Պայթակենի Կոմարովի
| Պայթակենի Կոմարովի | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Բակլածաղկավորներ (Fabales) |
| Ընտանիք | Բակլազգիներ (Fabaceae) |
| Ենթաընտանիք | Բակլայիններ (Faboideae) |
| Տրիբա | Galegeae |
| Ցեղ | Պայթակենի (Colutea) |
| Տեսակ | Պայթակենի Կոմարովի (C. komarovii) |
| Միջազգային անվանում | |
| Colutea komarovii | |
Պայթակենի Կոմարովի (լատին․՝ Colutea komarovii), լոբազգիների ընտանիքին պատկանող ծածկասերմ բույս, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
0,5-1 մ բարձրությամբ թխակապույտ բույս է։ Տերևները 12-20 մմ երկարությամբ են։ 2-6 մմ երկարությամբ և 2-4 մմ լայնությամբ տերևիկները համարյա կլորավուն են, իսկ ծայրային տերևիկը մյուսներից ավելի մեծ է։ Ծաղկաբույլը 1-3 ծաղիկներով է։ Պսակը մուգ կարմրադարչնագույն է, իսկ 9-11 մմ լայնությամբ և 10-12 մմ երկարությամբ դրոշը լայն կլորավուն է։ Ունդերը փքված են, օվալ կամ մերկ, 15-25 մմ երկարությամբ, 15 մմ լայնությամբ, 2-6 հատ սերմերով[1]։
Տարածվածություն[խմբագրել | խմբագրել կոդը]
Աճում է Մեղրու ֆլորիստիկական շրջանում (Կարճևան և Մեղրի բնակավայրերի միջև, Ծիրանի ձոր կիրճ)։ Աճում է նաև Նախիջևանում։ Բույսը հայտնաբերվել է Իրանում[1]։
Էկոլոգիա[խմբագրել | խմբագրել կոդը]
Աճում է ստորին լեռնային գոտում՝ ծովի մակարդակից 700-1000 մ բարձրությունների վրա, ֆրիգանանման բուսականության մեջ և չոր խճաքարոտ լանջերին։ Ծաղկում է ապրիլ ամսին, պտղաբերում՝ մայիս-հունիսին։ Տեսակը խիստ արիդային պայմաններին է հարմարված։ Տերևիկները թափվում են ամռան սկզբում, իսկ ֆոտոսինթեզը դեռ երկար ժամանակ շարունակում է կատարել տերևի առանցքը[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող, ոչնչացման սպառնալիքի ենթակա տեսակ է։ Հայտնի է ընդամենը մեկ պոպուլյացիա՝ 10 կմ²-ից պակաս տարածման և բնակության շրջանների մակերեսով։ Ընդգրկված չէ CITES-ի և Բեռնի կոնվենցիաների հավելվածներում։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
|
|