Չարլզ Ուիլիամ Փոստ
Չարլզ Ուիլիամ Փոստ | |
---|---|
![]() | |
Ծնվել է | հոկտեմբերի 26, 1854[1][2] |
Ծննդավայր | Սփրինգֆիլդ, ԱՄՆ |
Մահացել է | մայիսի 9, 1914[1][2][3] (59 տարեկան) |
Մահվան վայր | Սանտա Բարբարա, Կալիֆոռնիա, ԱՄՆ[3] |
Գերեզման | Oak Hill Cemetery[4] |
Քաղաքացիություն | ![]() |
Մասնագիտություն | սննդաբան |
Ամուսին | Leila Diadema Young? և Ella Letitia Merriweather? |
Ծնողներ | հայր՝ Charles Rollin Post?[5], մայր՝ Caroline Lathrop Post? |
Երեխաներ | Marjorie Merriweather Post? |
Ստորագրություն![]() | |
![]() |
Չարլզ Ուիլիամ Փոստ (հոկտեմբերի 26, 1854[1][2], Սփրինգֆիլդ, ԱՄՆ - մայիսի 9, 1914[1][2][3], Սանտա Բարբարա, Կալիֆոռնիա, ԱՄՆ[3]), ամերիկյան նորարար, նախաճաշի շիլաների և սննդամթերքի արտադրող, պատրաստի սննդի արդյունաբերության պիոներ։ Վերջինս «Post Consumer Brands»-ի հիմնադիրն է։
Վաղ կյանք և կրթություն
[խմբագրել | խմբագրել կոդը]![](http://upload.wikimedia.org/wikipedia/commons/thumb/e/e5/PORTRAIT_OF_ELLA_LETITIA_MERRIWEATHER_POST_%28cropped%29.png/220px-PORTRAIT_OF_ELLA_LETITIA_MERRIWEATHER_POST_%28cropped%29.png)
Փոստը՝ առավել հայտնի որպես «C. W.», ծնվել է 1854 թվականի հոկտեմբերի 26-ին Իլինոյս նահանգի Սփրինգֆիլդ քաղաքում՝ Չարլզ Ռոլլին Փոստի և Քերոլայն Լեթրոպ Փոստի ընտանիքում։ Մեծացել է Աբրահամ Լինքոլնի հայրենիքում, որը Փոստի մանկության տարիներին Միացյալ Նահանգների նախագահն է եղել[6]։
Փոստն ավարտել է Սփրինգֆիլդի հանրակրթական դպրոցը, ինչից հետո ընդունվել է Իլինոյսի արդյունաբերական համալսարան, որտեղ սովորել է 2 տարի և լքել է համալսարանը առանց բակալավրի աստիճան ստանալու[7]։
Կանզաս նահանգի Ինդիփենդենս քաղաքում կարճ ժամանակ անցկացնելուց հետո, Փոստը վերադարձել է Սփրինգֆիլդ, որտեղ ավելի քան տասը տարի վաճառել և արտադրել է գյուղատնտեսական տեխնիկա։ Այս ժամանակահատվածում Փոստը ստեղծել և արտոնագրել է գյուղատնտեսական մի քանի գործիքներ և մեքենաներ՝ գութան, ցաքան և խոտ հավաքելու մեքենա[7]։
1874 թվականի նոյեմբերին Փոստն ամուսնացել է Էլլա Լեթիթիա Մերրիուեդերի հետ։ Նրանք ունեցել են մեկ դուստր՝ Մարջորի անունով։ Էլլան աջակցել է Փոստին նրա գործունեության ամբողջ ընթացքում և հոգ է տարել, երբ վերջինս վատառողջ է եղել։ Հենց Փոստը դարձել է ավելի հարուստ և սկսել է քիչ ժամանակ անցկացնել Էլլայի հետ, ով շատ հաճախ վատառողջ է եղել, նրանց հարաբերությունները սկսել են մարել։ 1904 թվականի նոյեմբերին, Էլլայի կամքին հակառակ՝ Փոստը բաժանվել է նրանից և ամուսնացել իր 27 տարեկան քարտուղարուհու՝ Լեյլա Յանգի հետ, որը նրա երկրորդ կինն էր[7]։ Մարջորին, որը կապված էր հոր հետ, մոր մահի պատճառ էր համարել նրա «կոտրված սիրտը», ինչի մեղավորը Փոստն էր, որը բաժանվել էր կնոջից և ամուսնացել իր քարտուղարուհու հետ[8]։ Իր քարտուղարուհու և դստեր հարաբերությունները լավացնելու նպատակով Փոստը դիմել է խարդախության՝ Մարջորիի ճանապարհորդությանը մասնակից դարձնելով Լեյլային։ Այդ ամենը հասկանալուց հետո Մարջորին խորապես սկսել է ատել Լեյլային։
Գործունեություն
[խմբագրել | խմբագրել կոդը]![](http://upload.wikimedia.org/wikipedia/commons/c/ce/Cw_post_marj.jpg)
