Չարլզ Ռուտենբերգ

Չարլզ Ռուտենբերգ
Ծնվել է	հուլիսի 9, 1882(1882-07-09)
Ծննդավայր	Քլիվլենդ, Օհայո, ԱՄՆ
Մահացել է	մարտի 2, 1927(1927-03-02) (44 տարեկան)
Մահվան վայր	Չիկագո, Իլինոյս, ԱՄՆ
Գերեզման	Կրեմլի պատի պանթեոն
Քաղաքացիություն	ԱՄՆ
Կրոն	աթեիզմ
Մասնագիտություն	քաղաքական գործիչ և լրագրող
Կուսակցություն	ԱՄՆ-ի կոմունիստական կուսակցություն և Ամերիկայի սոցիալիստական կուսակցություն
Charles Emil Ruthenberg Վիքիպահեստում

Չարլզ Էմիլ Ռուտենբերգ (անգլ.՝ Charles Emil Ruthenberg), ամերիկացի մարքսիստ քաղաքական գործիչ։ 1909 թվականին մտել է Սոցիալիստական կուսակցության մեջ, եղել դրա ձախ թևի ղեկավարներից։ 1912 թվականին խմբագրել է «Քլիվլենդ սոշալիստ» («Cleveland Socialist») թերթը։ 1913—1919 թվականներին եղել է Սոցիալիստական կուսակցության Քլիվլենդի կազմակերպության քարտուղարը։ Առաջին համաշխարհային պատերազմի տարիներին (1914—1918 թթ.), Ռուտենբերգը հանդես է եկել պատերազմին ԱՄՆ-ի մասնակցության դեմ։ Ամերիկայի կոմունիստական կուսակցության (ԱԿԿ) կազմակերպիչն է։ Դրա հիմնադիր համագումարում (1919 թվականի սեպտեմբեր) ընտրվել է գլխավոր քարտուղար, 1920 թվականին՝ Կոմինտերնի գործկոմի անդամ։ 1921-1923 թվականներին եղել է Ամերիկայի միացյալ կոմունիստական կուսակցության, միաժամանակ՝ Ամերիկայի բանվորական կուսակցության (ԱԲԿ) ԿԿ-ների քարտուղար։ ԱԲԿ III համագումարում ընտրվել է Ամերիկայի միացյալ բանվորական (կոմունիստական) կուսակցության ԿԿ քարտուղար։ Բազմիցս ենթարկվել է դատական հետապնդումների և բանտային կալանքի։ Մահացել է բանտում։ Ռուսոյի կամքի համաձայն, նրա աճյունը տեղափոխվել է Սովետական Միություն։ Թաղված է Կարմիր հրապարակում՝ Կրեմլի պատի մոտ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։