Ջաբալպուր

Ջաբալպուր
Քաղաք
	Ջաբալպուր
	հինդի՝ जबलपुर; անգլ.՝ Jabalpur;
Երկիր	Հնդկաստան
Նահանգ	Մադհյա Պրադեշ
Վարչական շրջան	Ջաբալպուր
Մակերես	315 կմ²
ԲԾՄ	410 մ
Բնակչություն	1 054 336 մարդ (2011)
Ժամային գոտի	UTC+5:30
Հեռախոսային կոդ	+91 761
Փոստային դասիչ	482 00x
Ավտոմոբիլային կոդ	MP-20
Պաշտոնական կայք	jabalpur.nic.inmp-20
	Ջաբալպուր Վիքիպահեստում

Ջաբալպուր (հինդի՝ जबलपुर, անգլ.՝ Jabalpur, հայտնի է նաև որպես «Շանսկարդհանի»), քաղաք Հնդկաստանի Մադհյա Պրադեշ նահանգում, Ջաբալպուր տարածաշրջանի վարչական կենտրոնը։

Աշխարհագրությունը և կլիման[խմբագրել | խմբագրել կոդը]

Քաղաքը տեղակայված է Նարմադա գետի հյուսիսում, մի վայրում, որը շրջապատված է ցածր բլուրներով։ Գտնվում է Մահակոշալ մարզում, Հնդկաստանի աշխարհագրական կենտրոնում։ Քաղաքի բարձրությունը ծովի մակարդակից 410 մետր է^[1]։

Քաղաքի մոտակայքում մի քանի լճեր կան։ Ջաբալպուրի շրջակա տարածքը առանձնանում է բարձր բերքատվությամբ։ Քաղաքում աճեցվող գլխավոր մշակաբույսերն են բրինձը, նուտը, սորգոն և ձիթատու բույսերը։ Կան երկաթի հանքաքարի, կրաքարի, բոքսիտների, կավի, մանգանի հանքավայրեր^[2]։

Ամառը սկսվում է մարտից և ավարտվում է հունիսին։ Ամենաշոգ ամիսը մայիսն է․ միջին ջերմաստիճանը մայիսին հասնում է 42 °C-ի։ Անձրևների սեզոնը հունիսից շարունակվում է մինչև հոկտեմբեր, իսկ ձմեռը՝ նոյեմբերից մարտ։ Ամենացուրտ ամիսը հունվարն է՝ մինիմում 8 °C միջին ջերմաստիճանով։ Տարեկան տեղումների քանակը 1325 մմ է։

Բնակչություն[խմբագրել | խմբագրել կոդը]

2011 թվականի տվյալներով բնակչությունը կազմում է 1 054 336 մարդ^[3], քաղաքային ագլոմերացիայի բնակչության թիվը այդ տվյալներով՝ 1 267 564 մարդ^[4]։

2001 թվականի տվյալներով տղամարդիկ կազմում են 52 %, կանայք՝ 48 %։ Գրագիտության մակարդակը՝ 75 %, որը բարձր է երկրի միջին մակարդակից՝ 59,5 %։ Գրագիտության մակարդակը տղամարդկանց մոտ 79 % է, կանանց մոտ՝ 70 %։ Մոտ 80 %-ը դավանում են հինդուիզմ, մոտ 13 %-ը՝ իսլամ, 3,4 %-ը՝ ջայնիզմ, 2,5 %-ը՝ քրիստոնեություն, 1,1 %-ը՝ այլ կրոններ։