Շվաբ սոցիալական ձեռնարկատիրության հիմնադրամ
Շվաբ սոցիալական ձեռնարկատիրության հիմնադրամ | |
---|---|
Տեսակ | ոչ առևտրային կազմակերպություն |
Երկիր | ![]() |
Հիմնադրված | 1998 |
Գլխադասային գրասենյակ | Ժնև, Շվեյցարիա |
Հիմնադիր | Կլաուս Շվաբ և Հիլդա Շվաբ |
Կայք | schwabfound.org |
Շվաբ սոցիալական ձեռներեցության հիմնադրամ (անգլ.՝ Schwab Foundation for Social Entrepreneurship), շվեյցարական միջազգային ոչ առևտրային հիմնադրամ, որը ստեղծվել է սոցիալական ձեռնարկատիրության ոլորտում ակտիվ անհատներին և կազմակերպություններին աջակցելու և ֆինանսավորելու համար[1][2]։ Հիմնադրամը գտնվում է Շվեյցարիայի դաշնային վարչակազմի իրավական վերահսկողության ներքո։ Կենտրոնակայանը գտնվում է Ժնևում։ «Տարվա սոցիալական ձեռնարկատեր» համաշխարհային մրցույթի միջոցով ամեն տարի այն ընտրում է 20-25 սոցիալական ձեռներեցների։
Պատմություն
[խմբագրել | խմբագրել կոդը]Շվաբ սոցիալական ձեռներեցության հիմնադրամը ստեղծվել է 1998 թվականին շվեյցարացի տնտեսագետ, Դավոսի Համաշխարհային տնտեսական ֆորումի հիմնադիր և մշտական նախագահ Կլաուս Շվաբի և նրա կնոջ՝ Հիլդա Շվաբի կողմից՝ աջակցելու «սոցիալական ձեռներեցության նշանավոր համաշխարհային կառույցներին»[2][3]։ Գործունեության նպատակն է «սոցիալական ձեռներեցության զարգացումը և սոցիալական ձեռներեցների խթանումը որպես սոցիալական նորարարության և առաջընթացի կարևոր կատալիզատոր»[3]։
Շվաբի սոցիալական ձեռներեցության հիմնադրամի գլխամասային գրասենյակը գտնվում է Ժնևում (Շվեյցարիա)։ 2015 թվականի ապրիլի դրությամբ Հիմնադրամի վարչության կազմում ընդգրկված են՝ Հիլդա Շվաբը, Կլաուս Շվաբը, Ռիկ Աուբրին (անգլ.՝ Rick Aubry), Պաուլո Կոելիոն, Դեյվիդ Գերգենը (անգլ.՝ David Gergen, Միացյալ Նահանգների նախագահների խորհրդական), Բելգիայի արքայադուստր Մաթիլդա, Զենել Մբեկին (անգլ.՝ Zanele Mbeki, ՀԱՀ նախկին առաջին տիկին), Մուհամադ Յունուսը[4]։
Շվաբ հիմնադրամը ղեկավարում է ԱՀԿ նախկին բարձրաստիճան պաշտոնյա Պամելա Հարթիգանը։ 2000-2010 թվականներին Շվաբ հիմնադրամը եղել է սոցիալական ձեռնարկատիրությանը աջակցող խոշորագույն կազմակերպություններից մեկը[1][2]։ Մինչև 2007 թվականը Շվաբ հիմնադրամն ապահովել է ֆինանսական և այլ ռեսուրսների հասանելիություն, ինչպես նաև ապահովել է գաղափարների մատչելիություն 72 սոցիալական ձեռնարկատերերի համար ամբողջ աշխարհից։
Ամեն տարի «Տարվա սոցիալական ձեռնարկատեր» համաշխարհային մրցույթի շրջանակներում Հիմնադրամն ընտրում է 20-25 սոցիալական ձեռներեցների[3]։ Շվաբ հիմնադրամը Ժնևում անցկացնում է սոցիալական ձեռներեցների տարեկան հանդիպումներ, տարածաշրջանային տնտեսական համաժողովներ և հովանավորում է իր անդամների մասնակցությունը Դավոսի Միջազգային տնտեսական ֆորումին[1][2][3]։
![](http://upload.wikimedia.org/wikipedia/commons/thumb/8/8c/Jeroo_Billimoria_at_World_Economic_Forum.jpg/250px-Jeroo_Billimoria_at_World_Economic_Forum.jpg)
