Յուլի Թամիր

Վիքիպեդիայից՝ ազատ հանրագիտարանից
Jump to navigation Jump to search
Յուլի Թամիր
Yuli Tamir2018.jpg
 
Կուսակցություն՝ Ավոդա
Կրթություն՝ Օքսֆորդի համալսարան և Երուսաղեմի հրեական համալսարան
Մասնագիտություն՝ քաղաքական գործիչ և մանկավարժ
Ծննդյան օր փետրվարի 26, 1954(1954-02-26)[1] (65 տարեկան)
Ծննդավայր Թել Ավիվ, Իսրայել
Քաղաքացիություն Flag of Israel.svg Իսրայել

Յուլի (Յաել) Թամիր (եբր.՝ ‏יולי תמיר‏‎‎, փետրվարի 26, 1954(1954-02-26)[1], Թել Ավիվ, Իսրայել), իսրայելցի քաղաքական և պետական գործիչ, փիլիսոփայության պրոֆեսոր և «Շենքար» քոլեջի նախագահ: Զբաղեցրել է կրթության նախարարի և կլանման (ներգաղթի) նախարարի պաշտոնները:

Կենսագրություն[խմբագրել | խմբագրել կոդը]

Ծնվել է Թել Ավիվում 1954 թվականին: Ավարտել է Ալյանս դպրոցը Ռամաթ-Ավիվում: Ծառայել է Իսրայելի բանակի ռազմական հետախուզության 848-րդ ստորաբաժանումում, Արաբա-իսրայելական պատերազմի ժամանակ որպես սպա ծառայել է Սինայի թերակղզում: Զորացրվել է լեյտենանտի կոչումով[2]:

Թամիրը Երուսաղեմի հրեական համալսարանից ստացել է կենսաբանության բակալավրի և քաղաքագիտության մագիստրոսի կոչումներ: Նա Օքսֆորդում քաղաքական փիլիսոփայության բնագավառում ստացել է դոկտորական աստիճան: 1989 -1999 թվականներին Յուլի Թամիրը Թել Ավիվի համալսարանում դասավանդել է փիլիսոփայություն, ինչպես նաև աշխատել է Երուսաղեմի «Շալոմ Հարտման» ինստիտուտում, Փրինսթոնի և Հարվարդի համալսարաններում, որպես գիտաշխատող:

Քաղաքական գործունեություն[խմբագրել | խմբագրել կոդը]

Յուլի Թամիրը եղել է «Շալոմ Ահշավ» շարժման հիմնադիրներից, իսկ 1980-1985 թվականներին նա եղել է «Ռաց» շարժման ակտիվիստներից[3]: 1998-1999 թվականներին Յուլին եղել է Իսրայելի քաղաքացիական իրավունքների ասոցիացիայի նախագահը:

1995 թվականից նա սկսեց ակտիվ քաղաքական գործունեություն ծավալել «Ավոդա» կուսակցությունում: Չնայած Յուլի Թամիրին չհաջողվեց 1999 թվականի ընտրություններում դառնալ Քնեսեթի պատգամավոր, նա Էհուդ Բարաքի կառավարությունում նշանակվեց Կլանման նախարար:

Քնեսեթի 2003 թվականի ընտրություններում Թամիրն ընտրվել է պատգամավոր և մասնակցել խորհրդարանի ֆինանսական, սահմանադրական, օրենսդրական, հասարակայնության, սպորտի և մշակույթի կոմիտեների աշխատանքներին: Աշխատել է նաև կառավարությունում կոռուպցիայի հետաքննության խորհրդարանական կոմիտեում: 2006 թվականին նորից ընտրվել է Քնեսեթի պատգամավոր և մինչև 2009 թվականը Էհուդ Օլմերտի կառավարությունում զբաղեցրել կրթության նախարարի պաշտոնը: 2006 թվականի նոյեմբերին Օֆիր Պինես-Պազի պաշտոնաթողությունից հետո, Թամիրը կատարել է նաև գիտության, մշակույթի և սպորտի նախարարի պարտականությունները մինչև 2007 թվականի մարտը, երբ նրա փոխարեն նշանակվել է Ռալեբ Մաջադլեն: Կուսակցության ցուցակում զբաղեցնելով իններորդ հորիզոնականը` նա պահպանեց իր տեղը 2009 թվականի խորհրդարանական ընտրություններում:

Քաղաքական գործունեության ավարտ[խմբագրել | խմբագրել կոդը]

2010 թվականի ապրիլի 11-ին Յուլի Թամիրը հայտարարեց քաղաքական ասպարեզից հեռանալու մասին և հրաժարական ներկայացրեց: Նրա տեղը Քնեսեթում զբաղեցրեց Ավոդա կուսակցությունից մեկ այլ ակտիվիստ` Ռալեբ Մաջադլեն[4]:

Քաղաքականությունից հեռանալուց հետո Յուլի Թամիրը պատրաստվում է զբաղվել ակադեմիական աշխատանքով: «Շենքար» քոլեջը հայտարարում է, որ Յուլին համաձայնվել է զբաղեցնել քոլեջի նախագահի պաշտոնը[5]:

Ծանոթագրություններ[խմբագրել | խմբագրել կոդը]

  1. 1,0 1,1 חה"כ יולי תמירKnesset.
  2. «Правительство Израиля. Краткие биографии 25 министров»։ Արխիվացված է օրիգինալից 2012-04-26-ին։ Վերցված է 2010-05-16 
  3. «Карточка Юли Тамир на сайте Кнессета»։ Արխիվացված է օրիգինալից 2012-04-26-ին։ Վերցված է 2010-05-16 
  4. «Юли Тамир покидает Кнессет»։ Արխիվացված է օրիգինալից 2012-04-26-ին։ Վերցված է 2010-05-16 
  5. «Юли Тамир официально подала в отставку из Кнессета»։ Արխիվացված է օրիգինալից 2012-04-26-ին։ Վերցված է 2010-05-16