Նելլի Շահնազարյան
- Վիքիպեդիայում կան հոդվածներ Շահնազարյան ազգանունով այլ մարդկանց մասին։
Նելլի Շահնազարյան | |
|---|---|
| Ծնվել է | հունվարի 2, 1952 (72 տարեկան) |
| Ծննդավայր | Ջուջևան, Նոյեմբերյանի շրջան, Հայկական ԽՍՀ, ԽՍՀՄ |
| Մասնագիտություն | արձակագիր |
| Քաղաքացիություն |  Հայաստան |
| Կրթություն | Հայկական պետական մանկավարժական համալսարան |
| Անդամակցություն | ՀԳՄ |
| Աշխատավայր | Գաբրիել Սունդուկյանի անվան ակադեմիական թատրոն |
| Պարգևներ | |
| Զավակներ | Ագնեսա Շահնազարյան |
| Նելլի Շահնազարյան Վիքիդարանում | |
Նելլի Սևանի Շահնազարյան (հունվարի 2, 1952, Ջուջևան, Նոյեմբերյանի շրջան, Հայկական ԽՍՀ, ԽՍՀՄ), հայ արձակագիր։ Հայաստանի գրողների միության անդամ (1987)։
Կենսագրություն[խմբագրել | խմբագրել կոդը]
Նելլի Շահնազարյանը ծնվել է 1952 թվականին Նոյեմբերյանի շրջանի Ջուջևան գյուղում։ Ավարտել է Երևանի Խաչատուր Աբովյանի անվան մանկավարժական ինստիտուտի բանասիրական ֆակուլտետը։ Հայաստանի տարբեր շրջանների դպրոցներում եղել է հայոց լեզվի և գրականության ուսուցչուհի[1]։ Եղել է ՀԳՄ Լոռու մարզային բաժանմունքի նախագահը, ՀԳՄ գրական ֆոնդի նախագահը։ Նրա պատմվածքները, ակնարկները, հոդվածները տպագրվել են հանրապետական գրական մամուլում։ Կազմել և խմբագրել է հայ նշանավոր դերասանների և գեղանկարիչների մասին գրքեր։ 1997 թվականից Երևանի Գաբրիել Սունդուկյանի անվան ազգային ակադեմիական թատրոնի փոխտնօրենն է[2]։
Շահնազարյանի երկերը թարգմանվել են ռուսերեն, վրացերեն, անգլերեն, ֆրանսերեն, հունարեն, պարսկերեն, արաբերեն, գերմաներեն, ուկրաիներեն, հունգարերեն լեզուներով[2]։
Բեմադրություններ[խմբագրել | խմբագրել կոդը]
Երևանի Սունդուկյանի անվան թատրոնում բեմադրվել են Շահնազարյանի պիեսներից`
- «Կախարդական դաշտ կամ կատվի տարի»
- «Իմ ծաղկած դեղձենի»
Հայկական հեռուստաթատրոնի համար նկարահանվել է «Ելիր, դուռդ բաց արա» դրաման։
Երկեր[խմբագրել | խմբագրել կոդը]
- «Իմ ծաղկած դեղձենի», 1989
- «Իսկ ծափերը երկնքում», 2003
- «Պիեսների ժողովածու», 2003
- «Հրապարակախոսական հոդվածների ժողովածու», 2004
- «Ընտրանի», 2012
- «Տաք շնչառություն», 2013
Մրցանակներ[խմբագրել | խմբագրել կոդը]
- ՀՀ մշակույթի նախարարության ոսկե մեդալ, 2012
- ՀԳՄ «Գրական վաստակի համար» մեդալ, 2012
- Պարսիկ դրամատուրգների և թատրոնի միության ոսկե մեդալ, 2012
- Թատերական Լոռի» միջազգային փառատոնի մրցանակ
- «Թափորը» մոնոդրաման մի շարք միջազգային փառատոներում «Կնոջ լավագույն դերի» համար - դերակատար ՀՀ վաստակավոր արտիստուհի Գրետա Մեջլումյան (ՀՀ «Արմմոնո», ԻԻՀ, Ուկրաինա, Գերմանիա, Հունգարիա, Ռուսաստան (Մոսկվա) և այլն) արժանացել է տարբեր մրցանակների
Ծանոթագրություններ[խմբագրել | խմբագրել կոդը]
- ↑ Baghdasaryan, Aram. «AV Production - Նելլի Շահնազարյան». avproduction.am. Արխիվացված է օրիգինալից 2022 թ․ հունվարի 31-ին. Վերցված է 2017 թ․ հունվարի 2-ին.
- ↑ 2,0 2,1 Նելլի Շահնազարյանի կենսագրությունը ՀԳՄ կայքում