1885 թվականի նոյեմբերին սթրեսի և գերաշխատանքի պատճառով Փոստը հոգեբանական խանգարում է ստացել, ինչը սկսել էր ուղեկցել նրան՝ որպես գյուղատնտեսական գործիքների և մեքենաների արտադրող։ Այդքանից հետո Փոստը որոշել է վերջ դնել իր սովորական ապրելակերպին և 1886 թվականին տեղափոխվել է Տեխաս՝ Ֆորտ-Ուերտ, որտեղ սկսել է համագործակցել մի խումբ անշարժ գույքի առքուվաճառքով զբաղվող մարդկանց հետ, ովքեր Ռիվերսայդ շրջանի արևելյան մասում փորձում էին նոր համայնք հիմնադրել։ 1888 թվականին Ֆորտ-Ուերտում Փոստը սկսել է ինքնուրույն զբաղվել անշարժ գույքի առքուվաճառքով իր սեփական 200 ակր (81 հա) տարածքում․ նա նախագծել է փողոցներ և տներ, ինչպես նաև կառուցել է 2 ջրաղաց[7]։
Հերթական սթրեսն իր հետևանքներն է ունեցել Փոստի վրա․ նա երկրորդ անգամ ստացել է հոգեբանական խանգարում 1891 թվականին[7]։Փոստը սկսել է ճանապարհորդել աշխարհով մեկ՝ բուժվելու նպատակով․նա մասնավորապես հետաքրքրված էր մարսողության քիմիայով[6]։ Եվրոպայում ճանապարհորդելուց հետո Փոստն այցելել է Միչիգան՝ «Բեթլ Քրիք» առողջարան, որի ղեկավարն էր Ջոն Հարվեյ Քելլոգը («Քելլոգ» կազմակերպության հիմնադիր Ուիլլ Քեյթ Քելլոգի եղբայրը)։ Փոստը մեղադրվել է Քելլոգի մի քանի բաղադրատոմս գողանալու մեջ․ դրանք են՝ Քելլոգի կարամելով սուրճի համով շիլա, եգիպտացորենի փաթիլներ և խաղողով շոկոլադապատ գնդիկներ[9][10]։
1895 թվականին Փոստը հիմնադրել է «Postum Cereal» կազմակերպությունը՝ ներկայացնելով իր առաջին արտադրանքը՝ «Postum» հացահատիկային խմիչքը։ 1897 թվականին թողարկվել է Փոստի՝ նախաճաշի համար նախատեսված առաջին շիլան, որը վերջինս անվանել էր «Grape-Nuts»՝ արտադրական գործընթացի ժամանակ նկատված մրգային բույրի և խրթխրթան ընկույզի պատճառով։ 1904 թվականին Փոստը «Grape-Nuts» լեյբլին կցել է եգիպտացորենի փաթիլների ապրանքանիշ, որը, մինչև 1908 թվականին «Post Toasties» անվանափոխվելը կոչվում էր «Elijah's Manna»[11]։ Բրիտանական կառավարությունը չի թույլատրել Փոստին վաճառել իր արտադրանքը՝ «Elijah's Manna» անվանումը սրբապիղծ համարելու պատճառով[12]։
1906 թվականին իր արտադրանքներից ստացած եկամուտի զգալի մասը Փոստը ներդրել է Տեխասի անշարժ գույքի մեջ՝ գնելով 225,000 ակր (91,000 հա) տարածք Գարզա և Լին շրջաններում:։ Փոստը նախագծել է նոր քաղաք, որն անվանել է «Post City»։Գարզա շրջանի նոր նստավայրի համար տնկվել են ստվերային ծառեր, նախագծվել են ֆերմերային հողատարածքներ և կառուցվել են հյուրանոցներ, դպրոցներ, եկեղեցիներ և հանրախանութներ[7]։ 1907 թվականին «Collier's Weekly» շաբաթաթերթը հրապարակել է մի հոդված, որը կասկածի տակ էր դնում գովազդներում արված այն պնդումը, որ «Grape-Nuts»-ը կարող է բուժել ապենդիցիտը: Փոստը պատասխանել է գովազդներով, որոնք կասկածի տակ են դրել հոդվածի հեղինակի մտավոր կարողությունները, իսկ «Collier's Weekly»-ն դատի է տվել նրան զրպարտության համար: Գործն ուսումնասրիվել է 1910 թվականին, և Փոստը տուգանվել է 50000 դոլարով։ Որոշումը չեղարկվել է բողոքարկման ժամանակ, սակայն «Postum»-ի արտադրանքի գովազդները դադարեցրել են նման հայտարարություններ անելը[13]։