Սոցիալական ձեռներեցների հանդիպումները խոշորագույն միջազգային կորպորացիաների սեփականատերերի և ղեկավարների, ինչպես նաև Շվաբ հիմնադրամի կողմից կազմակերպված բարձրաստիճան պաշտոնյաների հետ հանգեցնում են համատեղ նախագծերի ստեղծմանը[2]։ Օրինակ, 2003 թվականի Համաշխարհային տնտեսական ֆորումի ժամանակ Ջերու Բիլլիմորիան հանդիպեց Հեռահաղորդակցության միջազգային միության գլխավոր քարտուղարի տեղակալ Ռոբերտո Բլյուիին[2]։ Այդ հանդիպումը առանցքային դարձավ Երեխաների վստահության հեռախոսների միջազգային ասոցիացիայի ստեղծման համար[2]։ Շվաբ հիմնադրամի կողմից ճանաչվել է նաև «Սեկեմ» (Իբրահիմ Աբուլիշ) կազմակերպությունը[5]։
Տնօրենների խորհուրդ
[խմբագրել | խմբագրել կոդը]2015 թվականի հունվարի դրությամբ կազմակերպության Տնօրենների խորհուրդը կազմված է հետևյալ անդամներից[6]՝
- Հիլդա Շվաբ (նախագահ, համահիմնադիր)
- Կլաուս Շվաբ (համահիմնադիր)
- Ռիկ Օբրի (Սոցիալական ձեռնարկատեր և մանկավարժ, Թուլանի համալսարան, ԱՄՆ)
- Պաուլո Կոելիո (հեղինակ)
- Դեյվիդ Գերգեն (Հասարակական առաջնորդության կենտրոնի տնօրեն, Ջոն Ֆ. Քենեդու անվան կառավարման դպրոց, Հարվարդի համալսարա, ԱՄՆ)
- Բելգիայի արքայադուստր Մաթիլդա (Խորհրդի պատվավոր անդամ)
- Զանելե Մբեկի (Հարավաֆրիկյան Հանրապետության նախկին առաջին տիկին)
- Մուհամադ Յունուս (Բանգլադեշի Grameen Bank-ի գործադիր տնօրեն)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Джоанна Мэйр и Кейт Гэнли Социальное предпринимательство: инновации для устойчивого развития(ռուս.). — 2010. — С. 109-120. Архивировано из первоисточника 12 Սեպտեմբերի 2015. Печатается по: Johanna Mair and Kate Ganly Social Entrepreneurs: Innovating Toward Sustainability(անգլ.) // Worldwatch Institute State of the World 2010: Transforming Cultures. From Consumerism to Sustainabilit. — New Yor: W.W. Norton & Company, 2010. — С. 103-109.
- ↑ 2,0 2,1 2,2 2,3 2,4 2,5 2,6 Дэвид Борнстейн Как изменить мир: Социальное предпринимательство и сила новых идей. — Москва: Альпина Паблишер, 2012. — 499 с. — ISBN 978-5-9614-1741-8 «Արխիվացված պատճենը». Արխիվացված է օրիգինալից 2016 թ․ մարտի 5-ին. Վերցված է 2023 թ․ փետրվարի 1-ին.
- ↑ 3,0 3,1 3,2 3,3 «Schwab Foundation for Social Entrepreneurship (about)» (անգլերեն). Schwab Foundation for Social Entrepreneurship. Արխիվացված օրիգինալից 2015 թ․ ապրիլի 23-ին. Վերցված է 2015 թ․ ապրիլի 21-ին.
- ↑ «Schwab Foundation for Social Entrepreneurship (foundation board)» (անգլերեն). Schwab Foundation for Social Entrepreneurship. Արխիվացված օրիգինալից 2014 թ․ սեպտեմբերի 24-ին. Վերցված է 2015 թ․ ապրիլի 21-ին.
- ↑ Инга Пагава (2008 թ․ փետրվարի 12). «Фонд Шваба: лучшие практики» (ռուսերեն). Новый Бизнес. Արխիվացված օրիգինալից 2016 թ․ մարտի 4-ին. Վերցված է 2015 թ․ ապրիլի 22-ին.
- ↑ «The Schwab Foundation Board». Արխիվացված է օրիգինալից 2014 թ․ սեպտեմբերի 24-ին. Վերցված է 2023 թ․ փետրվարի 1-ին.