Չժանցզյացզե ազգային պարկ

Վիքիպեդիայից՝ ազատ հանրագիտարանից
Picto infobox plant.png
Չժանցզյացզե ազգային պարկ
zh/张家界国家森林公园
Yangjiajie.jpg
Տեսակ Բնության հատուկ պահպանվող տարածքներ
Երկիր Flag of the People's Republic of China.svg Չինաստանի Ժողովրդական Հանրապետություն
Վարչատարածք Wulingyuan
Հիմնվել է 1988
Մակերես 479,15 կմ²
Կոորդինատներ: 29°19′38.640000100003″ հս․ լ. 110°24′57.600000099989″ ավ. ե. / 29.32740000002777947° հս․. լ. 110.41600000002777904° ավ. ե. / 29.32740000002777947; 110.41600000002777904
Չժանցզյացզե ազգային պարկը գտնվում է Չինաստանում
Չժանցզյացզե ազգային պարկ
Չժանցզյացզե ազգային պարկը գտնվում է Աշխարհում
Չժանցզյացզե ազգային պարկ

Չժանցզյացզե (չին.՝ 张家界国家森林公园) - ազգային անտառային պարկ Չժանցզյացզե քաղաքում, Հունան նահանգ , Չինաստան[1]:

Նկարագրություն[խմբագրել | խմբագրել կոդը]

Չժանցզյացզեի ազգային պարկ

Չժանցզյացզե ազգային անտառային պարկը, որը հայտնի է իր միգամած ամպերի մեջ խոյացող իր արտասովոր ձևի քվարցե սյուներով, իր տեսակի մեջ առաջինն է Չինաստանում և զբոսաշրջության հանրահայտ վայրերից մեկը: 1982 թվականին հիմնադրված պարկի փարթամ մերձարևադարձային անտառները գրավում են մոտավորապես 480 կմ² (185 քառ. մղոն) տարածք, որտեղ բնակվում են բազմատեսակ կենդանիներ, ներառյալ անհետացող տեսակներ, ինչպիսիք են ոսկեգույն փասիանը, մշկայծյամը, հսկա սալամանդրը և ռեզուս մակակին: Պարկի ամենահետաքրքրաշարժ հատվածը դեղին քարերից կառուցված պատվարն է (Հուանշիսաի): Ծովի մակերևույթից գրեթե 1330 մետր բարձրության վրա գտնվող շինությունը առաջարկում է պարկի ամենալավ դիտակետերից մեկը, որտեղից երևում են դիպուկ անվանումներ ստացած գագաթները՝ Վեց հրաշքների տաղավար, Հինգ մատների գագաթներ, Ամպերի մեջ լողացող անձավ և Ամպերի ծովի ոսկե կրիա: Գագաթները ոգեշնչման աղբյուր են չինացի նկարիչների համար և չինական բնապատկերի ծանոթ խորհրդանիշներ են:

Ձմռանը պարկում խոնավ է, ամռանը՝ զով: Ենթադրվում է, որ այնտեղ օդը բուժիչ է հիմնականում հիպերտոնիա[2] հիվանդությամբ տառապողների համար:

Պարկում է գտնվում նաև Ոսկե մտրակի գետը՝ 7,5 կմ երկարություն ունեցող ջրային հոսանքը, որը համարվում է ամենագեղեցիկներից մեկը աշխարհում: Նրա թեք ժայռերով և սաղարթապատ անտառներով շրջապատված մաքուր ջրերում վխտում են գունավոր ձկներ, և գետը ասես հոսում է հեքիաթային բնապատկերի միջով: Այստեղ զբոսաշրջիկների համար կան բազմաթիվ փոքր հյուրանոցներ, մի քանի փոքր սրճարան-ռեստորաններ, ինչպես նաև անվճար ավտոբուս[3]: Պարկում գործում է նաև ճոպանուղի[4]:

Ապակե կամուրջ

Չժանցզյացզե ազգային պարկում է գտնվում աշխարհի ամենաերկար և բարձր Ապակե կամուրջը: Կամուրջի երկարությունը 430 մետր է, լայնությունը՝ 6 մետր: Այն գտնվում է 300 մետր բարձրության վրա և միացնում է երկու ժայռերը: Կամրջի ամրությունը ցուցադրելու համար, մինչ դրա բացումն ապակե կամրջի վրայով անցել է մոտ երկու տոննա զանգվածով բեռնատար:

Չժանցզյացզեի ազգային պարկը եղել է աշխարհում առաջին ազգային անտառային պարկը: 1992 թվականին պարկը, որպես Ուլինյուան տարածքի մաս, ճանաչվել է ՅՈՒՆԵՍԿՕ-ի կողմից, որպես համաշխարհային ժառանգություն[5]: 2001 թվականին Չինաստանի հողօգտագործման և ռեսուրսների Նախարարությունը պարկին տվեց կարգավիճակ. «Սրածայր ավազաքարերից կազմված ազգային անտառային գեոպարկ »: 2004 թվականին ՅՈՒՆԵՍԿՕ-ն Չժանցզյացզե ազգային պարկը ընդգրկեց գեոպարկերի համաշխարհային ցանցում[6]:

2015 թվականին էկրաններին հայտնվեց «Հրեշի որսը» ֆիլմը, որի նկարահանումները հիմնականում կատարվել էին Չժանցզյացզե պարկում:

Չժանցզյացզե ազգային անտառային պարկ

Ծանոթագրություններ[խմբագրել | խմբագրել կոդը]

  1. Zhangjiajietourism.us (англ.)
  2. Zhangjiajie National Forest Park (англ.) на сайте travelchinaguide.com
  3. Zhangjiajie National Forest Park (англ.) на сайте chinahighlights.com
  4. Mysterious Avatar Home — Zhangjiajie Tianmen Mountain, China Видео 0:13:17
  5. Zhangjiajie National Forest Park (англ.) (кит.) (яп.) (кор.) (рус.) (нем.) (фр.) на сайте cn-zhangjiajie.com
  6. Zhangjiajie National Forest Park (англ.) на сайте topchinatravel.com

Արտաքին հղումներ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  • Մարկ Տրուման «Աշխարհի հրաշալիքները» (Զանգակ 97)