Նորից երկուս
 | |
|---|---|
 | |
| տեսակ | գեղանկար |
| նկարիչ | Ֆեոդոր Ռեշետնիկով |
| տարի | 1952 |
| բարձրություն | 101 սանտիմետր |
| լայնություն | 93 սանտիմետր |
| նյութ | կտավ և յուղաներկ |
| գտնվում է | Տրետյակովյան պատկերասրահ |
| հավաքածու | Տրետյակովյան պատկերասրահ |
պատկերված են
| |
Ծանոթագրություններ | |
«Նորից երկուս» (ռուս.՝ Опять двойка), նկարիչ Ֆեոդոր Ռեշետնիկովի նկարը՝ ստեղծված 1952 թվականին[1]։
Պահվում է Տրետյակովյան պատկերասրահում։ Նկարի սկզբնական հեղինակային տարբերակը գտնվում է Art Russe հիմնադրամի հավաքածուում[2]։
Նկարի սյուժեի՝ ուսումնական կյանքի իրողությունների հետ ունեցած նմանության շնորհիվ այն ԽՍՀՄ դպրոցական ծրագրերում օգտագործվել է որպես կենցաղային գեղանկարչության օրինակ (կերպարվեստի ծրագրում), ռուսաց լեզվի ծրագրի «Բանավոր և գրավոր խոսքի զարգացում» բաժնում հանձնարարվել է գրել շարադրություն այս նկարի վերաբերյալ։ Նկարը հայտնի է եղել խորհրդային հանրության շրջանում։
«Նորից երկուս» կտավը երկրորդ մասն է Ռեշետնիկովի նկարչական տրիլոգիայի, որի առաջին մասը «Եկել է արձակուրդ» (1948) նկարն է, երրորդը՝ «Վերաքննություն» (1954[3]), վերջինս այնպիսի հռչակ չի ունեցել, ինչպիսին ունեցել են առաջին երկուսը (աշխատանքը եղել է մասնավոր սեփականություն, այնուհետև տարվել է ԱՄՆ, որտեղ պահվել է Ֆլորիդայում՝ արվեստի իրերի առևտրականների մոտ, ավելի ուշ այն գնել են աճուրդում և վերադարձրել ՌԴ՝ Ֆիլատովների ռուսական արվեստի հիմնադրամ)։ Հատկանշական է, որ «Նորից երկուս» նկարի ձախ անկյունում նկատվում է ավելի վաղ արված «Եկել է արձակուրդ» կտավի վերարտադրությունը, իսկ «Վերաքննություն» նկարի ձախ անկյունում՝ «Նորից երկուս» նկարի վերարտադրությունը։
Հետաքրքիր մանրամասներ[խմբագրել | խմբագրել կոդը]
- Կերպարների դասավորությամբ ձևավորված կոմպոզիցիան եռանկյուն է։ Նրա վերևում կախված է նկարչի ավելի վաղ արված «Եկել է արձակուրդ» նկարի վերարտադրությունը, որը նկարված է ստվարաթղթի վրա և դրանից ամրացված է պոկովի օրացույց։ Այդ խոսուն մանրամասների միջոցով Ռեշետնիկովը ցույց է տալիս դրական տիպաժ, որին նկարի գլխավոր հերոսը պետք է ձգտի հասնել։
- Նկարի սյուժեի հիման վրա նկարահանվել է «Երալաշ» մանկական կինոհանդեսի 124-րդ սերիայի համանուն էպիզոդը։ Այդ ստեղծագործությունն է ներկայացված «Մուրզիլկայի արկածները» շարքի «Նորից անբավարար» մուլտֆիլմում, որտեղ տղայի անունը Կոլյա է։
- «Նորից երկուս» նկարի սյուժեն կրկնում է նկարիչ Դ. Ե. Ժուկովի (1841-1903) «Ձախողվեց» նկարի (ռուս.՝ «Провалился», 1885) սյուժեն։ Նկարների բոլոր նմանությունների հետ մեկտեղ նրանք բոլորովին տարբեր են։ Մինչխորհրդային շրջանի նկարում գիմնազիայի աշակերտի անհաջողությունը ներկայացված է որպես ընդհանուր տապալում. չէ՞ որ նա ընտանիքի ամենամեծ տղամարդն էր։ Խորհրդային նկարում տեսնում ենք անբանի ու անհաջողակի, որին մանկուց քննադատում է ավագ քույրը, և որի վրա ծիծաղում է փոքր եղբայրը։
- Սկզբում Ռեշետնիկովը պատրաստվում էր նկարել ուրախ սյուժեով «Նորից հինգ» նկար, բայց դասերին հաճախելուց հետո նրան թվաց, որ անհաջողության նկատմամբ արձագանքն ավելի արտահայտիչ է[4]։
- Երկուս ստացողի կերպարի համար կեցվածք է ընդունել 1938 թվականին ճնշումների ենթարկված ու գնդակահարված հայտնի նկարիչ Գուստավ Կլուցիսի որդին[5]։ Կլուցիսի ընտանիքն ապրում էր Ռեշետնիկովի հարևանությամբ՝ նույն տանը, ձերբակալությունից հետո նրանք բնակարանը փոխել են։ Նկարում պատկերված է Կլուցիսի նախկին բնակարանը։
Ծանոթագրություններ[խմբագրել | խմբագրել կոդը]
- ↑ Семён Мартынов Два пишем, пять в уме // Вокруг света : журнал. — 2016. — № 6 (2909). — С. 38—39. — ISSN 0321-0669.
- ↑ Первую версию картины «Опять двойка» купил фонд Филатовых // РИА Новости, 6 февраля 2013
- ↑ «Материалы за 19.11.2012 » Cайт горловки Горловка ПуП Земли». www.gorlov.biz. Արխիվացված է օրիգինալից 2017 թ․ դեկտեմբերի 1-ին. Վերցված է 2017 թ․ նոյեմբերի 24-ին.
- ↑ Решетников Фёдор Павлович. Опять двойка
- ↑ «C. Ларьков, Ф. Романенко. «Враги народа» за Полярным кругом». Արխիվացված է օրիգինալից 2019 թ․ փետրվարի 23-ին. Վերցված է 2019 թ․ հունվարի 5-ին.
Արտաքին հղումներ[խմբագրել | խմբագրել կոդը]
- «Опять двойка» на сайте «Коллекция: мировая художественная культура»
- Картина Фёдора Решетникова «Опять „двойка“» в программе «Собрание Третьяковки» («Эхо Москвы». 27 Август 2006)