Փոստը արհմիութենական շարժման խիստ հակառակորդ էր և Արդյունաբերողների ազգային ասոցիացիան հիշում էր նրան որպես մեկի, ով «խստորեն դեմ էր բոյկոտներին, գործադուլներին, լոկաուտներին, պիկետներին և գործատուի ու աշխատողի հարաբերություններում հարկադրանքի այլ ձևերին»: Փոստը նաև արհմիությունների առաջատար հանրային ջատագով է եղել[6]: Այնուամենայնիվ, որպես փոխհատուցում, Փոստը վճարել է ամենաբարձր աշխատավարձերը և տրամադրել է բոնուսներ և նպաստներ: Բեթլ Քրիք քաղաքի մոտակայքում նա կառուցել է տներ, որոնք վաճառվում էին աշխատակիցներին որոշակի պայմաններով[14]։
Մահ
[խմբագրել | խմբագրել կոդը]![](http://upload.wikimedia.org/wikipedia/commons/thumb/b/b6/Grave_of_Charles_William_Post_%281854%E2%80%931914%29_at_Oak_Hill_Cemetery%2C_Battle_Creek_1.jpg/220px-Grave_of_Charles_William_Post_%281854%E2%80%931914%29_at_Oak_Hill_Cemetery%2C_Battle_Creek_1.jpg)
![](http://upload.wikimedia.org/wikipedia/commons/thumb/3/33/Garza_courthouse.jpg/220px-Garza_courthouse.jpg)
1913 թվականի վերջին Փոստի առողջական վիճակի վատթարացման պատճառով նա չեղարկել է բոլոր հանրային ելույթները[15]:
1914 թվականի մարտի սկզբին կարծիք է տարածվել, որ Փոստը տառապում է ապենդիցիտով։ Կալիֆորնիայից ուղիղ գնացքով նրան տեղափոխել են Մինեսոտա նահանգի Ռոչեստեր քաղաքում գտնվող Մայո կլինիկա, որպեսզի վերջինս վիրահատվի Ուիլյամ և Չարլզ Մայոների կողմից, ովքեր այդ ժամանակ համարվում էին երկրի առաջատար վիրաբույժներ: 1914 թվականի մարտի 5-ից մինչև մարտի 10-ը Մայո եղբայրները հաջողությամբ վիրահատել են Փոստին, սակայն, ըստ «American Empress: The Life and Times of Marjorie Merriweather Post» գրքի՝ Փոստի որովայնի ցավը շարունակվել է[16][17]:
Վիրահատությունից հետո Փոստը՝ որովայնի շարունակական ցավով, վերադարձել է իր տուն՝ Կալիֆորնիա նահանգի Սանտա Բարբարա քաղաք։ 1914 թվականի մայիսի 9-ին Փոստն ինքնասպանություն է գործել՝ ինքն իրեն կրակելով։ Վերջինս 59 տարեկան էր[16]։ Փոստը թաղվել է Բիթլ Քրիքում՝ «Oak Hill» գերեզմանատանը։
Ժառանգություն
[խմբագրել | խմբագրել կոդը]Փոստի 27 տարեկան դուստր Մարջորի Մերիուեդեր Փոստը ժառանգել է իր հոր կազմակերպությունը, ինչպես նաև նրա ունեցվածքի մեծ մասը, որը 20-րդ դարի ամենամեծ ունեցվածքներից էր[16][18]։
Հետագայում Մարջորի Մերիուեդեր Փոստն ամուսնացել է ֆինանսիստ Էդվարդ Ֆրենսիս Հաթթոնի հետ և ստացել է 177 ակր (72 հա) տարածքով կալվածք Լոնգ Այլենդի Հյուսիսային ափին՝ «Հիլվուդ» անվանումով: 1951 թվականին Մարջորին 200,000 դոլարով վաճառել է իր կալվածքը «Լոնգ Այլենդ» համալսարանին, որը 1954 թվականին հիմնադրել է իր բնակելի «C.W. Post» քոլեջը՝ Փոստի 100-ամյակի կապակցությամբ։ «C.W. Post» քոլեջը, որը որոշ ժամանակ կոչվել է «C.W. Post» կենտրոն, ապա «C.W. Post» կամպուս, այժմ կոչվում է «LIU/Post» և ունի մոտ 8,500 հեռակա և առկա կարգով սովորող ուսանող և 100,000-ից ավել շրջանավարտ[19]։
Երկրորդ համաշխարհային պատերազմի ժամանակ օգտագործված «Լիբերթի» նավն անվանվել է Փոստի պատվին։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 GeneaStar
- ↑ 3,0 3,1 3,2 3,3 3,4 3,5 The New York Times / J. Kahn — Manhattan: New York Times Company, A. G. Sulzberger, 1851. — ISSN 0362-4331; 1553-8095; 1542-667X
- ↑ Find A Grave — 1996.
