Շառլ Ալեքսանդր դը Կալոն

Վիքիպեդիայից՝ ազատ հանրագիտարանից
Jump to navigation Jump to search
Շառլ Ալեքսանդր դը Կալոն
Charles-Alexandre de Calonne - Vigée-Lebrun 1784.jpg
 
Քաղաքացիություն՝ Flag of France.svg Ֆրանսիա
Մասնագիտություն՝ քաղաքական գործիչ, տնտեսագետ և փաստաբան
Ծննդյան օր հունվարի 20, 1734(1734-01-20)[1][2][3][4]
Ծննդավայր Դուե[5]
Վախճանի օր հոկտեմբերի 29, 1802(1802-10-29)[1][2] (68 տարեկանում)
Վախճանի վայր Փարիզ, Ֆրանսիա[5]
 
Պարգևներ

Officer of the Order of the Holy Spirit, Սուրբ Միխայիլի շքանշանի ասպետ և Concours général

Շառլ Ալեքսանդր դը Կալոն (ֆր.՝ Charles Alexandre de Calonne հունվարի 20, 1734(1734-01-20)[1][2][3][4], Դուե[5] - հոկտեմբերի 29, 1802(1802-10-29)[1][2], Փարիզ, Ֆրանսիա[5]), ֆրանսիացի պետական գործիչ։

Կենսագրություն[խմբագրել | խմբագրել կոդը]

Փարիզում կրթություն ստանալով՝ Կալոնը աշխատել է որպես փաստաբան, Դուեում` խորհրդարանին առընթեր գլխավոր դատախազ, Լիլում և Մեցում՝ մատակարարումների կազմակերպիչ:

Լյուդովիկոս XVI-ի արքունիքում գտնվող նրա ընկերները արքային պատմեցին նրա մասին՝ ներկայացնելով որպես մի մարդու, որն ի վիճակի է դուրս բերել պետությունը ճգնաժամային իրադրությունից (բյուջեի տարեկան պակասուրդը հասել էր 50 միլիոնի): Սակայն Լյուդովիկոսն ինչ-ինչ նախապաշարումներ ուներ Կալոնի առումով և ձգձգեց նրա նշանակումը այնքան ժամանակ, մինչև որ 1783 թվականի նոյեմբերի 3-ին դ՛Օրնեսոնի նախարարությունն աղետալի կերպով տապալվեց: Ֆինանսների նորանշանակ գլխավոր վերահսկիչն իր պաշտոնի բարձրացման համար պարտական էր ֆինանսական այն շրջանակների ծանրակշիռ աջակցությանը, որոնց հետ իրեն կապում էին սիրուհին և հանգուցյալ կինը: Արքունիքում նրան սատարում էր Պոլինյակների ազդեցիկ կլանը, որը սերտ կապերի մեջ էր թագուհու հետ, ինչպես նաև կոմս դ՛Արտուան: Նախարարներից Կալոնին երաշխավորեց կոմս դը Վերժենը, որին թագավորն առանձնապես էր վստահում նախարար Մորեպի մահից հետո: Գլխավոր վերահսկիչի պաշտոնում Կալոնը որոշեց դիմել դրամական փոխառությունների, քանի որ թագավորը չէր ցանկանում նոր հարկեր ավելացնել, ժողովուրդն էլ ի վիճակի չէր վճարելու:

1783 թվականին հայտարարված 100 միլիոնանոց փոխառությունը լիակատար հաջողությամբ պսակվեց, և Կալոնը արքային խոստացավ վերականգնել բյուջեի հավասարակշռությունը, իսկ խորհրդարանին հավաստիացրեց, որ հարկերը կկրճատվեն: 1784 թվականի հունվարի 18-ին Կալոնը նշանակվեց Ֆրանսիայի պետական նախարար: Առաջին փոխառությանը 1784 թվականին հաջորդեց երկրորդը՝ 125 միլիոն գումարով: Խորհրդարանը լուրջ դիմադրություն ցույց տալուց հետո միայն հաստատեց այդ փոխառության մասին որոշումը: Պատճառը հասարակության մեջ ուժեղացած տագնապի զգացումն էր, որն առաջացել էր անարտադրողական նշանակալի ծախսերի՝ թագուհու համար՝ Սեն-Կլուն և արքայի համար՝ Ռամբույեն գնելու, թոշակների աճի և հարանման այլ ծախսերի պատճառով:

1795 թվականի բերքի սակավությունը հանգեցրեց հարկահավաքության ծավալների կրճատման, ուստիև անհրաժեշտություն առաջացավ դիմելու նոր՝ 80 միլիոնանոց փոխառության:Կանխատեսելով ճգնաժամի խորացում՝ Կալոնը արքային հայտնեց, որ տարեկան բյուջեի 114 միլիոնանոց պակասուրդը անխուսափելի է, և հայտարարեց, որ այն փակալու համար անհրաժեշտ է բարեփոխել այն ամենը, ինչն անբարվոք է պետական կարգի մեջ: 1786 թվականի օգոստոսի 20-ին թագավորին ներկայացրած պլանի մեջ նա ներառել էր ժամանակին Թյուրգոյի և Նեկկերի կողմից ծրագրված բարեփոխումների մեծ մասը: Հասարակական կարծիքի համակրանքը շահելու նպատակով Կալոնը, չնայած թագուհու հակազդեցությանը, կարողացավ արքային համոզել, որ անհրաժեշտ է հրավիրել անվանիների (նոտաբլների) ժողով: Թեև վերջիններս կարող էին արտահայտել միայն արտոնյալ դասերի տեսակետները, այնուամենայնիվ, Կալոնը սրանց շրջանում ևս իր ակնկալած բարեհաճ վերաբերմունքը չգտավ: Նրան չօգնեց նաև իր ճարպկությունը, և 1787 թվականի ապրիլի 20-ին հարկադրված էր հեռանալ՝ ընկրկելով ընդդիմության առջև, որում միավորվել էին երկիրն ու արքունիքը:

Ֆրանսիական մեծ հեղափոխության ժամանակաշրջանում Կալոնն ապրում էր Անգլիայում և իր և հեռուներից ֆինանսապես ու գրչով օժանդակում էր հանրապետական Ֆրանսիայի թշնամիներին: Կոնսուլության տարիներին նա թույլտվություն ստացավ վերադառնալու հայրենիք, որտեղ էլ կարճ ժամանակ անց մահացավ:

Տես նաև[խմբագրել | խմբագրել կոդը]

  • Ламуаньон, Кретьен Франсуа де

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 data.bnf.fr: տվյալների բաց շտեմարան — 2011.
  2. 2,0 2,1 2,2 2,3 2,4 Encyclopædia Britannica
  3. 3,0 3,1 SNAC — 2010.
  4. 4,0 4,1 RKDartists
  5. 5,0 5,1 5,2 5,3 5,4 5,5 Калонн Шарль Александр // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Աղբյուրներ[խմբագրել | խմբագրել կոդը]