Շամպլենի ծով

Շամպլենի ծով
Տեսակ	ծով
Երկիր	Կանադա և  ԱՄՆ

Շամպլենի ծով, Ատլանտյան օվկիանոսի մայրցամաքային ծով Կանադայում։ Հնում եղել է ծովածոց և առաջացել է սառցադաշտերի հալման արդյունքում սառցե դարաշրջանի վերջում։ Այն մի ժամանակ զբաղեցրել է Կանադայի ներկայիս Քվեբեկ և Օնտարիո նահանգները, ինչպես նաև՝ մասամբ Ամերիկայի Նյու Յորք և Վերմոնտ նահանգները։

Այս ծովը գոյատևել է մ․ թ․ ա․ 10-7-րդ դարերից և անընդհատ նվազել է, քանի որ վերականգնվող մայրցամաքը աստիճանաբար բարձրացել է ծովի մակարդակից։ Առավելագույն չափով ծովը մխրճվել է մայրցամաքի մեջ, հարավում՝ մինչև Շամպլենի լիճ, իսկ արևմուտքում՝ մինչև ներկայիս Օտտավա քաղաքը։ Այդ ժամանակահատվածում ծովի ծավալը մեծանում է մնացած սառցաբեկորներով, ինչի արդյունքում այն ավելի քիչ աղի էր, քան սովորական ծովի ջուրը։ Ենթադրվում է, որ ծովի առավելագույն խորությունը 150 մ է։

Ներկայումս ծովի մասին վկայում են կետերի քարացածությունները, ինչպես նաև ծովային խեցիները, որոնք կարելի է գտնել Օտտավա (Օնտարիո) և Մոնրեալ (Քվեբեկ) քաղաքների մոտակայքում։ Տեսանելի հին ջրափնյա գիծը գտնվում է Պակենհեմ (Օնտարիո) լեռից 40 կմ հյուսիս-արևելք և այժմ հայտնի է որպես Էսկարպ Էրդլի, որը գտնվում է Գատինոյի հովտում, Քվեբեկ նահանգում։

Արտաքին հղումներ

• History of the Champlain Sea.
• Charlotte, The Vermont Whale
• http://www.ggl.ulaval.ca/personnel/bourque/s3/retrait.glaces.html