Պիեռ Աբրահամ

Պիեռ Աբրահամ; ֆր.՝ Pierre Abraham
Ծննդյան անուն	ֆր.՝ Pierre Bloch
Ծնվել է	մարտի 1, 1892
Ծննդավայր	Փարիզի 8-րդ շրջան, Փարիզ
Վախճանվել է	մայիսի 20, 1974 (82 տարեկան)
Վախճանի վայր	Փարիզի 4-րդ շրջան, Փարիզի շրջան
Մասնագիտություն	լրագրող, օդաչու, encyclopedist, գրող, գրական քննադատ, կենսագիր և Ֆրանսիական դիմադրության մարտիկ
Լեզու	ֆրանսերեն
Քաղաքացիություն	Ֆրանսիա
Կրթություն	Պոլիտեխնիկական դպրոց
Պարգևներ

Պիեռ Աբրահամ (ֆր.՝ Pierre Abraham, իսկական անունը` Պիեռ Բլոկ, ֆր.՝ Pierre Bloch մարտի 1, 1892(1892-03-01)^[1], Փարիզի 8-րդ շրջան, Փարիզ - մայիսի 20, 1974(1974-05-20)^[1], Փարիզի 4-րդ շրջան, Փարիզի շրջան), ֆրանսիացի գրող, գրականագետ և լրագրող, հասարակական գործիչ։ Եղել է Դիմադրության շարժման մասնակից, Ֆրանսիայի կոմունիստական կուսակցության անդամ։ Գրող Ժան-Ռիշար Բլոկի փոքր եղբայրն է։

Կենսագրություն[խմբագրել | խմբագրել կոդը]

Ծնվել է 1892 թվականի մարտի 1-ին, Փարիզի 8-րդ շրջանում, ինժեներ Ռիշար Բլոկի ընտանիքում^[3]։ Ինքը նույնպես սովորել է ինժեների մասնագիտությունը (ավարտել է Պոլիտեխնիկական դպրոց)։ Առաջին համաշխարհային պատերազմի ժամանակ ծառայել է օդուժում։ 1927 թվականից աշխատել է որպես պրոֆեսիոնալ լրագրող, որոշ ժամանակ` որպես դերասան^[4]։ 1933-1965 թվականներին Ֆրանսիական հանրագիտարանի (ֆր.՝ Encyclopédie française) տպագրության ժամանակ ղեկավարել է գրականությանն ու արվեստին նվիրված հատորների աշխատանքը։ Երկրորդ համաշխարհային պատերազմի ժամանակ մասնակցել է Դիմադրության շարժմանը, օդուժի գնդապետի կոչումով մասնակցել է Նիսի ազատագրմանը, որտեղ կոմունիստ քաղաքապետ Ժան Մեդեսենի ընտրությամբ 1947 թվականին դարձել է քաղաքային խորհրդական և զբաղեցրել է այդ պաշտոնը մինչև 1959 թվականը։ 1949 թվականից մինչև իր կյանքի վերջը եղել է «Եվրոպա» գրական ամսագրի գլխավոր խմբագիրը, որը հիմնադրվել է 1923 թվականին Ռոմեն Ռոլանի կողմից։ Մինչև 1960 թվականը համագործակցել է «Ֆրանսիական նամակներ» հրատարակչության հետ։ Մահացել է 1974 թվականի մայիսի 20-ին Փարիզի 4-րդ շրջանում։

Ստեղծագործություն[խմբագրել | խմբագրել կոդը]

Պիեռ Աբրահամը Բալզակի (1929) և Մարսել Պրուստի (1929) ստեղծագործությունների մասին մատենագրությունների հեղինակ է, որոնք ջերմորեն են ընդունվել քննադատության կողմից^[3]։ Նաև գրել է թատերագիտական աշխատություններ։ 1951 թվականին լույս է տեսել նրա առաջին և միակ` «Ամուր եղեք» վեպը, որը դարձել է հեղինակի` հակաիմպերիալիստական գաղափարների համախոհ լինելու արտացոլումը և պատմում է Նիսի աշխատավորների` խաղաղության համար և կառավարության «ատլանտյան» ագրեսիվ քաղաքականության դեմ պայքարի մասին^[4]։ Ֆրանսերեն թարգամանել է Բերտոլդ Բրեխտի և գերմանական գրականության այլ ստեղծագործություններ։

Աշխատանքներ[խմբագրել | խմբագրել կոդը]

«Բալզակ» (ֆր.` Balzac, 1929)
«Կերպարներ» (ֆր.` Figures, 1929)
«Պրուստ» (ֆր.` Proust, 1930)
«Մարդիկ Բալզակի մոտ» (ֆր.` Créatures chez Balzac, 1930)
«Թատրոնի ֆիզիկա» (ֆր.` Le physique au théâtre, 1933)
«Մեկ կերպար, երկու դեմք» (ֆր.` Une figure, deux visages, 1934)
«Երեք եղբայր», ինքնակենսագրություն (ֆր.` Les trois frères, 1971)
«Ֆրեյդ» (ֆր. Freud, 1974)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Le Maitron (ֆր.) — 1964.
↑ ^3,0 ^3,1 Encyclopædia Universalis
↑ ^4,0 ^4,1 «Краткая литературная энциклопедия»

Գականություն[խմբագրել | խմբագրել կոդը]

Gamarra P., Le premier roman de Pierre A., «Europe», 1951, №67—68. (ֆր.)

[_58e97841cb2f8ee0-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_69f0254ad75af866-2] Le Maitron (ֆր.) — 1964.

[bio-3] 3,0 ^3,1 Encyclopædia Universalis

[lit-4] 4,0 ^4,1 «Краткая литературная энциклопедия»

[1]

[2]

[3]

[4]