Յուրգա Շեդույկիտե
| Յուրգա Շեդույկիտե | |
|---|---|
 | |
| Ի ծնե անուն | լիտ.՝ Jurga Šeduikytė |
| Ծնվել է | փետրվարի 10, 1980 (44 տարեկան) Տելշյայ, Լիտվական ԽՍՀ, ԽՍՀՄ |
| Երկիր |  Լիտվա |
| Ժանրեր | փոփ |
| Մասնագիտություն | երգչուհի և դերասանուհի |
| Գործիքներ | վոկալ |
| Կրթություն | Վիլնյուսի համալսարան |
 Jurga Šeduikytė Վիքիպահեստում | |
Յուրգա Շեդույկիտե (լիտ.՝ Jurga Šeduikytė, ավելի հայտնի է Յուրգա բեմական անունով, փետրվարի 10, 1980, Տելշյայ, Լիտվական ԽՍՀ, ԽՍՀՄ), լիտվացի երգչուհի և երգի հեղինակ։
Կենսագրություն
[խմբագրել | խմբագրել կոդը]Յուրգա Շեդույկիտեն ծնվել է Կլայպեդում (ներկայումս՝ Տելշյայ քաղաք) երաժշտական ընտանիքում[1]։ 8 տարեկանում նա ընտանիքով տեղափոխվել է Պալանգա, որտեղ Յուրգան ավարտել է երաժշտական դպրոցի դաշնամուրի բաժինը։ Սովորել է Վիլնյուսի համալսարանի լրագրության բաժնում[1]։
2002 թվականին նա մասնակցել է երիտասարդ կատարողների Fizz Superstar մրցույթին։ Նույն թվականին Dingau կեղծանվամբ առաջին անգամ ներկայացել է համերգով՝ Muscat կանանց ռոք խմբի կազմում'[1]։
2004 թվականին նա երգել է «Ugnies medžioklė su varovais» և «Tadas Blinda» մյուզիքլում։
2005 թվականին Յուրգա բեմական անունով սկսել է իր անհատական գործունեությունը։ Սեպտեմբերի 16-ին ներկայացել է «Aukso pieva» («Ոսկե մարգագետին») դեբյուտային ալբոմով)[1]։ Առաջին՝ «Nebijok» («Մի՛ վախեցիր») երգը 8 շաբաթվա ընթացքում Լիտվայում գրավել է առաջին տեղը։ Ալբոմը, որի պրոդյուսերը Անդրյուս Մամոնտովասն էր, ներառում էր լիտվերեն և անգլերեն 12 երգ, որոնք գրեթե բոլորը գրել է Յուրգան։ Նա ստացել է բազմաթիվ մրցանակներ և ավելի քան 120 համերգ է տվել Լիտվայում և Լատվիայում։ 2006 թվականին երգերը դարձել են մատչելի միջազգային առցանց խանութներում՝ Amazon, iTunes Music Store, Napster, eMusic, Virgin Megastore և Sony Connect։
Երկրորդ՝ «Instrukcija» ալբոմը («Հրահանգ») ներկայացրել է 2007 թվականի ապրիլին, որն ներառել է 13 երգ, որոնք գրել է Յուրգան Լիտվայում և Նոր Զելանդիայում։ Արդյունքների հետ կապված՝ նա գնացել է շրջագայության Լիտվայում, ինչպես նաև համերգներով հանդես է եկել Աննաբերգ բոննական ամրոցում։ 2007 թվականի հուլիսին նրա «5th Season» երգը Շվեդիայի Կարլշամն քաղաքում երգերի բալթյան փառատոնում շահել է գրան պրի[2]։ Նույն տարվա նոյեմբերի 1-ին նա ստացել է MTV Europe Music Awards մրցանակը՝ որպես լավագույն բալթյան կատարող։
2008 թվականի օգոստոսի 28-ին Յուրգան ունեցել է որդի՝ Ադո անունով։ Գրեթե մեկ տարի անց՝ 2009 թվականի օգոստոսի 26-ին, նա ամուսնացել է իր որդու հոր՝ Վիդաս Բարեյկիսի հետ, որը Suicide DJs խմբի վոկալիստն է։
Սկավառակագրություն
[խմբագրել | խմբագրել կոդը]Ալբոմներ
[խմբագրել | խմբագրել կոդը]- Aukso pieva (2005)
- Instrukcija (2007)
- +37° (Goal of Science) (2009)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 «Jurga: "Savo kompleksus palieku prie teatro durų"» (լիտվերեն). ve.lt. 2014 թ․ հունիսի 7. Վերցված է 2017 թ․ ապրիլի 3-ին.
- ↑ «Jurga Wins the Baltic Song Contest in Karlshamn». Արխիվացված է օրիգինալից 2012 թ․ ապրիլի 6-ին. Վերցված է 2018 թ․ մարտի 27-ին.
Արտաքին հղումներ
[խմբագրել | խմբագրել կոդը]- Յուրգա Շեդույկիտեն Discogs կայքում (անգլ.)
- Jurga in discogs.com (անգլ.)
 | Վիքիպահեստն ունի նյութեր, որոնք վերաբերում են «Յուրգա Շեդույկիտե» հոդվածին։ |
| ||||||||||||||
