝ մարտահրավեր նետելով հանրային բարքերին, որոնք շրջապատում են իրեն։ Բայց փախուստի ժամանակ Ջեյնը պատահաբար իմանում է, որ Թոմը դեռ ունի կրտսեր եղբայրներ և քույրեր, որոնց մասին նա պարտավոր է հոգ տանել, և ովքեր ապրում են այն գումարով, որը նրանց տալիս է իրենց ազգականը։ Ջեյնը գիտակցում է, որ իրենց միությունը դատապարտված է, և որոշում է վերադառնալ իր ծնողների մոտ։ Մինչև իր օրերի վերջը Ջեյնը հավատարիմ է մնում Լեֆրոյի հանդեպ ունեցած զգացմունքներին՝ այդպես էլ իր կյանքը չկապելով ոչ մեկի հետ։ Ֆիլմի վերջում Ջեյնը ու Թոմը տարիներ անց կրկին հանդիպում են։ Ջեյնը կարդում է իր վեպից մի հատված Լեֆրոյի դստեր համար, որը նրա տաղանդի երկրպագուներից է։

Դերերում[խմբագրել | խմբագրել կոդը]

 Դերերում   Կերպար 
Էնն Հեթեուեյ Ջեյն Օսթին
Ջեյմս Մաքէվոյժ Թոմ Լեֆրոյ
Մեգի Սմիթ լեդի Գրեշեմ
Լոուրենս Ֆոքս միստր Ուիզլի
[Ջուլի Ուոլտերս միսիս Օսթին
Ջեյմս Կրոմվել Ջորջ Օսթին
Ջո Անդերսոն Հենրի Օսթին
Լյուսի Կոհու Էլիզա դե Ֆյոյիդ
Աննա Մարտին Մաքսվել Կասանդրա Օսթին
Լեո Բիլլ Ջոն Ուորրեն
Ջեսիկա Էշվորտ Լյուսի Լեֆրոյ
Սոֆի Վավասո Ջեյն Լեֆրոյ
Քրիստոֆեր ՄաքՀալեմ միստր Քյորտիս
Իեն Ռիչարդսոն Ջաջ Լանգլուա
Հելեն ՄքՔրորի Էնն Ռեդքլիֆ
Լոուրենս Ռիչարդսոն Ալան Բրետ

Նկարահանումներ[խմբագրել | խմբագրել կոդը]

«Ջեյն Օսթին» ֆիլմն ունեցել է €12,7 մլն սահմանափակ բյուջե[3][4][5]։ Նկարահանումներ տեղի են ունեցել Դուբլինում, իսկ գյուղական տեսարանները նկարահանվել են Իռլանդիայում։ Միայն ֆիլմի սկզբի երկու կադրեր նկարահանվել են Անգլիայում։ Սկզբում նկարահանումները պլանավորվել են անցկացնել Հեմփշիրում[6]՝ մեծ գրողի ծննդավայրում, սակայն Ջուլիան Ջարոլդը որոշել է, որ Հեմփշիրը շատ է փոխվել այդ ժամանակներից, և այնտեղ բավարար չեն այդ դարաշրջանի գյուղական բնությունն ու հին տնակները[7]։ Ջեյմս Մաքևոյը լիովին կողմ է եղել նրա որոշմանը։ Քանի որ Ջեյն Օսթինի իրական տունը ոչնչացվել էր 1824 թվականին, նկարահանումներն անցկացվել են Հիգինսբրուք Հաուսում[8], որը կառուցվել է 18-րդ դարում։ Այժմ Հիգգինս Բրուք Հաուսը պատկանում է Քրիստոֆեր Գրեյին։ Հետագայում տունը կրկին օգտագործվել է «Նորթենգերի աբբայություն» ֆիլմի նկարահանումներում[9][10]։

Քնադատություն[խմբագրել | խմբագրել կոդը]

Ֆիլմն արժանացել է կինոքննադատների խառը արձագանքների։ Rotten Tomatoes կայքում ֆիլմն ունի 58 % վարկանիշ՝ հիմնված է 139 կարծիքի վրա, որոնց միջին միավորը 10 հնարավորից 6 է[11]։ Metacritic կայքում ֆիլմն ունի 100-ից 55 միավոր՝ 34 քննադատությունների հիման վրա, ինչը համապատասխանում է «խառը կամ միջին արձագանքներ» կարգավիճակին[12]։

Ծանոթագրություններ[խմբագրել | խմբագրել կոդը]

  1. ↑ Freebase տվյալների վերբեռնում — Google.
  2. ↑ http://www.kinokalender.com/film6157_geliebte-jane.html
  3. ↑ 3,0 3,1 «Becoming Jane in Irish cinemas this weekend». Irish Film Board. 2007 թ․ մարտի 13. Արխիվացված է օրիգինալից 2016 թ․ հունվարի 13-ին. Վերցված է 2012 թ․ հուլիսի 11-ին.
  4. ↑ 4,0 4,1 «Becoming Jane». The Numbers. Վերցված է 2012 թ․ օգոստոսի 1-ին.
  5. ↑ Williams, Sally (2007 թ․ փետրվարի 17). «Not so plain Jane». The Daily Telegraph. Վերցված է 2011 թ․ օգոստոսի 12-ին.
  6. ↑ «Julian Jarrold On 'Becoming Jane'». Irish Film & Television Network. 2007 թ․ մարտի 15. Վերցված է 2012 թ․ օգոստոսի 2-ին.
  7. ↑ Fitzsimons, Eleanor (2008 թ․ փետրվարի 5). «Dublin, but not as we know it». The Dubliner. Արխիվացված է օրիգինալից 2012 թ․ ապրիլի 24-ին. Վերցված է 2012 թ․ հուլիսի 6-ին.
  8. ↑ O'Byrne, Robert (2007 թ․ մարտի 3). «How Higginsbrook became Jane's house». The Irish Times. Արխիվացված է օրիգինալից 2012 թ․ հուլիսի 6-ին. Վերցված է 2011 թ․ օգոստոսի 12-ին.
  9. ↑ «Higginsbrook House, Meath». Irish Film and Television Network. Վերցված է 2012 թ․ հուլիսի 26-ին.
  10. ↑ Finneran, Aoife (2007 թ․ մարտի 8). «Abbey days for Jane Austen's 'Irish Home'». Evening Herald. Արխիվացված է օրիգինալից 2016 թ․ հունվարի 13-ին. Վերցված է 2012 թ․ հուլիսի 7-ին.(subscription required)
  11. ↑ «Becoming Jane». Rotten Tomatoes (անգլերեն). Վերցված է 2018 թ․ հունվարի 26-ին.
  12. ↑ «Becoming Jane». Metacritic. Վերցված է 2018 թ․ հունվարի 26-ին.
Վիքիպահեստն ունի նյութեր, որոնք վերաբերում են «Ջեյն Օսթին (ֆիլմ)» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
GND: 1034294849 · VIAF: 222431308 · WorldCat VIAF: 222431308
Ստացված է «https://hy.wikipedia.org/w/index.php?title=Ջեյն_Օսթին_(ֆիլմ)&oldid=9710242» էջից