Շալոմ Քոբոշվիլի

Վիքիպեդիայից՝ ազատ հանրագիտարանից
Jump to navigation Jump to search
Շալոմ Քոբոշվիլի
վրաց.՝ შალომ კობოშვილი
Shalom Koboshvili. Painting.jpg
Ծնվել է 1876
Ծննդավայր Ախալցխա, Վրաստան
Վախճանվել է 1941
Մահվան վայր Թբիլիսի, ԽՍՀՄ
Մասնագիտություն արվեստների գործիչ
Թեմաներ գեղանկարչություն
Ակտիվ շրջան 1937-1941
Shalom Koboshvili Վիքիպահեստում

Շալոմ Քոբոշվիլի (1876, Ախալցխա - 1941, Թբիլիսի), վրացի նկարիչ, որի գեղանկարներն ու գծանկարներն արտացոլում են Վրաստանում հրեաների կյանքը։

Կենսագրություն[խմբագրել | խմբագրել կոդը]

Շալոմ Քոբոշվիլին ծնվել է Ախալցխայում, հրեական ընտանիքում։ Վաղ հասակում թողել է կրոնական ուսմունքը և հետաքրքրություն է ցուցաբերել արվեստի նկատմամբ։ Ծնողները չեն խրախուսել արվեստի նկատմամբ նրա բնածին հակումները։ Արվեստի մասին բոլոր գիտելիքները ստացել է ինքնուրույն։ Տարբեր աշխատանքներ կատարելուց հետո (ասում են՝ 1910 թվականին հանդիպել է նկարիչ Նիկո Փիրոսմանին)[1], 1937 թվականին Քոբոշվիլին դառնում է Թբիլիսիի նորաստեղծ հրեական պատմա-ազգագրական թանգարանի հսկիչը։ Այս աշխատանքը նրան ոգեշնչում է իրեն նվիրելու արվեստին մինչև մահ[2]։

«Աղոթողները Սինագոգում»

Քոբոշվիլու ստեղծագործությունները նաիվ ոճով են. ստեղծել է հրեական կյանքը պատկերող տեսարաններ՝ օգտագործելով յուղաներկ, ջրաներկ։ Տեսարաններում պատկերված են հրեական ամուսնություններ, տոնակատարություններ, հրեական կյանքը վրացական գյուղերում։

Երբ 1950-ական թվականներին Վրաստանի հրեական թանգարանը փակվեց, թանգարանի նմուշները, այդ թվում և Քոբոշվիլու ստեղծագործությունները տեղափոխվեցին Վրաստանի ազգային թանգարան։

2006 թվականին Թբիլիսիի թանգարաններից մեկում տեղի է ունեցել Քոբոշվիլու աշխատանքների հետահայաց ցուցադրությունը։

Գրականություն[խմբագրել | խմբագրել կոդը]

  • Lela Tsitsuashvili, Shalom Koboshvili (1876-1941) for the 130th Anniversary, Tbilisi, 2006.
  • Lily Magal (editor) In the Land of the Golden Fleece։ The Jews of Georgia, Tel-Aviv, 1992.

Ծանոթագրություններ[խմբագրել | խմբագրել կոդը]