Ումարու Սիսոկու Էմբալո
| Ումարու Սիսոկու Էմբալո | |
.jpg)
| |
| Կուսակցություն՝ | Աֆրիկյան կուսակցություն Գվինեայի և Կաբո Վերդեի անկախության համար (2018) |
|---|---|
| Կրթություն՝ | Technical University of Lisbon? և Մադրիդի Կոմպլուտենսե համալսարան |
| Մասնագիտություն՝ | քաղաքական գործիչ, սպա և քաղաքագետ |
| Դավանանք | իսլամ |
| Ծննդյան օր | սեպտեմբերի 23, 1972 (50 տարեկան) |
| Ծննդավայր | Բիսաու, Portuguese Guinea |
| Քաղաքացիություն |  Գվինեա Բիսաու
|
Ումարու Սիսոկու Էմբալո[1] (պորտ.՝ Umaro Sissoco Embaló, սեպտեմբերի 23, 1972, Բիսաու, Portuguese Guinea), Գվինեա Բիսաուի պետական և քաղաքական գործիչ։ Քաղաքագետ և ռազմական սպա, որը վարչապետի պաշտոնը զբաղեցրել է 2016 թվականի նոյեմբերի 18-ից մինչև 2018 թվականի հունվարի 16-ը[2]։
Կենսագրություն[խմբագրել | խմբագրել կոդը]
Ծնվել է 1972 թվականի սեպտեմբերի 23-ին պորտուգալական Գվինեա Բիսաու քաղաքում։ Լիսաբոնի տեխնիկական համալսարանի սոցիալական և քաղաքական գիտությունների բարձրագույն ինստիտուտում ստացել է Միջազգային հարաբերությունների աստիճան և քաղաքական գիտությունների մագիստրոսի աստիճան, ինչպես նաև Մադրիդի Կոմպլուտենսե համալսարանում` Միջազգային հարաբերությունների դոկտորի աստիճան։ Ազատ տիրապետում է պորտուգալերենին և իսպաներենին, ինչպես նաև՝ անգլերենին, ֆրանսերենին, արաբերենին և սվահիլի լեզվին[3]։
Զինվորական ծառայություն է անցել Գվինեա Բիսաուի բանակում, ուսանել է Իսպանիայի ազգային պաշտպանության կենտրոնում։ Այնուհետև Ազգային անվտանգության ոլորտում հետազոտություններ է անցկացրել Բրյուսելում, Թել Ավիվում, Յոհանեսբուրգում, Ճապոնիայում և Փարիզում։ Նրան շնորհվել է Գվինեա Բիսաուի զինված ուժերի բրիգադի գեներալի կոչում[3]։ Ներկայումս մասնագիտանում է աֆրիկյան և մերձավորարևելյան հարցերում, ինչպես նաև պաշտպանության, միջազգային համագործակցության և զարգացման ոլորտներում։ Եղել է Աֆրիկայի հարցերով նախկին նախարար։ Կառավարության կաբինետը ձևավորվել է 2016 թվականի դեկտեմբերի 13-ին՝ 2016 թվականի նոյեմբերի 18-ին նախագահ Ժոզե Մարիու Վաշի՝ վարչապետի պաշտոնում նշանակվելուց հետո[4]։
Վարչապետ դառնալուց հետո նա ընդհարվել է իր սեփական կուսակցության՝ Գվինեայի և Կաբո Վերդեի Աֆրիկյան անկախության կուսակցության բոյկոտի հետ, որը կենտրոնական կոմիտեի ուժերով անվստահություն է հայտնել նրան. 2016 թվականի նոյեմբերի 26-ին նրա դեմ քվեարկել է 112 մարդ և «կողմ»՝ 11[5]։
Որպես կառավարության ղեկավար կարող էր ակնկալել միայն սոցիալական նորացման կուսակցության աջակցությունը, որը մեծությամբ երկրորդն է Գվինեա Բիսաուի Ազգային ժողովրդական ժողովում։ 2018 թվականի հունվարի 13-ին նրա մոտ կոնֆլիկտ է սկսվել երկրի նախագահ Ժոզե Մարիու Վաշայի հետ[6], ինչը հանգեցրել է Ումար Սիսոկո Էմբալոյի պաշտոնաթողությանը 2018 թվականի հունվարի 16-ին[7]։
2019 թվականի նոյեմբերի 24-ին դուրս է եկել Գվինեա Բիսաուի նախագահական ընտրությունների երկրորդ փուլ՝ առաջին փուլում ստանալով ընտրողների ձայների 27,65 տոկոսը և զբաղեցնելով երկրորդ տեղը[8]։ 2019 թվականի դեկտեմբերի 29-ին երկրորդ փուլում վստահ հաղթանակ է տարել երկրի նախկին վարչապետ Սիմոյնշ Դոմինգուշ Պերեյրային՝ ընտրողների ձայների 53,55 % արդյունքով[9]։ Այս մասին հայտնի է դարձել արդեն 2020 թվականի հունվարի 2-ին։
Ծանոթագրություններ[խմբագրել | խմբագրել կոդը]
- ↑ [1]
- ↑ (www.dw.com) Deutsche Welle։ «Guinea-Bissau names new prime minister, fifth in nine months - Africa - DW - 19.11.2016»։ DW.COM
- ↑ 3,0 3,1 «Umaro Mokhtar Sissoco Embalo»։ Արխիվացված է օրիգինալից մարտի 13, 2015-ին։ Վերցված է հունվարի 30, 2017
- ↑ Foundation Thomson Reuters։ «Guinea Bissau prime minister names cabinet amid political crisis»
- ↑ Reuters (նոյեմբերի 28, 2016)։ «Guinea Bissau's dominant party to boycott new government»։ Business Insider (անգլերեն)։ Արխիվացված է օրիգինալից 2020-06-12-ին։ Վերցված է 2020-01-04
- ↑ Agência Lusa (հունվարի 13, 2018)։ «Guiné-Bissau: Presidente analisa pedido de demissão do primeiro-ministro»։ Deutsche Welle
- ↑ Agência Lusa (հունվարի 16, 2018)։ «Umaro Sissoco Embaló deixa Governo da Guiné-Bissau»։ Deutsche Welle
- ↑ [2]
- ↑ [3]