Ուելսլի քոլեջ

Վիքիպեդիայից՝ ազատ հանրագիտարանից
Jump to navigation Jump to search
Ուելսլի քոլեջ
Green Hall, Wellesley College, Wellesley MA.jpg
Տեսակ համալսարան և մասնավոր ոչ առևտրային կրթական հաստատություն[1]
Հիմնադրված է 1870
Հիմնադրիր Henry Durant
Անդամակցություն Գիտական հրատարակչական և ակադեմիական ռեսուրսների կոալիցիա[2]
Երկիր Flag of the United States (1867–1877).svg ԱՄՆ
Տեղագրություն Wellesley
Հասցե 106 Central St, Wellesley, MA, 02481-8203[1]
Կայք wellesley.edu
Կոորդինատներ: 42°17′43.008000099994″ հս․ լ. 71°18′24.012000099989″ ամ. ե. / 42.29528000002777333° հս․. լ. 71.30667000002777911° ավ. ե. / 42.29528000002777333; 71.30667000002777911
Wellesley College Վիքիպահեստում

Ուելսլի քոլեջ, սա ազատ արվեստների կանացի, մասնավոր քոլեջ է, որը բացվել է 1875 թվականին: Ներկայումս նրա նպատակը «ազատ արվեստների բնագավառում կանանց գերազանց կրթությունը, ովքեր աշխարհի վրա ազդեցություն կունենան»: Քոլեջի նշանաբանը՝ «Non Ministrari sed Ministrare» (Չընդունել ծառայություն, այլ ծառայել), արտացոլում է առաքելոթյունը:

Տեղակայված է Մասաչուսեթս նահանգի Ուելսլի քաղաքում (Բոստոնից 12 մղոն դեպի արևմուտք): Քոլեջում կրթությունը տևում է 4 տարի և ավարտվում է բակալավրի դիպլոմի հանձնմամբ: Այս հաստատությունը նաև մտնում է «Յոթ քույրերի քոլեջներ»-ի խմբի մեջ: Միաժամանակ այնտեղ կրթություն է ստանում շուրջ 2300 ուսանողուհի:

Քոլեջում խմբերը կազմվում են 12-14 ուսանողուհիներից, իսկ ուսանողուհիների թվային հարաբերությունը դասավանդողների թվին մոտավորապես 9:1 է: Քոլեջի գրադարանը պարունակում է ավելի քան 1,5 միլիոն գիրք, ամսագիր, բժշկական գրառումներ, քարտեզներ պահպանության այլ օբյեկտների փաստաթղթեր[3]:

Քոլեջում գործում է հատուկ ծրագիր, որի շնորհիվ կրթություն են ստանում այն կանայք, ովքեր այս կամ այն պատճառներով չեն կարողացել բակալավրի [4] դիպլոմ ստանալ:

Այս քոլեջը Մասաչուսեթսի տեխնոլոգիական ինստիտուտի հետ միասին հետազոտվեց Բենսոն Սնայդերի կողմից՝ իր՝ «Թաքնված ուսանողական կյանք» (1970) աշխատության մեջ, որում հեղինակը գալիս է այն եզրակացության, որ բազմաթիվ կուտակված խնդիրներ և չիրականացված պահանջներ խանգարում են ուսանողների արվեստագիտական մտածողությանը և անկախ զարգացմանը:

Երկար ժամանակ Ուելսլի քոլեջից ավելի շատ կին էր դուրս գալիս, ով հասել էր մասնագիտական զգալի հաջողությունների, քան որևէ այլ ուսումնական հաստատությունից[5]:

Ավանդույթներ[խմբագրել | խմբագրել կոդը]

Ուելսլի քոլեջ

Ինչպես և բազմաթիվ այլ քոլեջներ,և հատկապես՝ «Յոթ քույրեր»-ի խմբից, Ուելսլի քոլեջը նույնպես ունի ավանդույթների բազմազանություն: Յուրաքանչյուր աշնանային քննաշրջանի անցկացվում է «Ծաղկային կիրակի» միջոցառումը: Բարձր կուրսերի ուսանողուհիները հանդիպում են առաջին կուրսի ուսանողուհիների հետ, ովքեր դառնում են իրենց «կրտսեր քույրերը»: Առավոտյան բարձր կուրսերում սովորողներն իրենց փոքրիկ քույրերին ծաղիկներ են նվիրում: Վերջին տարիների ընթացքում միջոցառումը իր անցկացման բնույթով բավականաչափ փոխվել է և այսօր կազմված է քոլեջի տնօրենի և դեկանների ճառերից, բանաստեղծություններ ասմունքելուց և երգչախմբի կատարումից:

Յուրաքանչյուր տարվա շրջանավարտ ծառ է տնկում քոլեջի ճամբարային հատվածում: Յուրաքանչյուր ծառ ունի իր քարը, որի վրա գրված է տնկման տարեթիվը, քարը ծառի արմատներին մոտ է դրվում:

Զանգվածային մշակույթում[խմբագրել | խմբագրել կոդը]

Գրականության մեջ[խմբագրել | խմբագրել կոդը]

Ջերոմ Սելինջերի «Մարդը, ով ժպտում էր» պատմության կերպարներից մեկը՝ Մերի Հադսոնը, սովորել էր Ուելսլի քոլեջում:

Կինոյում[խմբագրել | խմբագրել կոդը]

«Մոնա Լիզայի ժպիտը» ֆիլմի գործողությունը զարգանում է հենց այդ նույն քոլեջում:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]