Նունե Սարգսյան

	Նունե Սարգսյան
Կրթություն՝	ԵՊՀ ռոմանագերմանական բանասիրության ֆակուլտետ‎, Գոլդսմիթի համալսարան և Երևանի պետական համալսարան
Մասնագիտություն՝	բանասեր, մանկագիր և քաղաքական գործիչ
Ծննդյան օր	մարտի 26, 1954 (68 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Ամուսին	Արմեն Սարգսյան
Կայք՝	nounehsarkissian.com
Պարգևներ
Nouneh Sarkissian

Նունե Սարգսյան (մարտի 26, 1954(1954-03-26), Երևան, Հայկական ԽՍՀ, ԽՍՀՄ), հայ արվեստաբան, գրող։ Հայաստանի նախկին նախագահ Արմեն Սարգսյանի կինը^[1]։

Կենսագրություն[խմբագրել | խմբագրել կոդը]

Նունե Սարգսյանը ծնվել է 1954 թվականի մարտի 26-ին, Երևանում։ Ավարտել է Երևանի պետական համալսարանի ռոմանա-գերմանական լեզուների բաժինը։ Աշխատել է Մեսրոպ Մաշտոցի անվան հին ձեռագրերի գիտահետազոտական ինստիտուտում՝ Մատենադարանում։ Ավարտել է Լոնդոնի համալսարանի Գոլդսմիթս քոլեջը և ստացել արվեստի մագիստրոսի կոչում։ Արվեստաբանություն է ուսանել նաև Լոնդոնի Սոթբիզ ինստիտուտում։ Այնուհետև սովորել է Ուեսթմինսթեր քոլեջի նկարչական բաժնում։

Հեղինակ է ժամանակակից արվեստի, մշակույթի և երաժշտության գործիչների մասին բազմաթիվ հոդվածների և ակնարկների, որոնք տպագրվել են Հայաստանում, ԱՄՆ-ում, եվրոպական տարբեր երկրներում։ Կազմակերպել է բազմաթիվ ցուցահանդեսներ, ինչպես նաև դասական երաժշտության համերգներ տարբեր համերգասրահներում։

Հեղինակ է երկու տասնյակից ավելի մանկական գրքերի՝ հայերեն, ռուսերեն և անգլերեն լեզուներով։ Նրա հեքիաթները լույս են տեսել ոչ միայն արևելահայերենով ու արևմտահայերենով, այլ նաև՝ Արցախի, Գավառի, Գյումրու բարբառներով։

Նունե Սարգսյանը ՅՈՒՆԻՍԵՖ-ի կողմից նշանակվել է երեխաների իրավունքների արտակարգ պաշտպան։

Ստեղծագործություններ[խմբագրել | խմբագրել կոդը]

Դեռևս համալսարանական տարիներից հոդվածներ է գրում արվեստի, երաժշտության և մշակույթի մասին, ինչպես նաև հեքիաթներ ու պատմություններ երեխաների համար։ Իր ստեղծագործություններում Նունե Սարգսյանն արտահայտում է իր անսահման սերը մանուկների հանդեպ։ Նրա պատմությունները «քարոզում» են արդարություն, ազնվություն և բարություն, գրվում են արևելահայերենով ու արևմտահայերենով, անգլերենով ու ռուսերենով, նաև՝ բարբառներով և որպես նվերներ՝ բաժանվում երեխաներին^[1]։

Թզուկ-մզուկ
Սադափ
Հերոսներ
Երեք վիշապներ
Վիշապ Նեսին
Նռան հատիկներ
Թագավորն ու վիշապը
Քաչալ ոզնին
Թե ինչպես փղիկը ճիշտ շնչել սովորեց
Կափիղկա
Դավիթ, Հայկ և Բազիլիսկուս
The Magic Buttons, ISBN 9780704373839
Մրջնակերներ^[2]
Կախարդական կոճակներ^[3]
Քաչալ ոզնին^[4]

Ընտանիք[խմբագրել | խմբագրել կոդը]

1978 թվականին ամուսնացել է Արմեն Սարգսյանի հետ։ Ունի երկու որդի՝ Վարդան և Հայկ Սարգսյանները, երեք թոռնիկ^[5]։

Ծանոթագրություններ[խմբագրել | խմբագրել կոդը]

↑ ^1,0 ^1,1 Մանկագիր Նունե Սարգսյան. անգլերենից մինչև Ղարաբաղի բարբառ
↑ «Anteaters»։ Zangak (անգլերեն)։ Վերցված է 2021-05-24
↑ «The Magic Buttons»։ Zangak (անգլերեն)։ Վերցված է 2021-05-24
↑ «The Bold Hedgehog»։ Zangak (անգլերեն)։ Վերցված է 2021-05-24
↑ Writer and ambassador’s wife Nouneh Sarkissian on her journey from Soviet Armenia to London

Արտաքին հղումներ[խմբագրել | խմբագրել կոդը]

[hayernaysor-1] 1,0 ^1,1 Մանկագիր Նունե Սարգսյան. անգլերենից մինչև Ղարաբաղի բարբառ

[2] «Anteaters»։ Zangak (անգլերեն)։ Վերցված է 2021-05-24

[3] «The Magic Buttons»։ Zangak (անգլերեն)։ Վերցված է 2021-05-24

[4] «The Bold Hedgehog»։ Zangak (անգլերեն)։ Վերցված է 2021-05-24

[5] Writer and ambassador’s wife Nouneh Sarkissian on her journey from Soviet Armenia to London

[1]

[2]

[3]

[4]

[5]