Շառլոտենբուրգյան պալատ

Վիքիպեդիայից՝ ազատ հանրագիտարանից
Coa Illustration Elements Building Castle.svg
Շառլոտենբուրգյան պալատ
Schloss Charlottenburg.jpg
Տեսակ շատո
Վարչական միավոր Շարլոտենբուրգ
Երկիր Գերմանիա
Համալիրի մաս Prussian Palaces and Gardens Foundation Berlin-Brandenburg
Կազմված է մասերից Neuer Pavillon
Կառուցված 1699
Ճարտարապետ Johann Arnold Nering
Անվանված է Sophia Charlotte of Hanover
Ճարտարապետական ոճ բարոկկո ճարտարապետություն
Ընթացիկ
սեփականատեր
Prussian Palaces and Gardens Foundation Berlin-Brandenburg
Կայք spsg.de/index.php?id=134
Կոորդինատներ: 52°31′15.999600099992″ հս․ լ. 13°17′44.9988001″ ավ. ե. / 52.52111100002777277° հս․. լ. 13.295833000028° ավ. ե. / 52.52111100002777277; 13.295833000028
Շառլոտենբուրգյան պալատը գտնվում է Գերմանիաում
Շառլոտենբուրգյան պալատ
Charlottenburg Palace Վիքիպահեստում
Շառլոտենբուրգի պալատ
Շառլոտենբուրգի այգի
Շառլոտենբուրգի տեսքը լճակի կողմից

Շառլոտենբուրգյան պալատ (գերմ.՝ Schloss Charlottenburg), Գերմանիայում բարոկկո ոճի ճարտարապետության հիասքանչ օրինակներից։ Տեղակայված է Բեռլինի նույնանուն թաղամասում[1][2]։ Պալատը կառուցվել է Պրուսիական թագավորության թագավոր Ֆրիդրիխ առաջինի կնոջ՝ Սոֆիա Շառլոտտի կարգադրությամբ։ Սկզբնական շրջանում կոչվել է Լիտցենբուրգյան (գերմ.՝ Lietzenburg) և եղել է ամառային նստավայր, սակայն աստիճանաբար ընդարձակվել և դարձել է ծավալուն կառույց։

Կառուցվածք[խմբագրել | խմբագրել կոդը]

Շառլոտեբուրգ պալատի գլխավոր մուտքն ունի 48 մետրանոց գմբեթ, որի վրա Ֆորտունայի ոսկեզօծ արձանն է։ Պալատի գլխավոր թևում տեղակայված են Ֆրիդրիխի սենյակները։ Հատկապես հետաքրքիր է ընդունելությունների դահլիճը՝ հսկայական տարածք բարձր կամարներով, որմնախորշերով և հարթաքանդակներով։ Արևմտյան թևի վերջնամասում գտնվում է ճենապակյա դահլիճը, որտեղ կա չինական ճենապակու սքանչելի հավաքածու[3]։

Պալատի արևմտյան կողմում է գտնվում մեծ ծաղկաջերմոցը, որը կառուցվել է 1709-1712 թվականներին։ Ձմռանը այնտեղ ցուցադրվել են հազվագյուտ բույսեր, իսկ ամռան ամիսներին այնտեղ անցկացվել են տոնական ցուցադրություններ։ Պալատը քանդվել է Երկրորդ համաշխարհային պատերազմի ժամանակ և վերականգնողական աշխատանքներից հետո այնտեղ այժմ անցկացվում են հանդիսավոր երեկոներ, համերգներ։

Արևելյան կողմում տեղակայված են իտալական ոճով ամառային տնակը` Շինկելի տաղավարը (Schinkel Pavillon)։ Կառլ Ֆրիդրիխ Շինկելը այդ ժամանակաշրջանի առաջատար ճարտարապետն էր և այդ տունը կառուցել է 1825 թվականին, այժմ այդտեղ է գտնվում փոքր, բայց այցելությունների արժանի թանգարան, որտեղ ցուցադրվում են 1800-ական թվականների նկարիչների նկարներ և գծանկարներ։ Որոշ գեղանկարների հեղինակ է հենց ինքը՝ Շինկելը։

Պալատի ձևավորմանը մասնակցել է քանդակագործ Գուստավ Հերման Բլեզերը, ով քանդակել է Դանթեի, Պետրարկայի, Տասսոյի և Արիոստոյի մարմարե կիսանդրիները։

Թագավորական ընտանքի դամբարաններ[խմբագրել | խմբագրել կոդը]

Պալատական այգում գտնվում է դամբարան, որը կառուցվել է 1810 թվականին, և այնտեղ են թաղված Պրուսիայի թագուհի Լուիզան, նրա ամուսին Ֆրիդրիխ Վիլհելմ 3-րդը և թագավորական ընտանիքի մյուս անդամները։

Ծանոթագրություններ[խմբագրել | խմբագրել կոդը]

  1. «"Schloss Charlottenburg".»։ Berlin Tourismus Marketing. 
  2. Editorial Fisa Escudo de Oro, S. A. (2006).. All Berlin and Potsdam. Barcelona: Editorial Fisa Escudo de Oro, S. A. pp. 67–69. ISBN 978-84-378-1532-9.. 
  3. «Charlottenburg Palace» 

Արտաքին հղումներ[խմբագրել | խմբագրել կոդը]