- ↑ 5,0 5,1 Pas L. v. Genealogics — 2003.
- ↑ 6,0 6,1 6,2 "Obituary: C.W. Post," American Industries, vol. 14, no. 11 (June 1914), pg. 43.
- ↑ 7,0 7,1 7,2 7,3 7,4 7,5 William M. Pearce, "Charles William Post," The Handbook of Texas Online, Texas State Historical Society, www.tshaonline.org/
- ↑ «Marjorie Merriweather Post: a biography by Kenneth Lisenbee». www.paulbowles.org. Արխիվացված է օրիգինալից January 25, 2012-ին. Վերցված է October 14, 2018-ին.
- ↑ Smith, Andrew F., ed. (2013). The Oxford encyclopedia of food and drink in America (2nd ed.). New York, NY: Oxford University Press. էջ 536. ISBN 9780199734962. OCLC 781555950.
- ↑ Markel, Howard (2017). The Kelloggs: the battling brothers of Battle Creek (1st ed.). New York: Pantheon Books. էջ 139. ISBN 9780307907271. OCLC 964294340.
- ↑ Nilsen, Alleen Pace (1994). «Why Big Businesses Break Spelling Rules». The English Journal. 83 (5): 51. doi:10.2307/820410. JSTOR 820410.
- ↑ Nilsen, Alleen Pace (1994). «Why Big Businesses Break Spelling Rules». The English Journal. 83 (5): 48–53. doi:10.2307/820410. JSTOR 820410.
- ↑ Pendergrast, Mark (2010). Uncommon Grounds: The History of Coffee and How It Transformed Our World. New York, NY: Basic Books. էջեր 101–102. ISBN 978-0-465-01836-9.
- ↑ «Post, William Charles». www.encyclopedia.com. Վերցված է 11 March 2022-ին.
- ↑ Stuart, Nancy Rubin. (January 4, 2004). American empress : the life and times of Marjorie Merriweather Post. Lincoln, Neb. էջեր 89–90. ISBN 9780595752027. OCLC 988334937.
{{cite book}}
: CS1 սպաս․ location missing publisher (link) - ↑ 16,0 16,1 16,2 «C. W. Post a Suicide in California Home; Battle Creek Cereal Manufacturer, Despondent Over his continued Illness». The New York Times (ամերիկյան անգլերեն). Santa Barbara, California (published May 10, 1914). 1914-05-09. էջ 12. ISSN 0362-4331. Վերցված է 2023-04-09-ին.
- ↑ «Charles W. Post». www.migenweb.org. Վերցված է January 17, 2021-ին.
- ↑ Shurtleff, William; Aoyagi, Akiko (January 6, 2014). History of Seventh-day Adventist Work with Soyfoods, Vegetarianism, Meat Alternatives, Wheat Gluten, Dietary Fiber and Peanut Butter (1863-2013): Extensively Annotated Bibliography and Sourcebook. p. 1080. Soyinfo Center,, Archived at Google Books. Retrieved September 1, 2019.
- ↑ «LIU Post U.S. News & World Report». Վերցված է September 1, 2019-ին.
Հետագա ընթերցանություն
[խմբագրել | խմբագրել կոդը]- Charles Dudley Eaves and Cecil Allen Hutchinson, Post City, Texas: C.W. Post's Colonizing Activities in West Texas. Austin: Texas State Historical Association, 1952.
- Nettie Letich Major, C.W. Post: The Hour and the Man: A Biography with Genealogical Supplement. Washington: Judd and Detweiler, 1963.
- Jan Reid, "C.W. Post," Texas Monthly, March 1987.
- Butler, Mary; Thornton, Frances; Ashley, Martin (1995), Walking the road to Wellville: C.W. Post and the Postum Cereal Company, Battle Creek, Mich.: Heritage Publications, OCLC 34222587
- Rubin Stuart, Nancy (1995). American Empress: The Life and Times of Marjorie Merriweather Post. New York: Villard. ISBN 0-679-41347-2.
Արտաքին հղումներ
[խմբագրել | խմբագրել կոդը]- History of C.W. Post (company site) Արխիվացված Հունվար 5, 2012 Wayback Machine
- Another biography of C.W. (Charles William) Post
- Records of Post land colonization company in the Southwest Collection/Special Collections Library at Texas Tech University See also other Double U Ranch records.
- Blueprints of structures at Post, Texas, 1908–1915, in the Southwest Collection/Special Collections Library at Texas Tech University
- Finding Aid for the Post Family Papers, 1882-1973, Bentley Historical Library, University of Michigan
- «POST: The Town». CCA: Post History. Արխիվացված է օրիգինալից February 25, 2011-ին.>
- Biography of daughter Marjorie Merriweather Post Kenneth Lisenbee containing biographical information about C.W. Post. Արխիվացված Հունվար 25, 2012 Wayback Machine